ⵜⵉⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⴷ ⵜⵖⵉⵎⵉⵜ ⵜⵉⵙ ⵙⵎⵎⵓⵙⵜ ⵏ ⵜⵙⵓⵜⵍⵜ ⵜⴰⵣⵣⵔⴰⴼⵜ ⵜⵉⵙ ⴽⵕⴰⴹⵜ ⵏ ⵓⴱⵕⵍⴰⵎⴰⵏ ⴰⵄⵕⴰⴱ
ⵉⴷⵔⵓ ⵓⴽⴰⴱⴰⵕⴰ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⴷ ⵜⵖⵉⵎⵉⵜ ⵜⵉⵙ ⵙⵎⵎⵓⵙⵜ ⵏ ⵜⵙⵓⵜⵍⵜ ⵜⵉⵙ ⴽⵕⴰⴹⵜ ⵏ ⵓⵎⵏⵏⵉ ⴰⵣⵣⵔⴰⴼ ⵡⵉⵙ ⴽⵕⴰⵟ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⵓⵙⵙⴰⵏ ⵏ 9 ⴷ 10 ⵢⵓⵏⵢⵓ 2023 ⴳ ⵍⵇⴰⵀⵉⵕⴰ ⴳ ⵎⵉⵚⵕ.
ⵢⵓⵎⴰ ⵓⴽⴰⴱⴰⵕ:
* ⵎⴰⵙⵙ ⴰⵎⴰⵔⵉ ⵎⵓⵃⴰⵎⵎⴰⴷ ⵄⵉⵢⵢⴰⵛ, ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ;
* ⵎⴰⵙⵙⴰ ⵜⴰⵎⴰⵔⵉⵜ ⵅⴰⴷⵉⵊⴰ ⵃⵊⵊⵓⴱⵉ, ⵙⴳ ⵜⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ;
* ⵎⴰⵙⵙ ⵎⵓⵃⴰⵎⵎⴰⴷ ⵍⴱⴰⴽⵓⵕⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.
ⵉⵍⵍⴰ ⴳ ⵓⵖⴰⵡⴰⵙ ⵓⵎⴷⴰⴽⴰⵕ ⵏ ⴽⵉⴳⴰⵏ ⵏ ⵉⵙⵍⴳⵏⵏ ⴷ ⵉⵙⵏⴼⴰⵔⵏ ⵉⵎⵣⵡⵓⵔⴰ ⵏ ⵉⵏⵇⵇⵉⵙⵏ ⵏ ⵡⴰⴷⴷⴰⴷ ⴰⵙⵔⵜⴰⵏ ⴷ ⵓⴷⵎⵙⴰⵏ ⴷ ⵓⵏⴰⵎⵓⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⴰⴹⴰⵍ ⵏ ⵡⴰⵄⵕⴰⴱⵏ, ⴷ ⵉⵙⵏⴼⴰⵔⵏ ⵏ ⵜⵖⵜⴰⵙⵉⵏ ⴼ ⵓⵙⵓⵔⵙ ⴰⵙⵔⵜⴰⵏ ⴳ ⵜⴰⵎⵓⵏⵜ ⵏ ⵡⴰⵄⵕⴰⴱⵏ ⵍⵍⵉ ⵔⴰⴷ ⵢⵉⵍⵉ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵜⵉⵙ ⵙⵎⵎⵓⵙⵜ ⵏ ⵓⴱⵕⵍⴰⵎⴰⵏ ⴰⵄⵕⴰⴱ.
ⵔⴰⴷ ⵜⵃⴰⴹⵕ ⵎⴰⵙⵙ ⵅⴰⴷⵉⵊⴰ ⵃⵊⵊⵓⴱⵉ ⵜⴰⵎⴰⵔⵉⵜ ⵏ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵜⵙⴳⵯⵎⴰⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵎⵖⴰⵔⵜ ⴷ ⵉⵄⵔⵔⵉⵎⵏ ⵜⵉⵙⵎⵓⵏⴰⵢ ⵏ ⵜⵙⵇⵇⵉⵎⵜ, ⵍⵍⵉⵖ ⵜⵙⵖⵣⵏ ⵜⵙⵇⵇⵉⵎⵜ ⴰⵙⵏⴼⴰⵔ ⵏ ⵓⵙⵍⴳⵏ ⵏ ⵓⵙⵡⴰⵍⴰ ⴰⵄⵕⴰⴱ ⵏ ⵓⵙⴱⴷⴷⵉ ⵏ ⵜⴽⵕⴹⵉ ⵏ ⵜⵓⵡⵊⴰ, ⵜⴼⴼⵖ ⵙ ⵓⵙⵓⵊⴷ ⵏ ⵓⵙⵍⴳⵏ ⵏ ⵓⵙⵡⴰⵍⴰ ⵏ ⵓⵙⴱⴷⴷⵉ ⵏ ⵓⵙⵙⵉⵡⴷ ⴳ ⵓⵎⴰⴹⴰⵍ ⵏ ⵡⴰⵄⵕⴰⴱⵏ. ⴷ ⵓⵔⵣⵣⵓ ⵏ ⵓⵙⴽⵔ ⵏ ⵓⴼⵏⵉⵇ ⵏ ⵓⵙⵏⴰⵍ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴳ ⵉⵡⴰⵏⴽⵏ ⴰⵄⵕⴰⴱⵏ ⴳ ⵜⴷⵔⵓⵙ ⵜⵣⵣⵉⴳⵣⵜ, ⴷ ⵜⵎⴰⵢⵏⵓⵜⵓⵏ ⴼ ⵓⵙⵏⵎⴰⵍⴰ ⵏ ⵜⵉⵏⴰⵡⵜ ⴼ ⵓⴼⵔⴰⴳ ⵏ ⵡⴰⵜⵉⴳⵏ ⵉⵏⴰⵎⵓⵏⵏ ⴳ ⵓⵎⴰⴹⴰⵍ ⴰⵄⵕⴰⴱ ⵍⵍⵉ ⵔⴰⴷ ⵉⵙⴱⵔⵔⴽ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ.
ⵉⴳⴰ ⵎⴰⵙⵙ ⴰⵎⴰⵔⵉ ⵎⵓⵃⴰⵎⵎⴰⴷ ⵄⵉⵢⵢⴰⵛ ⴰⴳⵏⵙⴰⵙ ⴳ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵣⵣⵔⴰⴼⵉⵏ ⴷ ⵜⵣⵔⴼⴰⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵎⴹⴰⴽⴰⵕ ⵜⵙⵇⵇⵉⵎⵜ ⴰⵙⵏⴼⴰⵔ ⵏ ⵓⵏⵇⵇⵉⵙ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴰⵙⴳⴳⵯⵙⴰⵏ ⵡⵉⵙ ⵙⵎⵎⵓⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ 2022, ⴷ ⵓⵙⵏⴼⴰⵔ ⵏ ⵜⵡⵡⵓⵔⵉ ⵏ ⵓⵙⴱⴷⴷⵉ ⵏ ⵜⵡⵡⵓⵔⵉ ⵏ ⵡⴰⵣⵣⴰⵏ , ⴷ ⵓⵙⵏⴼⴰⵔ ⵏ ⵓⵙⵎⴰⵇⵇⵍ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⵏ ⵓⵙⴱⴷⴷⵉ ⵏ ⴳⴰⵔ ⵉⴷⵔⵉⵣⵏ ⵏ ⵜⵎⵓⴽⵔⵉⵙⵉⵏ ⵏ ⵓⴳⴰⵎⴰ ⴼ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵎⵙⵙⴽⵯⵜⵉⵜ ⵏ ⵓⵙⵉⵔⴰ ⵓⴱⵕⵍⴰⵎⴰⵏ ⴰⵄⵕⴰⴱ ⵅⴼ ⵓⵙⵙⵔⵇⴱ ⵏ ⵉⵡⴰⵏⴽⵏ ⴰⵄⵕⴰⴱⵏ ⴼ ⵓⵣⵎⵎⵣⵎ ⵏ ⵜⵎⵢⴰⵇⵇⴰⵏⵜ ⵏ ⵜⵙⵏⴱⴹⴰⵢⵜ ⵜⴰⵄⵕⴰⴱⵜ ⵏ ⵜⵏⴼⴳⵓⵔⵜ ⴷ ⵜⵎⵙⵙⴽⵯⵜⵉⵜ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵅⴼ ⵜⵖⵜⴰⵙⵉⵏ ⵏ ⵓⵙⵇⵇⵉⵎ ⵏ ⵜⴰⵎⵓⵏⵜ ⵏ ⵉⵡⴰⵏⴽⵏ ⴰⵄⵕⴰⴱⵏ ⴳ ⵜⵙⵓⵜⵍⵜ ⵜⵉⵙ 32 ⵍⵍⵉ ⵔⴰⴷ ⵢⵉⵍⵉ ⴳ ⵊⴰⴷⴷⴰ ⴷ ⵎⴰⴷ ⵉⵥⵍⵉⵏ ⵙ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ.
ⵉⵍⵍⴰ ⵓⵙⵜⴰⵢ ⵏ ⵎⴰⵙⵙ ⴰⵎⵛⵛⵉⵡⵕ ⵎⵓⵃⴰⵎⴰⵎⴷ ⵍⴱⴰⴽⵓⵕⵉ ⴷ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵥⵕⴼⴰⵏⵉⵏ ⴳ ⵓⴷⵖⴰⵔ ⵏ ⵎⴰⵙⵙ ⴰⵃⵎⴰⴷ ⵛⴻⴷ.
ⵔⴰⴷ ⵜⵉⵍⵉ ⵓⵍⴰ ⵜⵙⵓⵜⵍⵜ ⵜⵉⵙ ⵙⵎⵎⵓⵙⵜ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⵍⵍⵉ ⵔⴰⴷ ⵉⵥⵍⵉ ⵉ ⵓⵔⵣⵣⵓ ⵏ ⵜⵣⵣⵉⴳⵣⵜ ⵏ ⵜⵙⵔⵜⵉⵜ ⴷ ⵜⵏⴼⵔⵓⵜ ⴷ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴳ ⵓⵎⴰⴹⴰⵍ ⵏ ⵡⴰⵄⵕⴰⴱⵏ.