ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵎⴰⵍⵟⴰ: ⵉⴷⵔⵓ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ, ⴳ ⵜⵉⵏⴰⵡⵜ ⴼ ⵓⵎⵙⵓⵔⵓⴼ ⴷ ⵓⴼⵔⴰ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴷ ⵓⵕⵓⴱⴱⴰ
ⵉⴷⵔⵓ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ, ⴳ ⵜⵉⵏⴰⵡⵜ ⵏ ⵎⴰⵍⵟⴰ ⴼ ⵓⵎⵙⵓⵔⵓⴼ ⴷ ⵓⴼⵔⴰ ⴼ ⵍⵇⴱⵍⵜ ⵜⴰⵏⴰⵎⵎⴰⴷⵜ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴷ ⵓⵕⵓⴱⴱⴰ, ⴳ 1 ⴷ 2 ⵢⵓⵏⵢⵓ 2023.
ⵔⴰⴷ ⴷⵔⵓⵏ ⴳ ⵜⵉⵏⴰⵡⵜ ⴰⴷ ⵉⴱⵕⵍⴰⵎⴰⵏⵉⵢⵏ ⴷ ⵉⴳⵏⵙⴰⵙⵏ ⵏ ⵜⵎⴰⵡⴰⵙⵉⵏ ⵏ ⴱⵕⵕⴰ ⴷ ⵉⵎⵙⴷⴰⵏ, ⵔⴰⴷ ⵎⴹⴰⴽⴰⵕⵏ ⴼ ⵜⵉⵍⴰⵍⵜ ⵏ ⵡⴰⵎⵓⵏ ⴰⵖⵔⵎⴰⵏ ⴳ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⴷⴰⵜ ⵏ ⵓⵎⵙⵓⵔⵓⴼ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴷ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ.
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵎⴰⵍⵟⴰ ⵎⴰⵙⵙ George Vella ⵉⵎⴷⵔⴰⵡⵏ ⴳ ⵜⵉⵏⴰⵡⵜ, ⵉⵙⵎⵏⵉⴷ ⵜⴰⴳⵓⵔⵉ ⴼ ⵓⵅⵎⵎⴻⵎ ⵏ ⵜⵎⴰⵣⵉⵔⵜ ⵏⵏⵙ ⴳ ⵓⴼⵔⴰ ⴷ ⵓⵎⵙⵓⵔⵓⴼ ⴳ ⵓⵎⴰⴹⴰⵍ, ⴷ ⵓⵔⴳⴳⵉⴳ ⴳ ⵜⵙⴳⴰ ⵏ ⵓⵏⴰⵎⵎⴰⵙ ⵉ ⵓⴼⵔⴰ ⴷ ⵜⵏⴼⵔⵓⵜ ⵉⵎⴰⴹⵍⴰⵏⵏ.
ⵜⵍⵍⴰ ⵜⵉⵏⴰⵡⵜ ⵙ ⵓⵎⵢⴰⵡⴰⵙ ⵊⴰⵔ ⵓⵙⵇⵇⵉⵎ ⴰⵎⴰⴹⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵎⴰⵍⵟⴰ, ⵔⴰⴷ ⵜⵙⵎⴷ ⵙ ⵢⴰⵏ ⵓⵙⵉⵡⴹ ⴼ ⵓⴼⵔⴰ ⴷ ⵓⵎⵙⵓⵔⵓⴼ. ⵉⴳ ⵓⵙⵇⵇⵉⵎ ⴰⴷ ⵜⴰⵎⴰⴷⴷⴰⵙⵜ ⵡⴰⵔⵜⵓⵏⴱⵉⴹⵜ ⵉⵙⵡⵓⵔⵉⵏ ⴼ ⵓⵎⵙⵓⵔⵓⴼ ⴷ ⵓⴼⵔⴰ ⵊⴰⵔ ⵉⵎⴰⴷⴰⵏⵏ ⴷ ⵉⵡⴰⵏⴽⵏ ⵙ ⵉⵙⵡⴰⵍⴰⵢⵏ ⵏ ⵜⵎⵜⵜⴰ ⵎⵓⵏⵏⵉⵏ.
ⵉⵎⴹⴰⴽⴰⵕ ⵎⴰⵙⵙ ⵚⵚⴱⴱⴰⵕⵉ ⴷ ⵎⴰⵙⵙ ⴰⵏⵙⵙⵉⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵎⴰⵍⵟⴰ ⴼ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵉⵏ ⵜⵉⵙⵉⵏⵔⴰⵏⵉⵏ ⴷ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵓⵙⵏⴰⵍ ⵏ ⵓⴼⵔⴰ ⴷ ⵓⵎⵙⵓⵔⵓⴼ ⴳ ⵜⵙⴳⴰ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵎⴰⵍⴰⵟⴰ ⵎⴰⵙ ⵔⴰⴷ ⵙⴽⵔⵏ ⵜⴰⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⴷ ⵍⵎⵖⵔⵉⴱ ⴰⵎⴰ ⵜⴰⴷ ⵉⵍⵍⴰⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵢⵉⵏⵉ ⵎⴰⵙ ⵔⴰⴷ ⴷⵔⵓⵏ ⴳ ⵓⴳⵔⴰⵡ ⴰⴱⵕⵍⴰⵎⴰⵏⵉ ⴼ ⵓⵎⵙⴰⵡⴰⵍ ⵏ ⵜⵖⵔⵎⵉⵡⵉⵏ ⵍⵍⵉ ⵔⴰⴷ ⵢⵉⵍⵉ ⴳ ⵡⴰⵎⵓⵔ ⵏ ⵡⴰⴽⵓⵛ ⵉ ⵓⵔⵣⵣⵓ ⴼ ⵓⵙⵏⴰⵍ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵍⵎⵖⵔⵉⴱ ⴷ ⵎⴰⵍⵟⴰ.
ⵉⴳⴰ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ ⴰⴳⵎⴰⵎ ⴳ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⵉⴹⴼⵕⵏ ⴰⵙⵇⵇⵉⵎ ⴰⵎⴰⴹⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ, ⵜⵙⵏⵓⴱⴳ ⵕⵕⴱⴰⵟ ⴷ ⴷⴷⴰⵅⵍⴰ ⵜⴰⵙⵓⵜⵍⵜ ⵏⵏⵙ ⵜⵉⵙ ⵎⵔⴰⵡⵜ ⴳ ⵢⵓⵍⵢⵓⵣ 2022 ⵙ ⵜⴷⵔⴰⵡⵜ ⵏ 80 ⵓⴱⵕⵍⴰⵎⴰⵏⵉ ⵙⴳ ⵓⵎⴰⴹⴰⵍ. ⵖⵎⴽ ⵍⵍⵉ ⵉⵣⵎⵎⵉⵎ ⵜⴰⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⴰⴽⴷ ⴰⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴼ ⵓⵎⵢⴰⵡⴰⵙ ⵉⵛⵛⴰⵔⵏ.