ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⴽⴰⵏⴰⴹⴰ

ⵉⵙⵏⵓⴱⴳ ⵎⴰⵙⵙ ⵔⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 11 ⵉⴱⵔⵉⵔ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⵎⴰⵙⵙ George J. Furey ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⴽⴰⵏⴰⴹⴰ, ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵉⵙⵜⴰⵡⵀⵎⵎⴰⵏ. 

ⵙⵓⵜⴳⵏ ⵙⵉⵏ ⵉⵎⵙⵜⴳⴳⴰⵔⵏ ⵜⵉⵣⴷⴰⵢⵉⵏ ⴷⵓⵙⵏⵉⵏ ⵊⴰⵔ ⵍⵎⵖⵔⵉⴱ ⴷ ⴽⴰⵏⴰⴹⴰ, ⵙⴰⵡⵍⵏ ⴼ ⵜⴷⵉⵏⴰⵎⵉⵜ ⵉⵍⵍⴰⵏ ⴳ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⴷ ⵜⵉⵔⴰⵜ ⵉⴷⵓⵙⵏ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⴽ ⵜⵉⵣⵣⵔⴰⴼⵉⵏ ⵙ ⵉⵎⵏⴰⴷⵏ ⵢⴰⴹⵏⵉⵏ. 

ⵢⵉⵏⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⴽⴰⵏⴰⴹⴰ ⵎⴰⵙ ⴷⵔⵓⵏⵜ ⵜⵙⵏⴰⵜ ⵜⵎⵉⵣⴰⵔ ⴰⵜⵉⴳⵏ ⵏⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵕⵚⵓ ⵏ ⵓⵡⴰⵏⴽ ⵏ ⵓⵣⵔⴼ ⴷ ⵓⵙⵍⴳⵏ, ⵢⵉⵏⵉ ⵎⴰⵙ ⵉⴳⴰ ⵓⵔⵣⴰⴼ ⵏⵏⵙ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵙⴰⵜⵉ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ. 

ⵉⵙⴰⵡⵍ ⵎⴰⵙⵙ George J. Furey ⴼ ⵡⴰⵜⵉⴳ ⵍⵍⵉ ⵢⴰⴽⴽⴰ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⴽⴰⵏⴰⴹⴰ ⴰⵜⵉⴳ ⵉⴳⴳⵓⵜⵏ ⵉ ⵓⵎⵢⴰⵡⴰⵙ ⴰⴽⴷ ⴰⴱⵕⵍⴰⵎⴰⵏ ⵏ ⵍⵎⵖⵔⵉⴱ, ⵉⵙⴰⵡⵍ ⴼ ⵜⵉⵍⴰⵍⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ ⴷ ⴽⴰⵏⴰⴹⴰ ⴳ ⵓⵙⴷⵓⵙ ⵏ ⵓⵎⵛⴰⵡⴰⵕ ⴷ ⵓⵣⴷⴰⵢ ⴳ ⵉⴳⵔⴰⵏ ⵉⴱⵕⵍⴰⵎⴰⵏⵉⵢⵏ ⵛⵛⴰⵔⵏⵉⵏ, ⵉⵙⵓⵜⴳ ⵙ ⵜⵎⵍⴷⴰ ⵜⵉⵡⵉⵣⵉ ⵉⵥⵉⵍⵏ ⵏ ⵉⵎⵖⵔⵉⴱⵉⵢⵏ ⵏ ⴱⵕⵕⴰ ⴳ ⵜⴳⵎⵉ ⵏ ⵡⴰⵎⵓⵏ ⵏ ⴽⴰⵏⴰⴹⴰ. 

ⴳ ⵓⵎⵏⵉⴷ ⵏⵏⵙ, ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵉⵡⴰⵕ ⴳ ⴽⴰⵏⴰⴹⴰ ⴷ ⵓⴽⴰⴱⴰⵕ ⵏⵏⵙ, ⵉⵙⴷⴷⵉⴷ ⵎⴰⵙ ⴷ ⵍⵎⵖⵔⵉⴱ ⴷ ⴽⴰⵏⴰⴹⴰ ⵎⵓⵏⵏ ⵙ ⵡⴰⵜⵉⴳⵏ ⵛⵛⴰⵔⵏⵉⵏ ⴷ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ, ⵢⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⵜⴰⵡⵓⵔⵜ ⵏ ⴽⴰⵏⴰⴹⴰ ⵙ ⵉⴼⵔⵉⵇⵢⴰ ⵍⵍⵉⵖ ⵉⴳⴰ ⴰⵛⴰⵎⵓⵛ ⵏ ⵓⵔⴳⴳⵉⴳ ⴷ ⵜⴳⵎⵉ ⴳⵉⵙⵡⵉⵔⵏ ⴰⵙⴳⴰⵡⴰⵏ ⴷ ⵓⵎⵏⵥⴰⵡ. 

ⵉⵙⵎⵏⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵉⵙⴰⵡⵍ ⴼ ⵜⵥⴹⴰⵕⵉⵏ ⵖⵓⵙⵏⵉⵏ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵜⵣⵣⵉⴳⵣⵜ ⵏ ⵜⴼⵍⵍⴰⵃⵜ ⴷ ⵜⵎⴳⵓⵔⵉ ⴷ ⵡⴰⵜⵉⴳ ⵏ ⵡⴰⴷⴳⴰⵔ ⴰⵏⴼⴳⴰⵏ ⵙ ⵜⵉⴽⴽⵉ ⵏ ⵜⵎⵣⵡⴰⵔⵜ ⵉ ⵓⵙⵙⵍⵎⴷ ⴷ ⵓⴷⵡⴰⵙ ⴷ ⵜⴳⵎⵉ ⴷ ⵓⴼⵔⴰⴳ ⴰⵏⴰⵎⵓⵏ. 

ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵎⵓⵃⴰⵎⴰⵎⴷ ⵛⵕⵓⵕⵓ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴽⴰⵏⴰⴹⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵉⴳⵎⴰⵎⵏ ⵏ ⵓⵙⵇⵇⵉⵎⵏ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⴽⴰⵏⴰⴹⴰ ⵎⴰⵙⵙFabian Manning ⴷ ⵎⴰⵙⵙⴰ Mary Coyle ⴷ ⵎⴰⵙⵙMohamed-Iqbal Ravalia