ⵜⵎⴹⴰⴽⴰⵕ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ ⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵛⵉⴽ

ⵜⵎⴹⴰⴽⴰⵕ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ, ⴰⵢⵏⴰⵙ 20 ⵎⴰⵕⵚ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴷ ⵎⴰⵙⵙ ⴰⵎⴰⵔⵉ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵛⵉⴽ ⵎⴰⵙⵙ Jan Skopecek ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ ⵙ ⵜⴰⵎⵓⵏⵜ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⵓⵕⵓⴱⴱⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵛⵉⴽ.

ⴳ ⵓⵏⵎⵓⵇⵇⴰⵔ ⴰⴷ, ⵉⵍⵍⴰ ⵓⵙⵎⵏⵉⴷ ⵏ ⵜⴱⵔⵉⴷⵉⵏ ⴷ ⵉⵎⵏⴰⴷⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⵙⵍⴰⵡⴰⵏ ⴰⴽⴽⵯ ⴳ ⵉⴳⵔⴰⵏ ⵏ ⵜⵥⴹⴰⵕⵜ ⴷ ⵓⵙⵖⵏⵣⵉ ⴷ ⵓⵙⵙⵍⵎⴷ ⴷ ⵜⴷⵓⵙⵉ, ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ.

ⵜⵙⴰⵡⵍ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ ⴼ ⵜⵉⵍⴰⵍⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ, ⵜⵉⵏⵉ ⵎⴰⵙ ⵜⴻⵟⵟⴰⴼ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⴷⵓⴷⴰⵏⵜ ⵏ ⵜⵛⵉⴽ ⵜⵉⵥⴹⴰⵕⵉⵏ ⵍⵍⵉ ⵔⴰⴷ ⵉⵙⵎⵖⵔ ⴰⵎⵢⴰⵡⴰⵙ ⴰⵙⵉⵏⵔⴰⵏ.

ⵖⵎⴽ ⵍⵍⵉ ⵜⵙⴷⴷⵉⴷ ⴼ ⵓⵛⵛⵉⵍ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵙⵇⵇⵉⵎⵉⵏ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵙⵉⵏ ⵉⵙⵇⵇⵉⵎⵏ ⵙ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ.

ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵛⵉⴽ ⴼ ⵓⵏⴰⵔⵓⵣ ⵏⵏⵙ ⴰⴷ ⵢⵉⵍⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵢⵉⵏⵉ ⵎⴰⵙ ⴷ ⴰⵏⵙⴼⴰⵔ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵉⵍⵍⴰⵏ ⵊⴰⵔ ⵉⵙⵇⵇⵉⵎⵏ ⵏ ⵉⵎⵓⵔⴰ ⴳ ⵜⵛⵉⴽ ⴷ ⵍⵎⵖⵔⵉⴱ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ.

ⴳ ⵓⵏⵎⵓⵇⵇⴰⵔ ⴰⴷ, ⵉⵖⵔⴰ ⵎⴰⵙⵙ Jan Skopecek ⵉ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵉ ⵓⵔⵣⴰⴼ ⵏ ⵜⴳⴷⵓⴷⴰⵏⵜ ⵏ ⵜⵛⵉⴽ.  

ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⴰⵎⴰⵔⵉ ⵙⵉⴷⵉ ⵚⴰⵍⵃ ⵍⵉⴷⵔⵉⵙⵉ, ⴷ ⵎⴰⵙⵙⴰ ⵜⴰⵎⴰⵔⵉⵜ ⵏⴰⴷⵢⴰ ⵍⵇⵏⵚⵓⵕⵉ. ⵙⴼ ⵜⵙⴳⴰ ⵏ ⵜⵛⵉⴽ, ⵉⵃⴰⴹⵕ ⵎⴰⵙⵙ Ondrej Benesik ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⵓⵔⵓⴱⴱⴰ ⴷ ⵉⴳⵎⴰⵎⵏ ⵏ ⵜⵙⵇⵉⵎⵜ ⴰⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ: Petr Fifka, Jana Berkovcová, Ms Andrea Babisová ⴷ ⵎⴰⵙⵙ Ladislav Skerik ⴰⵎⵙⵇⵇⴰⴷ ⵏ ⵜⵛⵉⴽ ⴳ ⵕⵕⴱⴰⵟ.