ⵉⴱⴷⴷ ⵓⴽⴰⴱⴰⵕ ⵏ ⵍⵎⵖⵔⵉⴱ ⵎⴳⴰⵍ ⵏ ⴷⴷⵉⵄⴰⵢⴰⵜ ⴼ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⴳ ⵓⴳⵔⴰⵡ ⵏ ⵓⵥⵟⵟⴰ ⴰⴱⵕⵍⴰⵎⴰⵏⵉ ⵏ ⵉⵡⴰⵏⴽⵏ ⵏ ⵓⵎⵓⵙⵙⵓ ⵏ ⵡⴰⵔⵜⵉⵍⵉⵜ
ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵏⵏⵙ ⴳ ⵓⴳⵔⴰⵡ ⵡⵉⵙ ⵙⵉⵏ ⵏ ⵓⵥⵟⵟⴰ ⴰⴱⵕⵍⴰⵎⴰⵏⵉ ⵏ ⵉⵡⴰⵏⴽⵏ ⵏ ⵡⴰⵔⵜⵉⵍⵉⵜ ⴳ 13 ⵎⴰⵕⵚ 2023 ⴳ ⵍⵎⴰⵏⴰⵎⴰ ⴳ ⵍⴱⴰⵃⵕⴰⵢⵏ.
ⵉⵙⵓⵜⴳ ⵎⴰⵙⵙ ⴰⵃⵎⴰⴷ ⵜⵜⵡⵉⵣⵉ ⴰⵏⵙⵙⵉⵅⴼ ⵏ ⵓⴽⴰⴱⴰⵕ ⵏ ⵍⵎⵖⵔⵉⴱ ⵜⵉⵍⴰⵍⵜ ⵜⴰⵅⴰⵜⴰⵔⵜ ⵏ ⵜⵎⴰⴷⴷⴰⵙⵜ ⴰⴷ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴳ ⵓⵙⵕⵚⵓ ⵏ ⵉⵙⵖⵡⵏ ⵏ ⵜⵔⵙⴰⵍ ⵏ ⵓⵎⵓⵙⵙⵓ ⴰⴷ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴷ ⵓⵣⴷⴰⵢ ⵊⴰⵔ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵓⵎⵓⵙⵙⵓ ⴷ ⵓⵙⵎⵖⵔ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵓⵙⵎⵖⵔ ⵏ ⵓⵣⴷⴰⵢ ⴰⴱⵕⵍⴰⵎⴰⵏⵉ ⴳ ⵎⴰⴷ ⵉⵥⵍⵉⵏ ⵙ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴼⵔⴰ ⴷ ⵜⴳⵎⵉ ⴷ ⵜⴳⵎⵉ ⵜⴰⵙⵓⵍⴰⵏⵜ.
ⵍⵍⵉⵖ ⵉⵔⵓⵔ ⴼ ⵜⴽⵔⴽⴰⵙ ⵏ ⵓⴽⴰⴱⴰⵕ ⵏ ⴷⴷⵣⴰⵢⵔ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⴽⴰⴱⴰⵕ ⴰⵎⵖⵔⵉⴱⵉ ⵎⴰⵙ ⴷ ⵉⵇⵇⴰⵏ ⴰⴷ ⵉⴳ ⵓⵥⵟⵟⴰ ⴰⴱⵕⵍⴰⵎⴰⵏⵉ ⵏ ⵉⵡⴰⵏⴽⵏ ⵏ ⵡⴰⵔⵜⵉⵍⵉⵜ ⴷ ⵜⵔⵙⴰⵍ ⵍⵍⵉ ⵙⴽⵔⵏ ⵉⵎⵙⴽⴰⵔⵏ ⵏⵏⵙ ⵉⵎⵣⵡⵓⵔⴰ ⵖ ⵏⵉⵜ ⵉⵍⵍⴰ ⵍⵎⵖⵔⵉⴱ. ⵢⵉⵏⵉ ⵎⴰⵙ ⵓⵔ ⵉⵜⵜⵓⵇⴱⴰⵍ ⴰⴷ ⵉⵜⵜⵓⵙⵏⴼⵉⵍ ⵓⵥⵟⵟⴰ ⴰⴷ ⵙ ⵓⵙⴰⵢⵔⵓⵔ ⵏ ⵜⵕⵥⵉ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵉⵡⴰⵏⴽⵏ, ⴰⵢⵍⵍⵉ ⵏⵉⵜ ⵉⴳⴰⵏ ⵎⴳⴰⵍ ⵏ ⵜⵔⵙⴰⵍ ⵍⵍⵉ ⴼ ⵉⵜⵜⵓⵙⴽⴰⵔ ⵓⵎⵓⵙⵙⵓ ⴰⴷ, ⴷ ⵓⵔ ⵉⵜⵜⵓⵇⴱⴰⵍ ⵓⵍⴰ ⴰⴷ ⵜⵜⵓⵙⵎⵔⵉⵙ ⴳ ⵜⵎⵓⴽⵔⵉⵙⵉⵏ ⵣⴷⵉⵏⵉⵏ ⴷ ⵜⵎⴰⵖⵜ ⵜⴰⵚⵎⵎⴰⴹⵜ. ⵉⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⵙⵀⵔⵛⵀ ⵏ ⵉⵡⴰⵏⴽⵏ ⵍⵍⵉ ⵙⵏⵓⴱⴳⴰⵏⵉⵏ ⵜⵉⵎⴰⴷⴷⴰⵙⵉⵏ ⴷ ⵉⴷ ⴱⴰⴱ ⵏ ⵓⴱⵔⵙⵙⵉⵡⴷ ⵉ ⵚⴰⵃⴰ ⵏ ⵜⵕⵥⵉ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵉⵡⴰⵏⴽⵏ ⴰⴷⵊⴰⵕⵏ.
ⵉⵙⴷⴷⵉⴷ ⵎⴰⵙⵙ ⴰⵃⵎⴰⴷ ⵜⵜⵡⵉⵣⵉ ⵎⴰⵙ ⴷ ⴰⵎⵓⵔⵙ ⵏ ⵜⵡⵡⵓⵔⵉ ⵏ ⵓⵥⵟⵟⴰ ⴰⴷ ⴰⴱⵕⵍⴰⵎⴰⵏⵉ ⵉⵣⴷⵉ ⴷ ⵓⵙⵉⵜⵜⵉ ⵏ ⵜⵎⵓⴽⵔⵉⵙⵉⵏ ⵊⴰⵔ ⵉⵡⴰⵏⴽⵏ, ⵙⵍⴰⵡⴰⵏ ⴰⴽⴽⵯ ⴳ ⵜⵎⵙⴰⵔⵉⵏ ⵍⵍⴰⵏⵉⵏ ⴷⴰⵜ ⵏ ⵜⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ.