ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵓⴳⵔⴰⵡ ⴰⴱⵕⵍⴰⵎⴰⵏⵉ ⵏ ⵔⵓⵙⵢⴰ ⵉⴼⵔⵉⵇⵢⴰ

ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴳ ⵜⵙⵓⵜⵍⵜ ⵜⵉⵙ ⵙⵏⴰⵜ ⵏ ⵓⴳⵔⴰⵡ ⴰⴱⵕⵍⴰⵎⴰⵏⵉ ⵔⵓⵙⵢⴰ ⵉⴼⵔⵉⵇⵢⴰ ⵉⵍⵍⴰⵏ ⴳ ⵜⵎⴰⵥⵓⵏⵜ ⵎⵓⵙⴽⵓ ⵓⵙⵙⴰⵏ ⵏ 19 ⴷ 20 ⵎⴰⵕⵚ 2023.

ⵉⵍⵍⴰ ⴳ ⵓⴽⴰⴱⴰⵕ ⴰⴷ ⵎⴰⵙⵙ ⵎⵓⵃⴰⵎⴰⵎⴷ ⵚⵚⴱⴱⴰⵕⵉ ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⵊⴰⵎⴰⵍ ⵍⵡⴰⵕⴷⵉ ⴰⴳⵎⴰⵎ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴷ ⵎⴰⵙⵙ ⵍⵓⵟⴼⵉ ⴱⵓⵛⵄⵕⴰ ⴰⵎⵙⵇⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⵔⴰⴷ ⵜⴷⵔⵓ ⴳ ⵜⵙⵓⵜⵍⵜ ⴰⴷ 45 ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⵙⴳ ⵉⴼⵔⵉⵇⵢⴰ ⴷ ⵓⵙⵇⵇⵉⵎ ⵏ ⴷⴷⵓⵎⴰ ⴳ ⵔⵓⵙⵢⴰ, ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⴼ: “ⵔⵓⵙⵢⴰ ⴷ ⵓⴼⵔⵉⵇⵢⴰ ⴳ ⵓⵎⴰⴹⴰⵍ ⴳ ⴳⴳⵓⵜⵏ ⵉⵛⵓⵎⴰⵛ”.

ⵍⵍⴰⵏⵜ ⵜⵖⵉⵎⵉⵜⵉⵏ ⵏ ⵜⵡⵡⵓⵔⵉ ⴼ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴳ ⵢⵉⴳⵔ ⵏ ⵓⵙⵙⵍⵎⴷ ⴷ ⵓⵙⴳⵎⵉ, ⴰⵙⵎⵏⵉⴷ ⵏ ⵜⵎⵔⴰⵔⵓⵜⵉⵏ ⴼ ⵜⵏⴰⵥⴰⵕⵉⵏ ⵜⵉⴷⵎⵙⴰⵏⵉⵏ, ⵜⴰⵏⴼⵔⵓⵜ ⵓⵔ ⵉⵜⵜⵓⴱⴹⴰⵏ, ⴰⵙⴷⵓⵜⵜⵉ ⴰⵎⴰⵢⵏⵓ ⵏ ⵜⴰⴳⵓⵜ.

ⴳ ⵜⴷⵔⴰⵡⵜ ⵏⵏⵙ ⴳ ⵜⵖⵉⵎⵉⵜ ⵏ ⵜⵡⵡⵓⵔⵉ ⴼ ⵜⵏⴼⵔⵓⵜ ⵓⵔ ⵉⵜⵜⵓⴱⴹⴰ, ⵉⵙⴷⴷⵉⴷ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴳ ⵜⴳⵓⵔⵉ ⵏⵏⵙ ⵙ ⵉⵙⵎ ⵏ ⵓⴽⴰⴱⴰⵕ ⵏ ⵍⵎⵖⵔⵉⴱ ⴼ ⵡⴰⵜⵉⴳ ⵏ ⵜⴰⵎⵓⵏⵜ ⵏ ⵉⵎⴰⴷⴰⵏⵏ ⵏ  ⵉⴼⵔⵉⵇⵢⴰ ⴷ ⵓⵙⵉⵜⵉ ⵏ ⵓⵎⵥⵍⴰⵢ ⴷ ⵜⵉⴱⴹⵉⵜ.

ⵢⵉⵏⵉ ⵎⴰⵙⵙ ⵚⵚⴱⴱⴰⵕⵉ ⵎⴰⵙ ⵜⵡⴰⵜⵜⵙ ⵜⴷⵔⴰⵡⵜ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⵎⵓⵙⵙⵓ ⴰⴷ ⴰⵙⴷⵓⵙ ⵏ ⵓⴳⵔⴷ ⵏ ⵉⴼⵔⵉⵇⵢⴰ ⴳ ⵓⵙⵉⵜⵜⵉ ⵏ ⵓⴱⵔⵙⵙⵉⵡⴷ ⴷ ⵓⵎⵣⵔⴰⵢ ⴷ ⵓⴽⵛⵓⵎ ⴳ ⵜⵖⴰⵡⵙⵉⵡⵉⵏ ⵏ ⵉⵡⴰⵏⴽⵏ, ⵢⵉⵏⵉ ⵎⴰⵙ ⵜⵙⵖⴰⵡⵙⴰ ⵉⴼⵔⵉⵇⵢⴰ ⵉ ⵉⵡⴰⵏⴽⵏ ⵙⵡⵓⵔⵉⵏⵉⵏ ⴳ ⵓⴳⵯⵏⵙ ⵏ ⵓⵎⵏⵥⴰⵡ ⴷ ⵉ ⵓⵎⵏⵥⴰⵡ.

ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵏ ⵓⴳⵔⴰⵡ ⴰⴱⵕⵍⴰⵎⴰⵏⵉ, ⵜⵍⵍⴰ ⵜⴳⵓⵔⵉ ⵏ ⵓⵏⵙⵙⵉⵅⴼ ⵏ ⵜⴼⵉⴷⵉⵕⴰⵍⵉⵜ ⵏ ⵔⵓⵙⵢⴰ ⵎⴰⵙⵙ ⴼⵍⴰⴷⵉⵎⵉⵔ ⴱⵓⵜⵉⵏ, ⵍⵍⵉ ⵉⵙⴷⴷⵉⴷⵏ ⴼ ⵓⵙⵓⵊⴷ ⵏ ⵔⵓⵙⵢⴰ ⵃⵎⴰ ⴰⴷ ⵜⵎⵉⵡⵉⵙ ⴷ ⵉⵡⴰⵏⴽⵏ ⵏ ⵉⴼⵔⵉⵇⵢⴰ ⴳ ⵎⴰⵕⵕⴰ ⵏ ⵉⴳⵔⴰⵏ, ⴷ ⵓⵙⵉⴳⵓⵜ ⵏ ⵜⵡⵉⵣⵉ ⵉⵣⴷⵉⵏ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⵉⵡⵉⵏ ⴷ ⵓⴼⴰⵔⵙ ⵏ ⵜⵥⴹⴰⵕⵜ ⴷ ⵓⵙⵏⵖⵎⵙ ⴷ ⵓⴷⵔⴰⵡ ⵏ ⵜⴻⵜⵉⴽⵏⵓⵍⵓⵊⵉⵜ ⴷ ⵜⵎⵓⵣⴰⵢⵜ ⵜⴰⵔⵓⵙⵉⵜ.

ⵜⴳⴰ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵜⴰⵎⵍⴷⴰ ⵍⵍⵉⵖ ⵙⴷⴷⵉⴷⵏ ⵉⴳⵏⵙⴰⵙⵏ ⵏ ⵉⵎⴰⴷⴰⵏⵏ ⵏ ⵉⴼⵔⵉⵇⵢⴰⴼ ⵡⴰⵜⵉⴳ ⵏ ⵓⵎⵢⴰⵡⴰⵙ ⵊⴰⵔ ⵔⵓⵙⵢⴰ ⴷ ⵉⴼⵔⵉⵇⵢⴰ ⴷ ⵜⵡⴰⴼⵉⵜ ⵏ ⵉⴳⵔⴰⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ, ⴷ ⵓⵙⵎⵖⵔ ⵏ ⵜⵓⴳⴳⵯⴰⵙ ⵉ ⵜⵉⵍⵉⵜ ⵏ ⵜⵏⴼⵔⵓⵜ ⴷ ⵓⵔⴳⴳⵉⴳ ⴳ ⵉⴼⵔⵉⵇⵢⴰ ⴷ ⵓⵎⴰⴹⴰⵍ.

ⵉⴷⵔⵓ ⴰⴷ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵔⵓⵙⵢⴰ ⵉⴼⵔⵉⵇⵢⴰ ⴳ 2019 ⴳ ⵎⵓⵙⴽⵓ ⴼ ⵓⵙⵎⵖⵔ ⵏ ⵜⵎⵙⴽⵔⵜ ⵜⴰⴱⵕⵍⴰⵎⴰⵏⵉⵜ.