ⵜⵎⴹⴰⴽⴰⵕ ⵎⴰⵙⵙⴰ ⴱⵓⵄⵉⴷⴰ ⴷ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵓⴳⴰⴷⴰⵣ ⵉⵛⵛⴰⵔⵏ ⵏ ⵎⴰⵔⵉⴽⴰⵏ ⵏ ⵉⴼⴼⵓⵙ “ⵎⵉⵔⴽⵓⵙⵓⵔ”

ⵜⵙⵏⵓⴱⴳ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ, ⵜⴰⵏⵙⵙⵉⵅⴼⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 9 ⵢⵓⵏⵢⵓ 2023, ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵓⴳⴰⴷⴰⵣ ⵉⵛⵛⴰⵔⵏ ⵏ ⵎⴰⵔⵉⴽⴰⵏ ⵏ ⵉⴼⴼⵓⵙ (ⵎⵉⵔⴽⵓⵙⵓⵔ) ⵎⴰⵙⵙ Ruben Anibal Bacigalupe ⴷ ⵓⴽⴰⴱⴰⵕ ⵏⵏⵙ, ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⵜⵔⴰⴱⴱⵓⵜ ⴰⴷ ⵜⴰⴷⵎⵙⴰⵏⵜ.

ⵜⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵄⴰⵉⵛⴰ ⵍⴽⵔⵊⵉ, ⵜⵙⵏⵓⴱⴳ ⵎⴰⵙⵙⴰ ⴱⵓⵄⵉⴷⴰ ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⵍⵍⵉ ⵉⵔⵣⴼⵏ ⵍⵎⵖⵔⵉⴱ, ⵜⵙⵓⵜⴳ ⴰⴳⵔⴰⵡ ⴰⴷ ⴰⴷⵎⵙⴰⵏ ⵉⴳⴰⵏ ⵜⴰⵙⵏⵜⴰⵢⵜ ⵉ ⵓⵙⵉⴷⴼ ⴰⴷⵎⵙⴰⵏ, ⵜⵙⴰⵡⵍ ⵓⵍⴰ ⴼ ⵓⵙⴷⵙⵓ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⵊⴰⵔ ⵍⵎⵖⵔⵉⴱ ⴷ ⵉⴱⵕⵍⴰⵎⴰⵏⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⵙⵜ.

ⵖⵎⴽ ⵍⵍⵉ ⵜⵙⴰⵡⵍ ⵎⴰⵙⵙⴰ ⴱⵓⵄⵉⴷⴰ ⴼ ⵜⵎⴰⵢⵏⵓⵜⵉⵏ ⵍⵍⴰⵏⵉⵏ ⴳ ⵜⴷⵎⵙⴰ ⵜⴰⵎⴰⴹⵍⴰⵏⵜ ⵙⵍⴰⵡⴰⵏ ⴰⴽⴽⵯ ⵜⴰⵙⵙⴰⵙⵜ ⵊⴰⵔ ⵔⵓⵙⵢⴰ ⴷ ⵓⴽⵕⴰⵏⵢⴰ, ⵖⵎⴽ ⵍⵍⵉ ⵜⵙⵎⵏⵉⴷ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⵎⵓⵜⵜⵉ ⴰⵥⴹⴰⵕⴰⵏ.

ⵜⵙⴰⵡⵍ ⵎⴰⵙⵙⴰ ⵄⴰⵉⵛⴰ ⵍⴽⵔⵊⵉ ⴼ ⵜⵣⵣⵉⴳⵣⵜ ⵏ ⵜⴳⵎⵉ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉⴳⴰⵏ ⵜⴰⵎⴰⵣⵉⵔⵜ ⵜⴰⵄⵕⴰⴱⵜ ⴷ ⵜⵏⴰⵎⵎⴰⵙⵜ ⵉⵟⵟⴰⴼⵏ ⴰⴷⵖⴰⵔ ⴰⵙⵜⵔⴰⵜⵉⵊⵉ ⴳ ⵉⴼⵔⵉⵇⵢⴰ , ⵜⴻⵟⵟⴼ ⵜⵉⵥⴹⴰⵕⵉⵏ ⵏ ⵓⵎⵢⴰⵡⴰⵙ ⴰⴽⴷ ⵉⵡⴰⵏⴽⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ.

ⵉⵙⴰⵡⵍ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⵏ ⵓⴳⴰⴷⴰⵣ ⵉⵛⵛⴰⵔⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴼ ⵓⵙⴷⵙⵓ ⵏ ⵓⵎⵢⴰⵡⴰⵙ ⴰⴽⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⴰⵍⴰ ⵏ ⵉⵙⵏⴼⵍⵏ ⵍⵍⴰⵏⵉⵏ ⴳ ⵓⵎⴰⴹⴰⵍ, ⵍⵍⵉⵖ ⵜⵜⴻⵍⵍⵉⵏ ⵉⴱⵕⵍⴰⵎⴰⵏⵏ ⵏ ⵎⴰⵔⵉⴽⴰⵏ ⵏ ⵉⴼⴼⵓⵙ ⴼ ⵉⵎⵏⴰⴷⵏ ⵉⴷⵎⵙⴰⵏⵏ ⵉⵎⴰⵢⵏⵓⵜⵏ. ⵉⵙⴰⵡⵍ ⵓⵍⴰ ⴼ ⵜⵉⵔⴰⵜ ⵉ ⵓⵣⵎⵎⴻⵎ ⵏ ⵜⵎⵙⵙⴽⵯⵜⵉⵜⵉⵏ ⵏ ⵓⵏⵔⴰⵎⴰⵙ ⴰⴽⴷ ⴰⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵓⵙⴰⵜⵉ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⴷ ⵉⵎⴰⵙⵙⵏ ⵏ ⵜⵡⵡⵓⵔⵉ ⵍⵍⵉ ⵔⴰⴷ ⵉⵙⴽⵔ ⴰⵙⵎⵖⵔ ⴰⴷⵎⵙⴰⵏ ⴷ ⵓⵣⵔⴰⵢ ⵏ ⵉⴷⵔⵉⵣⵏ ⵏ ⵓⴱⴰⵢⵢⵓⵔ ⵏ ⴽⵓⵕⵓⵏⴰ. ⵢⵉⵍⵉ ⵓⵎⴹⴰⴽⴰⵕ ⵓⵍⴰ ⴷ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵓⵙⴽⵔ ⵏ ⵜⵎⵙⵙⴽⵯⵜⴰⵢ ⵏ ⵓⵏⵔⴰⵎⴰⵙ.

ⵢⵓⵎⴰ ⵓⴽⴰⴱⴰⵕ ⴰⴷ ⵎⴰⵙⵙ ⴰⵏⵙⵙⵉⵅⴼ ⴷ ⵎⴰⵙⵙ ⵟⵓⵎⴰⵙ ⴱⵉⵟⴰⵕ ⴰⵎⴰⵔⵉ ⵏ ⵓⵏⵙⵙⵉⵅⴼ ⵙⴳ ⴱⴰⵕⴰⴳⵡⴰⵢ, ⴰⵏⵙⵙⵉⵅⴼ ⵉⵣⵔⵉⵏ ⵏ ⵓⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵏⵏⴰⵎⵙⵜ, ⴷ ⵎⴰⵙⵙⴰ ⵙⵉⵙⵍⵢⴰ ⴱⵕⵓⵟⵓ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵙⴳ ⵜⴳⴷⵓⴷⴰⵏⵜ ⵏ ⴰⵕⵊⵓⵏⵜⵉⵏ, ⴷ ⵎⴰⵙⵙ ⵏⵉⵍⵙⵓⵏ ⵟⵕⴰⴷ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵍⴱⵔⴰⵥⵉⵍ ⴳ ⵓⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵏ ⵉⴼⴼⵓⵙ ⴷ ⵎⴰⵙⵙ ⴷⴰⵏⵢⴰⵍ ⵓⵙⴽⴰⵔ ⵔⴰⵎⵓⵏⴷⵓ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⴱⴰⵔⴰⵙⵓⵍ ⵉⵟⴰⵍⵢⴰ.

ⵉⴳⴰ ⵍⵎⵉⵔⴽⵓⵙⵓⵔ ⵢⴰⵜ ⵜⴰⵎⵓⵏⵜ ⵜⴰⴷⵎⵙⴰⵏⵜ ⴳ ⵎⴰⵔⵉⴽⴰⵏ ⵏ ⵉⴼⴼⵓⵙ, ⵜⵡⴰⵜⵜⵙ ⴰⵙⵎⴰⴷ ⴰⴷⵎⵙⴰⵏ ⵊⴰⵔ ⵉⵡⴰⵏⴽⵏ ⵉⴳⵎⴰⵎⵏ, ⵉⵔⵎⵙ ⴰⴷ ⵉⴳ ⵙⴳ 1991 ⵙⴳ ⵜⴰⵎⵓⵏⵉⵏ ⵜⵉⴷⵎⵙⴰⵏⵉⵏ ⴳ ⵓⵎⴰⴹⴰⵍ.