ⵉⵙⵍⴰⵏⴷⴰ: ⵜⴷⵔⵓ ⵜⵎⴰⵔⵉⵜ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ ⴳ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ
ⵜⴷⵔⵓ ⵜⵎⴰⵔⵉⵜ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ ⵜⴰⵏⵙⵙⵉⵅⴼⵜ ⵏ ⵜⴰⵢⵢⴰⵡⵜ ⵜⴰⵎⵖⵔⵉⴱⵉⵜ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⴰⵎⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⴰⵙⵙ ⵏ 15 ⵎⴰⵢ 2023, ⴳ ⵉⵙⵍⴰⵏⴷⴰ ⴳ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵜⵎⵙⵎⵓⵏⵜ.
ⵜⴽⵛⵎ ⵜⵙⵎⵓⵏⵉ ⴰⴷ ⴳ ⵓⵙⴰⵜⵉ ⵏ ⵓⴳⵔⴰⵡ ⵡⵉⵙ ⴽⴽⵓⵥ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵉⵍⵍⴰⵏ ⴳ ⵔⵉⴽⵢⴰⴼⵉⴽ ⵜⴰⵎⴰⵥⵓⵏⵜ ⵏ ⵉⵙⵍⴰⵏⴷⴰ.
ⵉⵍⵍⴰ ⵓⵎⴹⴰⴽⴰⵕ ⴼ: ⴰⵙⵇⵇⵉⵎ ⵏ ⵓⵕⵓⴱⴱⴰ ⴷ ⴰⵎⵙⴽⴰⵔ ⴰⴷⵙⵍⴰⵏ ⴳ ⵜⵊⵏⵓⵔⵜ ⵜⴰⵎⵏⵏⴰⵡⵜ, ⴰⵙⵇⵇⵉⵎ ⵏ ⵓⵕⵓⴱⴱⴰ ⴷ ⴰⵎⵣⵡⴰⵔⵓ ⴳ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⵜⵙⵖⵣⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵉⴹⵕⵉⵚⵏ ⵣⴷⵉⵏⵉⵏ ⴷ ⵓⴳⵔⴰⵡ ⵏ ⵔⵉⴽⵢⴰⴼⵉⴽ ⵙⵍⴰⵡⴰⵏ ⴰⴽⴽⵯ ⵡⵉⵙ 2245 ⵉⵣⴷⵉⵏ ⴷ ⵡⴰⵜⵉⴳⵏ ⴷ ⵜⵏⴰⵥⴰⵕⵉⵏ ⵏ ⵓⴳⵔⴰⵡ.
ⵉⵟⵟⴰⴼ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴰⴷⵖⴰⵔ ⵏ ⵓⵎⴷⵔⴰⵡ ⵉ ⵜⴷⵉⵎⵓⵇⵔⴰⵟⵉⵜ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵙⴳ 2011, ⵜⴷⵔⵓ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴳ ⵜⵡⵡⵓⵔⵉⵡⵉⵏ ⵏⵏⵙ, ⵎⴽ ⵍⵍⵉ ⵉⵙⵏⴰⵎⴰⵍⴰ ⵓⴱⵔⵍⴰⵎⴰⵏ ⴰⵎⵖⵔⵉⴱⵉ ⴽⵉⴳⴰⵏ ⵏ ⵉⵎⵓⵙⵙⵓⵜⵏ ⵙ ⵓⵎⵢⴰⵡⴰⵙ ⴰⴽⴷ ⵜⴰⵎⵙⵎⵓⵏⵜ.
ⵜⴳⴰ ⵜⵎⵙⵎⵓⵏⵜ ⵜⴰⴱⵕⵍⴰⴰⵎⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴰⵎⵏⴰⴷ ⴰⴱⵕⵍⴰⵎⴰⵏⵉ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⴷ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵢⵓⵎⴰⵏ 46 ⵏ ⵓⵡⴰⵏⴽ ⵙⴳ ⵓⵕⵓⴱⴱⴰ. ⴳⵉⵙ ⵉⴱⵕⵍⴰⵎⴰⵏⵉⵢⵏ ⵙⴳ ⵉⴱⵕⵍⴰⵎⴰⵏ ⵉⵏⴰⵎⵓⵔⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵓⵙⵇⵇⵉⵎ ⵏ ⵓⵕⵓⴱⴱⴰ.