ⴰⵙⵓⵜⴳ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵜⵎⴷⵔⴰⵡⵉⵏ ⴷ ⵓⵡⵇⵇⵔⵏ ⵜⵅⵅⵓⵜⵔⴰ ⴳ ⵓⵎⴹⴰⴽⴰⵕ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴷⴷⵓⵎⵉⵏⵉⴽⴰⵏ

ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 25 ⵉⴱⵔⵉⵔ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⴷ ⵎⴰⵙⵙ ALFREDO PACHECO OSORIA ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴷⴷⵓⵎⵉⵏⵉⴽⴰⵏ, ⵉⵍⵍⴰⵏ ⴳ ⵓⵔⵣⴰⴼ ⵉ ⵍⵎⵖⵔⵉⴱ ⴰⴽⴷ ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⴳ 23 ⴰⵔ 29 ⵉⴱⵔⵉⵔ.

ⵉⵃⴰⴹⵕ ⴳ ⵓⵎⴹⴰⴽⴰⵕ ⴰⴷ ⵎⴰⵙⵙ ⵄⴰⴱⴷⵔⵔⵣⵣⴰⵇ ⵀⴰⵛⵉⵎⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴷⴷⵓⵎⵉⵏⵉⴽⴰⵏ, ⴷ ⵎⴰⵙⵙ JUSTO DUARTE AMAURY ⴰⵎⵙⵇⵇⴰⴷ ⵏ ⴷⴷⵓⵎⵉⵏⵉⴽⴰⵏ ⴳ ⵕⵔⴱⴰⵟ, ⵢⵉⵍⵉ ⵓⵎⴹⴰⴽⴰⵔ ⴰⴷ ⴼ ⵓⵙⴷⵙⵓ ⵏ ⵜⵣⴷⴰⵢⵉⵏ ⵊⴰⵔ ⵙⵉⵏ ⵉⵙⵇⵇⵉⵎⵏ ⵏ ⵉⵎⵓⵔⴰ ⵏ ⵙⵏⴰⵜ ⵜⵎⵉⵣⴰⵔ ⴷ ⵓⵣⴷⴰⵢ ⴰⴱⵕⵍⴰⵎⴰⵏⵉ ⵙ ⵓⵎⵛⴰⵡⴰⵕ ⴷ ⵓⵣⴷⴰⵢ ⵉⵙⵓⵍⵏ ⴷ ⵓⵙⵏⴼⵍ ⵏ ⵉⵔⵣⴰⴼⵏ, ⵖⵎⴽ ⴰⵏⵏ ⴷ ⵓⵙⴷⵓⵙ ⵏ ⵜⵎⴷⵔⴰⵡⵉⵏ ⵖ ⵉⵍⵍⴰ ⵉⵚⴰⵃⴰ ⵉ ⵍⵎⵖⵔⵉⴱ ⵓⵍⴰ ⴷⴷⵓⵎⵉⵏⵉⴽⴰⵏ, ⴷ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⵉ ⵜⵅⵅⵓⵜⵔⴰ, ⵢⵉⵍⵉ ⵓⵍⴰ ⵓⵙⵙⵏ ⵏ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵙⵏⴰⵜ ⵜⵎⵉⵣⴰⵔ ⴷ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ.

ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⴷⴷⴰⴷ ⵉⵥⵉⵍⵏ ⵏ ⴷⴷⵓⵎⵉⵏⵉⴽⴰⵏ ⵅⴼ ⵜⵎⵙⴰⵔⵜ ⵏ ⵜⵢⴰⵏⵜ ⵜⴰⵏⴰⴽⵍⴰⵜ ⵏ ⵜⴳⵍⴷⵉⵜ, ⵢⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⴰⵏⴰⵡ ⴰⵏⵎⵏⴰⴹ ⴳ ⵓⵔⴳⴳⵉⴳ, ⵢⵉⵔⵉ ⴰⴼⵔⴰⴳ ⵏ ⵓⴼⵔⴰ ⴰⴳⵔⴰⵖⵍⴰⵏ ⴷ ⵓⴼⵓⴽⴽⵓ ⵏ ⵉⵎⵣⴰⵔⴰⵢⵏ ⵙ ⵜⵖⴰⵔⴰⵙⵉⵏ ⵏ ⵓⴼⵔⴰ. ⵉⵙⴰⵡⵍ ⵓⵍⴰ ⴼ ⵉⵙⵏⴼⴰⵔⵏ ⵅⴰⵜⴰⵔⵏⵉⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵓⴳⴳⴰⵔ ⵏ ⵙⵉⵏ ⵡⴰⴳⵏⴰⵔⵏ ⵏ ⵓⵙⴳⴳⵯⴰⵙ, ⵙ ⵜⵏⴰⵔⴰ ⵏ ⴱⴰⴱ  ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵃⴼⴹ ⵕⴱⴱⵉ ⵉⵏⵚⵕ ⵜ, ⵖ ⵉⵍⵍⴰ ⵓⵅⵎⵎⴻⵎ ⴳ ⵓⴼⴳⴰⵏ ⵉⴳⴰⵏ ⴰⴳⴰⴷⴰⵔ ⵙ ⵎⴰⵕⵕⴰ ⵉⵎⵏⴰⴷⵏ ⵏⵏⵙ.

ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵎⴰⵙⵙ ALFREDO PACHECO OSORIA  ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴷⴷⵓⵎⵉⵏⵉⴽⴰⵏ ⴼ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵎⵎⴰⴳⴳⴰⵔⵏⵉⵏ ⴳ ⵜⵎⵣⵡⵓⵔⴰ ⴳⴳⵓⵜⵏⵉⵏ, ⴰⵢⵍⵍⵉ ⵎⵎⴰⵍⴰⵏⵜ ⵜⵣⴷⴰⵢⵉⵏ ⵊⴰⵔ ⵉⵙⵇⵇⵉⵎⵏ ⵏ ⵉⵎⵓⵔⴰ ⴳ ⵉⵙⵡⵉⵔⵏ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ ⵙ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⵏ ⵜⵅⵅⵓⵜⵔⴰ ⴷ ⵜⵢⴰⵏⵜ ⵏ ⵉⵡⴰⵏⴽⵏ, ⵉⵙⴰⵡⵍ ⴼ ⵜⵣⴷⴰⵢⵉⵏ ⵍⵍⴰⵏⵉⵏ ⵊⴰⵔ ⵏⵏⵙⵏ, ⵍⵍⵉⵖ ⵉⴳⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⴳⵎⴰⵎ ⵉⵎⵥⵕⵉ ⴳ ⵓⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵓⵏⵎⵓⵇⵇⴰⵔ ⵏ ⴼⵓⴱⵔⵉⵍ ⵏ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵔⴰⵢⵉⴱⵏ ⴷ ⵓⵎⵙⴰⵙⴰ ⵏ ⵓⵎⵢⴰⵡⴰⵙ ⵉⵍⵍⴰⵏ ⵊⴰⵔ ⵏⵏⵙⵏ ⴳ ⴽⵟⵓⴱⵕ 2014 ⵉ ⵓⵙⵕⵚⵓ ⵏ ⵓⵎⵢⴰⴷⴰⵙ ⴷ ⵜⵎⵢⵉⴷⵉⵔⵜ ⴷ ⵜⵡⵉⵣⵉ ⴷ ⵓⵏⵔⴰⵎⴰⵙ ⵉⵜⵜⵓⵙⵏⴼⴰⵍⵏ.

ⵔⴰⴷ ⵉⵎⵎⵉⵇⵇⵉⵔ ⵓⴽⴰⴱⴰⵕ ⵏ ⴷⴷⵓⵎⵉⵏⵉⴽⴰⵏ ⴷ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ, ⵔⴰⴷ ⵉⵔⵣⴼ ⵓⵍⴰ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.

ⵢⵓⵎⴰ ⵓⴽⴰⴱⴰⵕ ⵏ ⴷⴷⵓⵎⵉⵏⵉⵍⴰⵏ:

ⵎⴰⵙⵙⴰ ROSA HILDA GENAO DIAZ ⵜⴰⵎⴰⵔⵉⵜ ⵜⴰⵏⵙⵙⵉⵅⴼⵜ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴷⴷⵓⵎⵉⵏⵉⴽⴰⵏ-ⵍⵎⵖⵔⵉⴱ, ⵎⴰⵙⵙ JOSE LUIS RODRIQUEZ HICIANO ⴰⵎⴰⵔⵉ ⴰⴳⵎⴰⵎ ⵏⵜ ⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ, ⴷ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ: MARIA ELISA SUAREZ ALCALA, PEDRO ANTONIO MARTINEZ MORONTA, PEDRO ANTONIO MARTINEZ MORONTA, DAMARYS VASQUEZ CASTILLO, GERALDO ANTONIO CONCEPTION VARGAS, ENRIQUETA ROJAS JAVIER DE FIGUEROA. ⵖⵎⴽ ⴰⵏⵏ ⵓⵍⴰ ⴷ ⵉⵎⵙⵜⴳⴳⴰⵔⵏ ⵉⵎⵙⵙⵓⴳⵓⵔⵏ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴷⴷⵉⵎⵉⵏⵉⴽⴰⵏ.