ⴰⵎⴹⴰⴽⴰⵕ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵊⵉⴱⵓⵜⵉ

ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 05 ⵢⵓⵍⵢⵓⵣ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⴷⵓⴷⴰⵏⵜ ⵏ ⵊⵉⴱⵓⵜⵉ ⵎⴰⵙⵙ ⴷⴰⵍⵉⵜⴰ ⵎⵓⵃⴰⵎⵎⴰⴷ ⴷⴰⵍⵉⵜⴰ ⵉⵍⵍⴰⵏ ⴳ ⵓⵔⵣⴰⴼ ⴰⵎⴰⴷⴷⵓⴷ ⵉ ⵍⵎⵖⵔⵉⴱ ⵏⵜⵜⴰⵏ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵉⵙⵜⴰⵡⵀⵎⵎⴰⵏ ⴳ 2 ⴰⵔ 8 ⵢⵓⵍⵢⵓⵣ.

ⵉⵍⵍⴰ ⵓⵎⴹⴰⴽⴰⵕ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ ⴷ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵉⵙⵏⵜⵍⵏ ⵢⴰⴹⵏⵉⵏ ⵛⵛⴰⵔⵏⵉⵏ.

ⵉⵙⵓⵜⴳ ⵎⴰⵙⵙ ⴷⴰⵍⵉⵜⴰ ⵎⵓⵃⴰⵎⵎⴰⴷ ⴷⴰⵍⵉⵜⴰ ⵜⵉⵣⴷⴰⵢⵉⵏ ⵏ ⵜⴰⴳⵯⵎⴰⵜ ⵍⵍⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵢⵉⵏⵉ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⴰⴷ ⴰⵙⵙⵏ ⴷ ⵓⵙⵏⴼⵍ ⵅⴼ ⵜⵉⵔⵎⵉⵜⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⵊⵉⴱⵓⵜⵉ, ⴷ ⵓⴷⵔⴰⵡ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵓⵙⵡⵉⵔ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ.

ⵢⵉⵏⵉ ⵎⴰⵙⵙ ⴷⴰⵍⵉⵜⴰ ⵎⵓⵃⴰⵎⵎⴰⴷ ⴷⴰⵍⵉⵜⴰ ⵎⴰⵙ ⴷ ⴰⵔⵣⴰⴼ ⴰⴷ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵔ ⵉⵎⵎⴰⵍ ⵜⴰⴷⵓⵙⵉ ⵏ ⵜⵣⴷⴰⵢⵉⵏⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵎⴰⵕⵕⴰ ⵉⴳⵔⴰⵏ ⵙⵍⵡⴰⵏ ⴰⴽⴽⵯ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵉⵏⴼⵍⴰⵃⵏ ⴷ ⵡⵉⵏⵙ ⵓⵙⵍⵎⴷ ⴷ ⵜⴷⵓⵙⵉ, ⵉⵙⴰⵡⵍ ⴼ ⵜⵉⵔⴰⵜ ⵉⴷⵓⵙⵏ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ ⴳ ⵓⵙⴰⵜⵉ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ.

ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵡⵉⵔ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵥⵉⵍⵏⵉⵏ ⵊⴰⵔ ⵜⵉⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ ⴷ ⵉⵎⴰⴷⴰⵏⵏ ⴰⵢⵜⵎⴰⵜⵏ, ⵢⵉⵏⵉ ⵎⴰⵙ ⴷ ⵉⵇⵇⴰⵏ ⵓⵙⵓⴷⵓⵙ ⵏⵏⵙⵏⵜ ⵍⵍⵉ ⵍⵍⴰⵏⵜ ⵜⵉⵖⴰⵡⵙⵉⵡⵉⵏ ⵛⵛⴰⵔⵏⵉⵏ ⵙⵎⵓⵏⵏⵉⵏ ⵊⴰⵔ ⵜⵉⵎⵉⵣⴰⵔ ⴷⴰⵜ ⵏ ⵜⵏⴰⵥⴰⵕⵉⵏ ⵍⵍⴰⵏⵉⵏ.

ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵙⵍⴰⵡⴰⵏ ⴰⴽⴽⵯ ⴳ ⵓⵙⴷⵓⵙ ⵏ ⵓⵡⴰⵏⴽ ⵏ ⵓⵙⵍⴳⵏ ⴷ ⵜⵎⵔⵙⴰⵍ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⴷ ⵜⴷⵔⴼⵉⵢⵉⵏ.

ⵉⵙⵎⵏⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵎⴰⴷ ⵉⵥⵍⵉⵏ ⵙ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ , ⴷ ⵉⵙⴰⵡⵓⵔⵏ ⵍⵍⵉ ⵖ ⵉⵍⵜⵖ ⵓⵙⵇⵇⵉⵎ ⴳ ⵓⵎⵏⵉⴷ ⵏ ⵜⵎⵓⵟⵟⵓⵏⵜ ⵏ ⵡⴰⵔⵛⵉⴼ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴷ ⵜⵎⵓⵟⵟⵓⵏⵜ ⵏ ⵜⴱⵔⵉⴷⵜ ⵏ ⵓⵣⵣⵔⴰⴼ ⴷ ⵉⵙⵏⴼⴰⵔⵏ ⵣⴷⵉⵏⵉⵏ ⴷ ⵓⴱⵕⵍⴰⵎⴰⵏ ⴰⵍⵉⴽⵟⵔⵓⵏⵉ.

ⵢⵉⵏⵉ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵢⵓⵊⴰⴷ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⴷⵔⴰⵡ ⵏ ⵜⵉⵔⵎⵉⵜ ⵏⵏⵙ ⴰⴽⴷ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⴷⵓⴷⴰⵏⵜ ⵏ ⵊⵉⴱⵓⵜⵉ ⵙ ⵓⵙⴽⵔ ⵏ ⵓⵖⴰⵡⴰⵙ ⵉⵛⵛⴰⵔⵏ ⵏ ⵜⵡⵓⵔⵉ, ⵉⵙⴷⴷⵉⴷ ⴼ ⵜⵉⴽⴽⵉ ⵏ ⵓⵏⴼⵓⵙ ⴰⵎⴰⵢⵏⵓ ⵉ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ.

ⵜⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙⴰ ⵃⴰⵢⴰⵜ ⵓⵎⵏⵊⵓⵊ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵊⵉⴱⵓⵜⵉ, ⵎⴰⵙⵙ ⵎⵓⵃⴰⵎⵎⴰⴷ ⴷⵀⵓⵔ ⵀⵉⵔⵙⵉ ⴰⵎⵙⵇⵇⴰⴷ ⵏ ⵊⵉⴱⵓⵜⵉ ⴳ ⵕⵕⴱⴰⵟ, ⴷ ⵉⵎⵓⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵊⵉⴱⵓⵜⵉ: ⵎⴰⵙⵙⴰ ⵀⵉⴱⵓ ⵄⵍⵉ ⵃⵓⵙⵉⵏ, ⵎⴰⵙⵙ ⵉⵍⵢⴰⵙ ⴰⵃⵎⴰⴷ ⵃⴰⵙⴰⵏ, ⵎⴰⵙⵙ ⵎⵓⵃⴰⵎⴰⵎⴷ ⵃⴰⵙⴰⵏ ⴼⴰⵕⴰⵃ, ⴰⵎⴰⵔⴰ ⴰⵎⴰⵜⴰⵢ ⵎⴰⵙⵙ ⵉⵙⵎⴰⵄⵉⵍ ⴽⵓⵍⴰⵏ ⴱⵓⴷⵉⵏ.