ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵥⵟⵟⴰ ⴰⴱⵕⵍⴰⵎⴰⵏⵉ ⵏ ⵓⴱⴰⵏⴽ ⴰⴳⵔⴰⵖⵍⴰⵏ ⴷ ⵓⴼⵏⵉⵇ ⵏ ⵓⴷⵔⵉⵎ ⴰⴳⵔⴰⵖⵍⴰⵏ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵜⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 5 ⵢⵓⵏⵢⵓ 2023 ⴰⵥⵟⵟⴰ ⴰⴱⵕⵍⴰⵎⴰⵏⵉ ⵏ ⵓⴱⴰⵏⴽ ⴰⴳⵔⴰⵖⵍⴰⵏ ⴷ ⵓⴼⵏⵉⵇ ⵏ ⵓⴷⵔⵉⵎ ⴰⴳⵔⴰⵖⵍⴰⵏ ⵉⵔⵣⴼⵏ ⵜⴰⵎⴰⵣⵉⵔⵜ ⵏⵏⵖ ⵙⴳ 4 ⴰⵔ 8 ⵢⵓⵏⵢⵓ.
ⵉⴽⵛⵎ ⵓⵔⵣⴰⴼ ⴰⴷ ⴳ ⵓⵙⵓⵏⴱⴳ ⵏ ⵜⵙⵎⵓⵏⴰⵢ ⵏ ⵜⵔⴰⴱⴱⵓⵜ ⵏ ⵓⴱⴰⵏⴽ ⴰⴳⵔⴰⵖⵍⴰⵏ ⴷ ⵓⴼⵏⵉⵇ ⵏ ⵓⴷⵔⵉⵎ ⴰⴳⵔⴰⵖⵍⴰⵏ ⴳ ⵜⵖⵔⵎⵜ ⵏ ⵡⴰⵎⵓⵔ ⵏ ⵡⴰⴽⵓⵛ ⴳ ⴽⵟⵓⴱⵕ 2023 ⴳ ⵔⴰⴷ ⵉⵙⵏⵎⴰⵍⴰ ⵓⵥⵟⵟ ⴰⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵏ ⵜⵎⵉⵣⴰⵔ ⵏ ⵍⵇⴱⵍⵜ ⴰⵏⴰⵎⵎⴰⵙ ⴷ ⵉⴼⵔⵉⵇⵢⴰ.
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵎⵓⴽⵏⵏ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴳ ⵜⵎⴰⵣⵉⵔⵜ ⵏⵏⵖ ⵙⴳ ⵓⴷⵓⵙⵜⵓⵔ ⵏ 2011, ⴷ ⵉⵙⴰⵡⵓⵔⵏ ⵍⵍⴰⵏⵉⵏ ⴳ ⵜⵎⴰⵣⵉⵔⵜ ⵏⵏⵖ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.
ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵉⵙⵉⵙⴼⵉⵡⵏ ⴼ ⵎⴰⴷ ⵉⵥⵍⵉⵏ ⵙ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵣⴷⴰⵢⵉⵏ ⵏ ⵜⴷⵎⵙⴰ ⵊⴰⵔ ⵍⵎⵖⵔⵉⴱ ⴷ ⵉⴼⵔⵉⵇⵢⴰ ⴷ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵉ ⵜⴳⵎⵉ ⵜⴰⵏⴼⴳⴰⵏⵜ ⴷ ⵓⵙⴱⴷⴷⵉ ⵏ ⵓⵥⵍⴰⴹ ⴷ ⵜⵔⵙⴰⵍ ⵏ ⵓⵡⴰⵏⴽ ⴰⵏⴰⵎⵓⵏ ⴳ ⵍⵎⵖⵔⵉⴱ ⴷ ⵜⵙⵔⵜⵉⵜ ⵏ ⵜⵎⴳⵓⵔⵉ ⴷ ⵓⵙⵙⴰⵔⵓ ⴷ ⵜⵥⴹⵕⵉⵏ ⵜⵉⵎⴰⵢⵏⵓⵜ ⴷ ⵜⴷⵉⵎⵓⵇⵔⴰⵟⵉⵜ ⴷ ⵜⴳⵏⵙⴰⵙⵜ ⵏ ⵜⵎⵖⴰⵔⵜ ⴳ ⵓⴱⵕⵍⴰⵎⴰⵏ.
ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵎⵓⵃⴰⵎⴰⵎⴷ ⵛⵓⴽⵉ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵎⴰⵙⵙ ⵅⴰⵍⵉⴷ ⵃⴰⵜⵉⵎⵉ, ⴷ ⵎⴰⵙⵙ ⵎⵙⵄⵓⴷ ⴰⴳⵏⴰⵡ ⴰⵏⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵔⵉⵎⵜ ⴷ ⵓⵙⵖⵉⵡⵙ ⴷ ⵜⴳⵎⵉ ⵜⴰⴷⵎⵙⴰⵏⵜ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵎⴰⵙⵙ ⴰⴳⵎⴰⵎ ⵎⵓⵃⴰⵎⴰⵎⴷ ⵄⵎⵎⵓⵕⵉ.
ⵉⵍⵍⴰ ⵓⵥⵟⵟⴰ ⴰⴱⵕⵍⴰⵎⴰⵏⵉ ⵏ ⵓⴱⴰⵏⴽ ⴰⴳⵔⴰⵖⵍⴰⵏ ⴷ ⵓⴼⵏⵉⵇ ⵏ ⵓⴷⵔⵉⵎ ⴰⴳⵔⴰⵖⵍⴰⵏ ⴳ 2000, ⴰⵔ ⵜⵜⵏⵄⴰⵕ ⵉ ⵜⵎⴰⴼⴰⵡⵜ ⴷ ⵜⵎⵙⴰⵢⵜ ⴳ ⵜⵎⵔⵙⴰⵍ ⵜⵉⵥⵥⵕⴰⴼⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵎⴰⴷⴷⴰⵙⵉⵏ ⴰⴽⴽⴰⵏⵉⵏ ⵜⵉⴳⵜⵉⵔⴰⵏⵉⵏ.