ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⴷⴷⵉⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴼ ⵜⵉⵍⴰⵍⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⴼⵓⴽⴽⵓ ⵏ ⵜⴰⵙⵙⴰⵙⵉⵏ ⵏ ⵓⵎⴰⴹⴰⵍ
ⵉⵙⴷⴷⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ, ⴰⴽⵡⴰⵙ ⴳ ⴰⵏⵇⴰⵕⴰ, ⵎⴰⵙ ⴰ ⵜⵜⴰⵡⵙ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⴼⵓⴽⴽⵓ ⵏ ⵜⴰⵙⵙⴰⵙⵉⵏ ⵏ ⵓⵎⴰⴹⴰⵍ.
ⵢⵉⵏⵉ ⴳ ⵜⵉⵏⴰⵡⵜ ⴳ ⵓⴳⵔⴰⵡ 61 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⵏ ⵉⵡⴰⵏⴽⵏ ⵏ ⵢⵉⵍ ⴰⵙⴳⴳⴰⵏ, 4 ⴷ 5 ⵎⴰⵙ ⴳ ⴰⵏⵇⴰⵕ, ⵎⴰⵙ ⴰ ⵜⵜⴰⵡⵙ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵎⵓⴽⴽⵓ ⵏ ⵜⵎⵓⴽⵔⵉⵙⵉⵏ ⵎⵓ ⵓⵔ ⵜⵥⴹⴰⵕ ⵜⴷⵉⴱⵍⵓⵎⴰⵙⵉⵜ ⵜⴰⴳⵜⵉⵔⴰⵏⵜ.
ⵢⵉⵏⵉ ⵎⴰⵙ ⵉⴳⴰ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵉⵎⵉⵙⵙ ⵏ ⵓⵎⵢⴰⴷⴰⵙ ⵍⵍⵉ ⵉⵙⵎⵖⵓⵔⵏ ⴰⵏⵢⴰⵍⴽⴰⵎ ⴰⵎⵔⵙⵍⴰⵏ, ⴷ ⵎⴰⵙ ⵜⵔⵎⵙ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴳ ⵓⴼⵓⴽⴽⵓ ⵏ ⵜⵎⵙⴰⵔⵉⵏ ⵓⴳⴳⴰⵔ ⵏ ⵜⵎⵏⵏⴰⵡⵜ ⵜⵓⵏⴱⵉⴹⵜ ⵜⴰⴳⵔⴰⵖⵍⴰⵏⵜ, ⴷ ⵎⴰⵙ ⴰ ⵜⵜⴰⵡⵙⵏ ⵉⴱⵕⵍⴰⵎⴰⵏⵉⵢⵉⵏ ⴳ ⵜⵣⵣⵉⴳⵣⵜ ⵏ ⵓⵏⴷⵔⴰⵡ ⴰⵎⴰⴹⵍⴰⵏ ⴰⴷⵉⵎⵓⵇⵕⴰⵟⵉ ⴷ ⵡⵉⵏ ⵜⵏⵏⵓⴱⴹⴰ.
ⵉⴷⵔⵓ ⴳ ⵓⴳⵔⴰⵡ ⴰⴷ ⴰⵎⵙⵇⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵓⵕⴽⵢⴰ ⵎⴰⵙⵙ ⵎⵓⵃⴰⵎⵎⴰⴷ ⵄⴰⵍⵉ ⵍⴰⵣⵕⴰⵇ, ⵢⵉⵏⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵍⵍⴰⵏ ⴷⴰⵜ ⵏ ⵉⴳⵏⵙⴰⵙⵏ ⵏ ⵉⵎⴰⴷⴰⵏⵏ ⵓⵛⵛⵉⵍⵏ ⵉⵙⵔⵜⴰⵏⵏ ⵉ ⵓⵙⵙⴼⵍⴷ ⵏ ⵜⵎⵓⴽⵔⵉⵙⵉⵏ ⵏ ⵉⵎⵙⵜⴰⵢⵏ ⵏⵏⵙⵏ ⴳ ⵓⵎⵏⴰⴹ ⴰⴷ ⴰⴳⵔⴰⵖⵍⴰⵏ ⴳ ⵉⵍⵍⴰ ⵡⴰⵔⴰⵔⴳⴳⵉⴳ.
ⵢⵉⵏⵉ ⵓⵍⴰ ⵎⴰⵙ ⵔⴰⴷ ⵉⵙⵎⵖⵔ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ ⵜⵉⵙⵜⵔⴰⵜⵉⵊⵉⵢⵉⵏ ⵜⵉⵏⴰⵎⵓⵔⵉⵏ ⵙ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵎⵙⴽⴰⵔ ⵥⵉⵍⵏⵉⵏ, ⴷ ⵔⴰⴷ ⴰⵡⵙⵏⵜ ⵜⴷⵔⴰⵡⵉⵏ ⴳ ⵜⵎⵙⵎⵓⵏⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵉⵏⵎⵏⴰⴷⵉⵏ ⴰⵎ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⵏ ⵉⵡⴰⵏⴽⵏ ⵏ ⵢⵉⵍ ⴰⵙⴳⴳⴰⵏ, ⴷ ⵜⵎⵙⵎⵓⵏⵉⵏ ⵜⵉⵎⵏⵥⴰⵡⵉⵏ ⴰⵎ ⴰⴱⵕⵍⴰⵎⴰⵏ ⴰⴼⵔⵉⵇⵉ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ.
ⵢⵉⵏⵉ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⵍⵍⵉ ⵉⵙⵙⵉⵅⴼ, ⵎⴰⵙ ⵜⵓⵎⴰ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⴰⵎⵙ ⵜⵓⵕⴽⵢⴰ ⴷ ⵍⵎⵖⵔⵉⴱ, ⴷⴰ ⵜⵜⴰⵡⵙ ⴷ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⴷⵎⵙⵏ ⴳ ⵓⵙⴷⵓⵙ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵉⴳⵔⴰⵏ ⵏ ⵜⴳⵎⵉ ⴷ ⵜⵏⴼⵔⵓⵜ.
ⵢⵉⵏⵉ ⵓⵍⴰ ⵎⴰⵙ ⵉⵍⵍⴰ ⵓⴳⵔⴰⵡ ⴰⴷ 61 ⴳ ⵓⵎⵏⴰⴹ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ ⴳ ⵍⵍⴰⵏⵜ ⵜⴰⵙⵙⴰⵙⵉⵏ ⵏ ⵜⴷⵎⵙⴰ ⴷ ⵓⵜⵛⵓ ⴷⴰⵜ ⵏ ⵓⴱⴰⵢⵢⵓⵕ, ⴰⵢⵍⵍⵉ ⴷ ⵇⵇⴰⵏⵜ ⵜⵓⴳⴳⵯⴰⵙ ⴷ ⵜⵡⵉⵣⵉ.
ⵉⵙⴰⵡⵍ ⵓⵍⴰ ⴳ ⵉⵎⴰⵏ ⵏ ⵜⵡⵉⵣⵉ ⵏ ⵜⵓⵕⴽⵢⴰ ⴳ ⵓⵙⴱⴷⵉ ⵏ ⵜⵏⴰⵥⴰⵕⵉⵏ ⵥⵍⵉⵏⵉⵏ ⴳ ⵜⵙⴳⴰ ⴷ ⵓⵎⴰⴹⴰⵍ.
ⵉⵍⵍⴰ ⵓⴳⵔⴰⵡ ⴰⴷ ⵡⵉⵙ 61 ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⵏ ⵉⵡⴰⵏⴽⵏ ⵏ ⵢⵉⵍ ⴰⵙⴳⴳⴰⵏ ⴳ ⴰⵏⵇⴰⵕⴰ ⴰⵙⵙ ⵏ ⵓⴽⵡⴰⵙ. ⵔⴰⴷ ⴳⵉⵙ ⵢⵉⵍⵉ ⵓⵎⴹⴰⴽⴰⵕ ⴼ ⵉⵎⵏⴰⴷⵏ ⴷ ⵜⵏⴰⵥⴰⵕⵉⵏ ⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⵏ ⵉⵡⴰⵏⴽⵏ ⵏ ⵢⵉⵍ ⴰⵙⴳⴳⴰⵏ ⵓⵙⵙⴰⵏ ⵏ 4 ⴷ 5 ⵎⴰⵢ ⴷ ⵓⵙⴼⵓⴳⵍⵓ ⵏⵏⵙ ⵡⵉⵙ 30, ⴷ ⵜⵉⵍⴰⵍⵜ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵜⵉⵏⴰⵎⵓⵔⵉⵏ ⴳ ⵓⵙⴷⵓⵙ ⵏ ⵓⴼⵔⴰ ⴷ ⵓⵔⴳⴳⵉⴳ ⴷ ⵜⵣⵣⵉⴳⵣⵜ ⵜⴰⴷⵎⵙⴰⵏⵜ ⴷ ⵉⵎⵔⵙⵉⵡⵏ ⵢⴰⴹⵏⵉⵏ.