ⵇⴰⵟⴰⵕ: ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵉⵏⵏⴰⵡⵜ ⵜⴰⵎⵣⵡⴰⵔⵓⵜ ⵏ ⵜⵙⵏⵜⴰⵢⵜ ⵏ ⵜⴳⵎⵉ ⵏ ⵉⵏⵜⵓⵙⴰⵢ ⴷ ⴰⵕⴰⴱⵓⵙⴰⵢ ⴼ ⵜⵙⵉⵎⴰⵏⵜ ⵏ ⵉⵏⴳⵎⴰⵎⵏ ⵉⵎⴰⵜⵜⵓⵢⵏ ⵉ ⵜⵉⴹⴰⴼ
ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵉⵏⵏⴰⵡⵜ ⵜⴰⵎⵣⵡⴰⵔⵓⵜ ⵏ ⵜⵙⵏⵜⴰⵢⵜ ⵏ ⵜⴳⵎⵉ ⵏ ⵉⵏⵜⵓⵙⴰⵢ ⴷ ⴰⵕⴰⴱⵓⵙⴰⵢ ⴼ ⵜⵙⵉⵎⴰⵏⵜ ⵏ ⵉⵏⴳⵎⴰⵎⵏ ⵉⵎⴰⵜⵜⵓⵢⵏ ⵉ ⵜⵉⴹⴰⴼ ⴷⴷⵓ ⵜⵎⴰⵜⴰⵔⵜ: ⴰⵙⵏⴰⵍ ⵏ ⵜⵙⵉⵎⴰⵏⵜ ⵏ ⵉⵏⴳⵎⴰⵎⵏ ⵉⵎⴰⵜⵜⵓⵢⵏ ⵜⵉⴹⴰⴼ ⴳ ⵜⵎⵏⴰⴹⵜ ⵏ ⴰⵕⴰⴱⵓⵙⴰⵢ, ⵉⵍⵍⴰⵏ ⴳ ⴷⴷⴰⵡⵃⴰ ⴳ ⵇⴰⵟⴰⵕ ⵙⴳ 23 ⴰⵔ 24 ⵎⴰⵢ 2023.
ⵜⵙⵙⵉⵅⴼ ⵎⴰⵙⵙⴰ ⵍⴰⵟⵉⴼⴰ ⵍⴱⵍⵉⵃ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵉⵎⵜ ⵜⴰⵎⴰⵜⴰⵢⵜ ⴰⴽⴰⴱⴰⵕ ⴰⴷ ⴳ ⵉⵍⵍⴰ ⵎⴰⵙⵙ ⴰⵎⴰⵔⵉ ⵕⵃⵃⵓ ⵍⵀⵉⵍⵄ, ⵙⴳ ⵜⵔⴰⴱⵓⵜ ⵏ ⵜⵣⵖⵕⵜ ⴷ ⵜⵎⴰⵜⵔⴰⵔⵜ, ⴷ ⵎⴰⵙⵙ ⴰⵎⴰⵔⵉ ⵃⴰⵎⵉⴷ ⴷⴷⵔⵔⴰⵇ ⵙⴳ ⵜⵔⴰⴱⴱⵓⵜ ⵜⴰⵙⵔⵎⵓⵜⵏ-ⵜⵓⵣⵍⵜ ⵏ ⵍⵉⵜⵜⵉⵃⴰⴷ. ⴷ ⵎⴰⵙⵙ ⴽⴰⵎⴰⵍ ⴷⴷⴰⵡⴷⵉ ⴰⵏⴱⴹⵓ ⴳ ⵜⵙⵏⴱⴹⴰⵢⵜ ⵏ ⵓⵙⵉⵟⵟⵏ.
ⵜⴳⴰ ⵜⵉⵏⵏⴰⵡⵜ ⴰⴷ ⵜⴰⵎⵍⴷⴰ ⵏ ⵉⵎⵙⵜⴳⴳⴰⵔⵏ ⵏ ⵉⴱⵕⵍⴰⵎⴰⵏⵏ ⴷ ⵉⵏⴳⵎⴰⵎⵏ ⵏ ⵜⵉⴹⴰⴼ ⴳ ⵉⵡⴰⵏⴽⵏ ⴰⵄⵕⴰⴱⵏ ⵉ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴷ ⵜⵉⵔⵎⵉⵜⵉⵏ, ⵙⵍⴰⵡⴰⵏ ⴰⴽⴽⵯ ⴼ ⵜⵙⵉⵎⴰⵏⵜ ⵏⵏⵙⵏⵜ ⴷ ⵓⵙⴼⵙⵉ ⵏ ⵓⵙⵓⵔⵙ ⵏⵏⵙⵏⵜ ⴳ ⵜⵎⵏⴰⴹⵜ ⵏ ⴰⵕⴰⴱⵓⵙⴰⵢ ⴷ ⵜⵎⵓⴽⵔⵉⵙⵉⵏ ⵏⵙ ⴷ ⵉⴼⵙⵙⴰⵢⵏ ⵍⵍⵉ ⴷ ⵇⵇⴰⵏⵉⵏ ⵉ ⵓⵙⵕⵚⵓ ⵏⵏⵙⵏ ⴷ ⵓⵙⵏⴰⵍ ⵏⵏⵙⵏ.
ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⵏ ⵜⵙⵉⵎⴰⵏⵜ ⵏ ⵉⵏⴳⵎⴰⵎⵏ ⵉⵎⴰⵜⵜⵓⵢⵏ ⵏ ⵜⵉⴹⴰⴼ ⴷ ⵓⵙⵎⵏⵉⴷ ⵏ ⵓⵏⵇⵇⵉⵙ ⵏ ⵓⵙⵓⵜⴳ ⴰⵎⴰⴷⵍⴰⵏ ⵏ 2020, ⴷ ⵜⵙⵖⵍⵜ ⵏ ⵓⴱⴰⵏⴽ ⴰⴳⵔⴰⵖⵍⴰⵏ ⴷ ⵓⵖⴰⵡⴰⵙ ⴰⵙⵜⵔⴰⵜⵉⵊⵉ ⵏ ⴰⵕⴰⴱⵓⵙⴰⵢ ⴷ ⵓⵙⵇⵙⵉ ⵏ ⵜⴳⵎⵉ ⵏ ⵜⵙⵓⴳⴰⵔ ⵜⵉⵎⵔⵙⵍⴰⵏⵉⵏ ⵏ ⴰⵕⴰⴱⵓⵙⴰⵢ , ⴷ ⵓⵙⵎⵏⵉⴷ ⵏ ⵜⵡⵡⵓⵔⵉⵡⵉⵏ ⵏ ⵜⵎⴰⴷⴷⴰⵙⵜ ⵏ ⵜⵙⵏⵜⴰⵢⵜ ⵏ ⵜⴳⵎⵉ ⵏ ⵉⵏⵜⵓⵙⴰⵢ ⴳ ⵢⵉⴳⵔ ⵏ ⵓⵙⵏⴰⵍ ⵏ ⵜⵙⵉⵎⴰⵏⵜ ⵏ ⵉⵏⴳⵎⴰⵎⵏ ⵉⵎⴰⵜⵜⵓⵢⵏ ⵏ ⵜⵉⴹⴰⴼ ⴷ ⵓⵎⴹⴰⴽⴰⵕ ⵏ ⵡⴰⵜⵉⴳ ⵏ ⵓⵢⴰⵡⴰⵙ ⵊⴰⵔ ⵓⵏⴳⵎⴰⵎ ⴰⵎⴰⵜⵜⵓⵢ ⵏ ⵜⵉⴹⴰⴼ ⴷ ⵓⴱⵕⵍⴰⵎⴰⵏ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⴰⵢⴽⵓⵍⵓⵊⵉ ⵏ ⵓⵙⵇⵙⵉ.
ⴳ ⵜⵉⵏⵏⴰⵡⵜ ⴰⴷ, ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⴼ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴼ ⵓⵎⵢⵡⴰⵙ ⵊⴰⵔ ⵓⵏⴳⵎⴰⵎ ⴰⵏⴰⴼⵍⵍⴰ ⵏ ⵜⵉⴹⴰⴼ ⴷ ⵓⴱⵕⵍⴰⴰⵎⵏ ⵙⵜⴷⵔⴰⵡⵜ ⵏ ⵉⴱⵕⵍⴰⵎⴰⵏⵉⵢⵏ ⴷ ⵉⴳⵏⵙⴰⵙⵏ ⵏ ⵉⵏⴳⵎⴰⵎⵏ ⵉⵎⴰⵜⵜⵓⵢⵏ ⵏ ⵜⵉⴹⴰⴼ.
ⵔⴰⴷ ⵢⵉⵍⵉ ⵓⵍⴰ ⵓⵙⵎⵏⵉⴷ ⵏ “ⵓⵖⴰⵡⴰⵙ ⵏ ⵜⵡⵡⵓⵔⵉ ⵏ ⴷⴷⴰⵡⵃ”ⴰ, ⵉ ⵓⵙⴷⵓⵙ ⵏ ⵓⵏⵢⴰⵍⴽⴰⵎ ⵊⴰⵔ ⵉⵏⴳⵎⴰⵎⵏ ⵉⵎⴰⵜⵜⵓⵢⵏ ⵏ ⵜⵉⴹⴰⴼ ⴷ ⵓⴱⵕⵍⴰⵎⴰⵏ ⴳ ⵜⵎⵏⴰⴹⵜ ⵏ ⴰⵕⴰⴱⵓⵙⴰⵢ, ⵉⵣⴷⵉⵏ ⴷ ⵓⵙⵎⵓⵏ ⵏ ⵜⵎⵓⵛⴰ ⴷ ⵓⵙⵔⵓⵙ ⵏ ⵜⵏⵎⵎⴰⵍⵉⵏ ⴷ ⵓⵙⴽⵓ ⵏ ⵜⵙⵓⴳⴰⵔ ⴷ ⵓⵙⵏⴰⵍ ⵏ ⵓⵣⵣⴳⵉⵔ ⴳ ⵓⵙⵡⵉⵔ ⴰⵏⴰⵎⵓⵔ.