ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵏ ⵓⵙⵙⵍⵎⴷ ⴷ ⵓⵎⵢⴰⵡⴰⴹ ⴷ ⵜⵖⴰⵡⵙⵉⵡⵉⵏ ⵏ ⵜⴷⵍⵙⴰ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ
ⵉⴷⵔⵓ ⵎⴰⵙⵙ ⵀⴰⵛⵎ ⴰⵎⵉⵏ ⵛⵛⴰⴼⵉⵇ ⴳ ⵜⵙⵎⵓⵏⵉ ⵏ ⵓⵙⵙⵍⵎⴷ ⴷ ⵓⵎⵢⴰⵡⴰⴹ ⴷ ⵜⵖⴰⵡⵙⵉⵡⵉⵏ ⵜⵉⴷⵍⵙⴰⵏⵉⵏ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ, ⵓⵙⵙⴰⵏ ⵏ 24 ⴷ 25 ⵉⴱⵔⵉⵔ 2023 ⴳ ⵓⵜⴰⵡⴰ ⴳ ⴽⴰⵏⴰⴹⴰ ⵙ ⵜⴷⵔⴰⵡⵜ ⵏ ⵉⴱⵕⵍⴰⵎⴰⵏⵉⵢⵏ ⵏ ⵉⵡⴰⵏⴽⵏ ⵙⴰⵡⴰⵍⵏⵉⵏ ⵜⴰⴼⵕⴰⵏⵚⵉⵚⵜ ⴷ ⵉⴽⴰⴷⵉⵎⵉⵢⵏ ⴷ ⵉⵎⵖⵜⴰⵙⵏ ⴷ ⵉⵎⵓⵣⴰⵢⵏ.
ⵜⴽⵛⵎ ⵜⴷⵔⴰⵡⵜ ⴰⴷ ⴳ ⵓⴹⴼⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵉⵍⴰⵍ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴼⵕⴰⵏⴽⵓⴼⵓⵏⵉⵜ ⵉ ⵓⵙⵎⵖⵔ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⵅⴼ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵍⵍⴰⵏⵜ ⵜⴰⵙⵙⴰⵙⵉⵏ ⴷ ⵜⵎⴰⵖⵉⵏ.
ⴳ ⵜⵙⵎⵓⵏⵉ ⴰⴷ, ⵉⵍⵍⴰ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴷ ⵜⵎⵙⴽⴰⵔ ⵥⵉⵍⵏⵉⵏ ⵅⴼ ⵉⵏⵇⵇⵉⵙⵏ ⵏ ⵓⵥⵟⵟⴰ ⴰⴱⵕⵍⴰⵎⴰⵏⵉ ⵅⴼ ⵓⴼⵉⵜⵓⵙ ⵏ ⵙⵙⵉⴷ ⴷ ⵍⵎⴰⵕⵢⴰ, ⴷ ⵓⵏⵇⵇⵉⵙ ⴼ ⵜⵓⵜⵍⴰⵢⵜ ⵜⴰⴼⵕⴰⵏⵚⵉⵚⵜ ⴷ ⵓⵙⵎⵔⵙ ⵏⵏⵙ ⴰⵙⵏⵉⵍⵙ ⴷ ⵓⴽⴰⴷⵉⵎⵉ ⴳ ⵓⵙⴰⵢⵔⵓⵔ ⴰⴼⵕⵏⴽⵓⴼⵓⵏⵉ.
ⴳ ⵜⴽⵛⵛⵓⵎⵜ ⵏⵏⵙ, ⵉⵙⴰⵡⵍ ⵎⴰⵙⵙ ⵀⴰⵛⵎ ⴰⵎⵉⵏ ⵛⵛⴰⴼⵉⵇ ⴼ ⵓⵍⵜⴰⵖ ⵉⵙⵓⵍⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⵉⵍⴰⵍ ⵏ ⵓⵙⴰⵢⵔⵓⵔ ⴰⴼⵕⵏⴰⴽⵓⴼⵓⴱ)ⵏⵉ ⵙ ⵜⵉⵍⴰⵍⵜ ⵏⵏⵙ ⴳ ⵓⵙⵓⵜⴳ ⵏ ⵓⵎⵎⵉⵥⵏ ⴷ ⵡⴰⵍⴰⵢ ⵏ ⵜⵏⴰⵥⴰⵕⵉⵏ.
ⴳ ⵜⵙⵎⵓⵏⵉ ⴰⴷ, ⵉⵙⴽⵔ ⵎⴰⵙⵙ ⵀⴰⵛⵎ ⴰⵎⵉⵏ ⵛⵛⴰⴼⵉⵇ ⵉⵏⵎⵓⵇⵇⴰⵔⵏ ⵉⵙⵉⵏⵔⴰⵏⵏ ⴷ ⴽⵉⴳⴰⵏ ⵏ ⵉⴽⴰⴱⴰⵕⵏ ⵏ ⵓⵙⴰⵢⵔⵓⵔ ⴰⴼⵕⵏⴽⵓⴼⵓⵏⵉ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⴷ ⵓⵏⵏⵓⵕⵥⵎ ⵏ ⵓⵎⵙⴰⵡⴰⵍ ⵉ ⵓⵙⴷⵓⵙ ⵏ ⵜⵓⴳⴳⴰⵙ ⵏ ⵉⴱⵕⵍⴰⵎⴰⵏⵏ ⴳ ⵓⵙⴰⵢⵔⵓⵔ ⴰⴼⵕⴰⵏⴽⵓⴼⵓⵏⵉ.
ⵜⴳⴰ ⵜⵙⵇⵇⵉⵎⵜ ⵏ ⵓⵙⵙⵍⵎⴷ ⴷ ⵓⵎⵢⴰⵡⴰⴹ ⴷ ⵜⵖⴰⵡⵉⵙⵉⵡⵉⵏ ⵜⵉⴷⵍⵙⴰⵏⵉⵏ ⵙⴳ ⵜⵉⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴹⴼⵕⵏⵉⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⵉⵥⵍⵉⵏ ⴳ ⵜⵖⵔⵉ ⴷ ⵓⵙⵓⵜⴳ ⵏ ⵜⵎⵙⴰⵔⵉⵏ ⵏ ⵓⵙⵍⵎⴷ ⴷ ⵓⵙⵉⵍⵖ ⴷ ⵓⵎⵢⴰⵡⴰⴹ ⴷ ⵜⴻⵜⵉⴽⵏⵉⵍⵓⵊⵉⵜ ⵏ ⵉⵏⵖⵎⵉⵙⵏ.