ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⴽⴰⴱⴰⵕ ⵏ ⵍⵍⵓⵕⴹⴰⵜ ⵙⴳ ⴱⵕⵉⵟⴰⵏⵢⴰ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 2 ⵎⴰⵢ 2023 ⴳ ⵕⵕⴱⴰⵟ, ⴰⴽⴰⴱⴰⵕ ⵙⴳ ⵓⵙⵇⵇⵉⵎ ⵏ ⵍⵍⵓⵕⴹⴰⵜ ⴳ ⴱⵕⵉⵟⴰⵏⵢⴰ, ⵉⵙⴽⵔⵏ ⴰⵔⵣⴰⴼ ⵏ ⵜⵡⵡⵓⵔⵉ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⵉⴳⴰ ⵓⵔⵣⴰⴼ ⴰⴷ ⵜⴰⵎⴰⵜⴰⵔⵜ ⵏ ⵜⵉⵔⴰⵜ ⵉⵛⵛⴰⵔⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⴹ ⴷ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵙⵏⴰⵜ ⵜⵎⵉⵣⴰⵔ, ⴷ ⵓⵙⴷⵓⵙ ⵏ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⵙ ⵊⴰⵔ ⵜⴰⴱⵍⴷⵉⵜ ⵏ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ.
ⵢⵓⵎⴰ ⵓⴽⴰⴱⴰⵕ ⴰⴷ ⵉⴳⵎⴰⵎⵏ ⵙⴳ ⵓⴽⴰⴱⴰⵕ ⵏ ⵍⵎⵓⵃⴰⴼⵉⴹⵉⵏ ⵍⵍⵓⵕⴹⴰⵜ: ⵙⵜⵉⵡⴰⵔⵜ ⴱⵓⵍⴰⴽ, ⵊⵉⵎⵙ ⴰⵔⴱⵓⵜⵏⵓⵜ, ⴰⵍⴰⵙⵜⵉⵔ ⴽⵓⵍⵉⵏ ⴽⴰⵎⴱⵉⵍ, ⵉⵔⵉⴽ ⴱⵉⴽⵍⵣ.
ⴳ ⵓⵏⵎⵓⵇⵇⴰⵔ ⴰⴷ, ⵉⵍⵍⴰ ⵓⵎⴹⴰⴽⴰⵕ ⵏ ⵜⵎⵙⵙⴰⵔⵉⵏ ⵛⵛⴰⵔⵏⵉⵏ ⴷ ⵉⵎⵏⴰⴷⵏ ⵏ ⵓⵎⵢⴰⵡⴰⵙ ⵉⵙⴰⵡⴰⵍⵏ ⴼ ⵓⵎⵣⵔⵓⵢ ⵉⵛⵛⴰⵔⵏ ⵊⴰⵔ ⵜⵉⵎⵉⵣⴰⵔ ⴷ ⵉⵎⴰⴷⴰⵏⵏ ⵉⵎⴷⴷⵓⴽⴽⵯⴰⵍ ⴷ ⵜⵏⵓⴼⴰ ⵛⵛⴰⵔⵏⵉⵏ ⵏ ⵙⵏⴰⵜ ⵜⵎⵉⵣⴰⵔ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵖ ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵙⴰⵡⵔⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵙⴳ ⵓⴷⵓⵙⵜⵓⵔ ⵏ 2011 ⴳ ⵉⵙⵡⵉⵔⵏ ⴰⵙⵔⵜⴰⵏ ⴷ ⵓⴷⵎⵙⴰⵏ ⴷ ⵓⵏⴰⵎⵓⵏ.
ⵉⵥⵕⴰ ⵓⴽⴰⴱⴰⵕ ⴰⴱⵕⵉⵟⴰⵏⵉ ⵜⵉⵎⴰⵢⵏⵓⵜⵉⵏ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⴷ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⵍⵍⵉ ⵉⵙⵎⵏⵉⴷ ⵍⵎⵖⵔⵉⴱ ⴷ ⵓⵙⵏⴰⵍ ⵏⵏⵙ ⴰⴳⵔⴰⵖⵍⴰⵏ ⵍⵍⵉ ⵉⵖ ⵉⴳⴰ ⴰⴼⵙⵙⴰⵢ ⵏ ⵜⵉⵍⴰⵅⵜ ⴷ ⵓⵖⵣⴰⵏ. ⵉⵥⵕⴰ ⵓⴽⴰⴱⴰⵕ ⵓⵍⴰ ⵓⴷⵎⴰⵡⵏ ⵏ ⵜⴳⵎⵉ ⵍⵍⴰⵏⵉⵏ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.