ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⴰⵔⵉⵜ ⵜⴰⵎⵣⵡⴰⵔⵓⵜ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⵥⴰⵎⴱⵢⴰ ⴷ ⵓⴽⴰⴱⴰⵕ ⵏⵏⵙ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 17 ⵉⴱⵔⵉⵔ 2023 ⴳ ⵓⵙⵇⵇⵉⵎ ⴳ ⵕⵕⴱⴰⵟ ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⵙⴳ ⵥⴰⵎⴱⵢⴰ ⵍⵍⵉ ⵜⵙⵙⵉⵅⴼ ⵎⴰⵙⵙⴰ Malungo A. Chisangano ⵜⴰⵎⴰⵔⵉⵜ ⵜⴰⵎⵣⵡⴰⵔⵓⵜ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵉⵍⵍⴰⵏ ⴳ ⵓⵔⵣⴰⴼ ⵉ ⵍⵎⵖⵔⵉⴱ ⵙⴳ 15 ⴰⵔ 22 ⵉⴱⵔⵉⵔ.

ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵎⵓⵃⴰⵎⵎⴰⴷ ⵍⵃⵊⵉⵕⴰ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ- ⵥⴰⵎⴱⵢⴰ, ⴷ ⵎⴰⵙⵙ Eliphas Chinyonga ⵙⴳ ⵜⵎⵙⵇⵇⴰⴷⵜ ⵏ ⵥⴰⵏⴱⵢⴰ ⴳ ⵕⵕⴱⴰⵟ, ⵢⵉⵍⵉ ⵓⵙⴷⴷⴻⴷ ⴼ ⵓⵎⵛⴰⵡⴰⵕ ⴷ ⵓⵣⴷⴰⵢ ⴷ ⵓⵙⵏⴼⵍ ⵏ ⵉⵔⵣⴰⴼⵏ, ⴷ ⵓⵙⵙⵏ ⵏ ⵜⵎⵥⵍⵉⵜ ⵜⴰⴱⵕⵍⴰⵎⴰⵏⵉⵜ ⵏ ⴽⵔⴰⵢⴳⴰⵜ ⵜⴰⵎⴰⵣⵉⵔⵜ, ⴷ ⵓⵚⴽⵓ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴷ ⵜⴱⵔⵉⴷⵉⵏ ⵏ ⵜⵡⵡⵓⵔⵉ ⴷ ⵓⵙⵡⵓⴷⴷⵓ ⵏ ⵜⵖⴰⵡⵙⵉⵡⵉⵏ ⵏ ⵉⴷ ⵎⴰⵙⵙ ⴷ ⵉⵙ ⵎⴰⵙⵙⴰ ⵉⵎⵓⵔⴰ.

ⵉⵙⵎⵏⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⴳⵔⴰⵡ ⴰⵎⵖⵔⵉⴱⵉ ⵏ ⵉⵙⵜⴰⵢⵏ ⴷ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵜⵎⴰⵣⵉⵔⵜ ⵏⵏⵖ ⴳ 60 ⵏ ⵓⵙⴳⴳⵯⴰⵙ ⵣⵔⵉⵏⵉⵏ ⵙⴳ ⴰⴱⵕⵍⴰⵎⴰⵏ ⴰⵎⵣⵡⴰⵔⵓ ⵉⵜⵜⵓⵙⵜⴰⵢⵏ, ⵉⵙⴰⵡⵍ ⴼ ⵜⵎⵥⵍⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⴳⵔⴰⵡ ⴰⴳⵯⵏⵙⴰⵏ ⴷ ⵜⵎⵙⴽⴰⵔ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵜⵏⴱⴰⴹⵟ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ, ⴷ ⵎⴰⴷ ⵉⵥⵍⵉⵏ ⵙ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵉⵍⵓⴳⵏⵏ ⵏ ⵜⵎⵙⴽⵔⵜ ⴷ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ.

ⵜⵙⴷⴷⵉⴷ ⵎⴰⵙⵙⴰ Malungo A. Chisangano ⵎⴰⵙ ⴷ ⴰⵡⵜⵜⴰⵙ ⵏ ⵓⵔⵣⴰⴼ ⵉⴳⴰ ⵜ ⴰⵙⵏⴼⵍ ⵏ ⵜⵉⵔⵎⵉⵜⵉⵏ, ⵙⵍⴰⵡⴰⵏ ⴰⴽⴽⵯ ⵎⴰⵙ ⵢⵓⵎ ⵓⴽⴰⴱⴰⵕ ⵜⴰⵙⵇⵇⵉⵎⵜ ⵏ ⵜⵎⵥⵍⴰⵢ ⴷ ⵜⴰⴱⴱⴰⵢⵜ, ⵜⵙⵎⵏⵉⴷ ⴰⵙⵎⴰⵇⵇⵍ ⴼ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴷ ⵓⵚⴽⵓ ⵏⵏⵙ ⴷ ⵓⵙⵡⵓⵔⵉ ⵏⵏⵙ ⴷ ⵜⵉⵍⴰⵍ ⵏ ⵜⵙⵇⵇⵉⵎⵜ ⴰⴷ, ⵜⵙⴷⴷⵉⴷ ⴼ ⵓⵣⴷⴰⵢ ⴷ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵉ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵓⵙⵙⵏ ⵏ ⵜⵎⵙⴽⴰⵔ ⵥⵉⵍⵏⵉⵏ ⵉ ⵓⵙⵎⵖⵔ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵄⵎⴰ ⴰⴷ ⵜⴳ ⵜⴰⴷ ⴱⴰⵀⵔⴰ ⵉⵕⵡⴰⵏ.

ⵔⴰⴷ ⵉⵙⴽⵔ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵥⴰⵎⴱⵢⴰ ⵉⵏⵎⵓⵇⵇⴰⵔⵏ ⴷ ⵉⵎⵙⵜⴳⴳⴰⵔⵏ, ⴷ ⵉⵔⵣⴰⴼⵏ ⵉ ⵉⵙⴰⵡⵓⵔⵏ ⵉⵅⴰⵜⵔⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ.

ⵢⵓⵎⴰ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵥⴰⵎⴱⵢⴰ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ: Imanga Wamunyima, Mulambo Haimbe,  Stafford Mulusa, Brian M Mundubile, Sitwala Morgan Sitwala, David M Mabumba, Brenda Nyirenda, Joel Chibuye, Sibeso K Sefulo. ⵖⵎⴽ ⴰⵏⵏ ⵓⵍⴰ ⵜⴰⵔⴰⴱⴱⵓⵜ ⵏ ⵜⵎⵙⵙⵓⴳⵓⵔⵜ.