ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴰⴱⴰⵕ ⵙⴳ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵜⴰⴽⵓⵔⵉⵜ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 9 ⵎⴰⵢ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴰⴽⴰⴱⴰⵕ ⴰⵅⴰⵜⴰⵔ ⵙⴳ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵜⴰⴽⵓⵔⵉⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ SUNG JUM HWA ⴰⵙⵇⵓⵏⵙⵓ ⵏ ⵡⴰⴷⴷⵓⵔ ⵏ ⵍⵎⵖⵔⵉⴱ ⴳ ⵙⵢⵓⵍ.

ⵉⵙⴽⵔ ⵓⴽⴰⴱⴰⵕ ⴰⴷ ⴰⵔⵣⴰⴼ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙⴳ 4 ⴰⵔ 10 ⵎⴰⵢ, ⵉⵙⴽⵔ ⵉⵏⵎⵓⵇⵇⴰⵔⵏ ⴷ ⵉⵔⵣⴰⴼⵏ ⴼ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵏ ⵜⴳⵍⴷⵉⵜ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

ⴳ ⵜⵣⵡⵉⵔⵉ ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⴽⴰⴱⴰⵕ ⵎⴰⵙⵙ SUNG JUM HWA ⴼ ⵓⵙⵏⵉⵎⵎⵔ ⴷ ⵓⵙⵓⵜⴳ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴼ ⵓⵙⴱⵔⵔⴽ ⵉⵥⵉⵍⵏ ⵉⵣⴷⵉⵏ ⴷ ⵓⵔⵣⴰⴼ ⴰⴷ ⵉ ⵍⵎⵖⵔⵉⴱ.

ⵉⵙⴰⵡⵍ ⵓⴽⴰⴱⴰⵕ ⴰⴽⵓⵔⵉ ⴼ ⵓⵙⵓⵜⴳ ⵏ ⵜⵓⴳⴳⴰⵙ ⴷ ⵉⵙⴰⵡⵓⵔⵏ ⵏ ⵜⴳⵍⴷⵉⵜ ⵙ ⵜⵏⴰⵕⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵣⵎⵎⵉⵎⵏ ⵜⴰⵣⵣⵉⴳⵣⵜ ⵉⵍⵍⴰⵏ ⴳ ⴽⵉⴳⴰⵏ ⵏ ⵉⴳⵔⴰⵏ, ⴰⵢⵍⵍⵉ ⵉⵙⴽⵔⵏ ⴳ ⵍⵎⵖⵔⵉⴱ ⴰⵏⴰⵡ ⵏ ⵜⴳⵎⵉ ⴷ ⵓⵔⴳⴳⵉⴳ, ⵙⴷⴷⵉⴷⵏ ⵎⴰⵙ ⵔⴰⴷ ⵉⴱⵇⴰ ⵓⵔⵣⴰⴼ ⵏⵏⵙⵏ ⵉ ⵍⵎⵖⵔⵉⴱ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵎⴽⵯⵜⵉⵜ ⵏ ⵉⴳⵎⴰⵎⵏ ⵏ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵜⴰⴽⵓⵔⵉⵜ, ⵙⴷⴷⵉⴷⵏ ⵓⵍⴰ ⴼ ⵡⴰⵜⵉⴳ ⵏ ⵓⵎⵢⴰⵡⴰⴹ ⴷ ⵓⵎⵛⴰⵡⴰⵕ ⵊⴰⵔ ⵙⵏⴰⵜ ⵜⵎⵉⵣⴰⵔ ⵉ ⵉⵎⴰⵍ ⵉⵥⵉⵍⵏ ⵉ ⴽⵓ ⵢⴰⵏ.

ⴳ ⵓⵎⵏⵉⴷ ⵏⵏⵙ, ⵉⵙⵏⵉⵎⵎⵔ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⴳⵎⴰⵎⵏ ⵏ ⵜⵎⵙⵎⵓⵏⵜ ⵜⴰⵎⵖⵔⵉⴱⵉⵜ ⵜⴰⴽⵓⵔⵉⵜ ⴼ ⵓⵔⵣⴰⴼ, ⵉⵙⵓⵜⴳ ⴰⵙⵡⵉⵔ ⵉⵥⵉⵍⵏ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴽⵓⵔⵢⴰ, ⵉⵙⴷⴷⵉⴷ ⵎⴰⵙ ⵉⵔⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⴷⵓⵙ ⵏ ⵜⵣⴷⴰⵢⵉⵏ ⴰⴷ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⴷ ⵓⵎⴹⴰⴽⴰⵕ ⴷ ⵓⵎⵙⴰⵡⴰⵍ ⴷ ⵓⵎⵛⴰⵡⴰⵕ ⴳ ⵜⵎⵙⴰⵔⵉⵏⵉ ⵜⵉⴱⵕⵍⴰⵎⵏⵉⵢⵉⵏ ⵛⵛⴰⵔⵏⵉⵏ.

ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴷ ⵜⵎⵥⵍⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵉⵍⴰⵍ ⵏⵏⵙ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴷⵎⵙⴰⵉⵏ ⴷ ⵜⵏⵙⴱⴰⴱⵉⵏ ⴰⴽⴷ ⵜⵉⵎⵉⵣⴰⵔ ⵜⵉⵎⴷⴷⵓⴽⴽⵯⵍⴰ ⴷ ⵓⴼⵔⴰⴳ ⵏ ⵉⵙⵙⴰⵔⵓⵜⵏ ⵉⵏⴰⵎⵓⵔⵏ ⴷ ⵡⵉⵏ ⴱⵕⵕⴰ ⵙ ⵓⵙⴽⵔ ⵏ ⵜⵎⵏⵜⵍⵉⵏ ⵜⵜⴰⵡⵉⵏⵉⵏ ⵙ ⵚⴰⵃⴰ ⵉ ⴽⵓⵢⴰⵏ ⵙⵍⴰⵡⴰⵏ ⴰⴽⴽⵯ ⴰⴽⴷ ⴽⵓⵔⵢⴰ , ⴷ ⵓⵙⵡⵉⵏⴳⵎ ⴳ ⵉⵙⴰⵢⵔⵓⵔⵏ ⵏ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴷ ⵓⵎⵛⴰⵡⴰⵕ  ⴰⴱⵕⵍⴰⵎⴰⵏⵉ ⴰⴷⵎⵙⴰⵏ.

ⵉⴳⴰ ⵓⵙⵏⵓⴱⴳ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⴽⴰⴱⴰⵕ ⴰⴽⵓⵔⵉ ⵜⴰⵎⵍⴷⴰ ⵏ ⵓⵎⴹⴰⴽⴰⵔ ⵅⴼ ⵜⵎⵙⴰⵔⵉⵏ ⵛⵛⴰⵔⵉⵏⵉ ⵍⵍⵉ ⵔⴰⴷ ⵉⵙⵎⵖⵔ ⵜⵉⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ.