ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⴽⴰⴱⴰⵕ ⵏ ⵓⵙⵉⵏⴰⴳ ⴰⴳⵍⴷⴰⵏ ⴰⴱⵕⵉⵟⴰⵏⵉ ⵉ ⵜⵖⵓⵔⵉⵡⵉⵏ ⴳ ⵢⵉⴳⵔ ⵏ ⵓⵎⵣⴰⵖ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 9 ⵎⴰⵢ 2023 ⴳ ⵕⵕⴱⴰⵟ, ⴰⴽⴰⴱⴰⵕ ⵏ ⵓⵙⵉⵏⴰⴳ ⴰⴳⵍⴷⴰⵏ ⴰⴱⵕⵉⵟⴰⵏⵉ ⵉ ⵜⵖⵓⵔⵉⵡⵉⵏ ⴳ ⵢⵉⴳⵔ ⵏ ⵓⵎⵣⴰⵖ.
ⵉⴽⵛⵎ ⵓⵔⵣⴰⴼ ⴰⴷ ⴳ ⵡⴰⴷ ⵉⵙⴽⵔ ⵓⴽⴰⴱⴰⵕ ⴰⴷ ⵉ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴷ ⵚⴱⴰⵏⵢⴰ ⴳ 8 ⴰⵔ 14 ⵎⴰⵢ.
ⵉⵙⵎⵏⵉⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵉⵙⴰⵡⵓⵔⵏ ⴷ ⵉⵎⵓⴽⵏⵏ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵉⵙⴳⴳⵯⴰⵙⵏ ⴰⴷ ⴳⴳⵓⵔⴰⵏⵉⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.
ⵖⵎⴽ ⵍⵍⵉ ⵉⴼⴽⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵙⵉⵙⴼⵉⵡⵏ ⴼ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ ⴳ ⵍⵎⵖⵔⵉⴱ, ⴷ ⵉⴷⵔⵉⵣⵏ ⵏ ⵉⵙⵏⴼⵍⵏ ⵏ ⵓⵏⵣⵡⵉ, ⴷ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵜⵎⵎⴰⵡⵜ ⵜⴰⴷⵍⵙⴰⵏⵜ, ⵉⵙⴰⵡⵓⵔⵏ ⵉⵅⴰⵜⴰⵔⵏ ⵙⴽⵔⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵏⴰⵡ ⴳ ⵜⵏⴼⵔⵓⵜ ⴷ ⵓⵔⴳⴳⵉⴳ ⴳ ⵜⵙⴳⴰ.
ⵉⵙⴰⵡⵍ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴼ ⵜⵎⵙⴰⵔⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵏⴰⵥⴰⵕⵉⵏ ⵣⴷⵉⵏⵉⵏ ⴷ ⵓⵔⴳⴳⵉⴳ ⴷ ⵜⵏⴼⵔⵓⵜ ⴳ ⵓⵎⴰⴹⴰⵍ.
ⵉⵜⵜⵓⵙⴽⴰⵔ ⵓⵙⵉⵏⴰⴳ ⴰⴱⵕⵉⵟⴰⵏⵉ ⵉ ⵜⵖⵓⵔⵉⵡⵉⵏ ⴳ ⵢⵉⴳⵔ ⵏ ⵓⵎⵣⴰⵖ ⴳ 1927, ⵉⴳⴰ ⵜⵉⵎⵔⵙⵍⵜ ⵜⴰⵎⴰⴹⵍⴰⵏⵜ ⴳ ⵢⵉⴳⵔ ⵏ ⵜⵖⵓⵔⵉⵡⵉⵏ ⴷ ⵓⵙⵡⵉⵏⴳⵎ ⴰⵙⵜⵔⴰⵜⵉⵊⵉ.