ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵎⴰⵡⵙⴰⵙ ⴰⵏⵙⵙⵉⵅⴼ ⵏ ⵜⵙⵏⴱⴹⴰⵢⵜ ⵏ ⵓⵙⵉⵟⵏ ⴳ ⵍⴱⵔⵉⵣⵉⵍ, ⴰⵏⵙⵙⵉⵅⴼ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵉⴹⴰⴼ ⵜⴰⵣⵕⴼⴰⵏⵜ ⴷ ⵓⵙⵉⵟⵏ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 13 ⵎⴰⵕⵚ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ ⵎⴰⵙⵙ Bruno Dantas ⴰⵎⴰⵡⵙⴰⵙ ⴷ ⵓⵏⵙⵙⵉⵅⴼ ⵏ ⵜⵙⵏⴱⴹⴰⵢⵜ ⵏ ⵓⵙⵉⵟⵏ ⴳ ⵍⴱⵔⵉⵣⵉⵍ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⵣⵣⴳⴰⵔ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵉⴹⴰⴼ ⵜⴰⵥⵕⴼⴰⵏⵜ ⴷ ⵓⵙⵉⵟⵏ, ⴷ ⵎⴰⵙⵙ Jorge Oliveira ⴰⵎⵡⵙⴰⵙ ⴷ ⵓⴳⵎⴰⵎ ⴳ ⵜⵙⵏⴱⴹⴰⵢⵜ. ⵙ ⵜⵎⵍⴷⴰ ⵏ ⵓⵔⵣⴰⴼ ⵏⵏⵙ ⵏ ⵜⵡⵡⵓⵔⵉ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⵉⵍⵍⴰ ⵓⵎⴹⴽⴰⵕ ⴼ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⵍⴱⵔⵉⵣⵉⵍ ⴷ ⵜⵉⵔⵎⵉⵜⵉⵏ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ, ⴷ ⵓⵎⵢⴰⵡⴰⵙ ⵊⴰⵔ ⵉⵙⵇⵇⵉⵎⵏ ⵏ ⵓⵙⵉⵟⵏ ⴳ ⵙⵏⴰⵜ ⵜⵎⵉⵣⴰⵔ. ⵖⵎⴽ ⴰⵏⵏ ⴷ ⵓⵙⵎⵏⵉⴷ ⵏ ⵜⵣⴷⴰⵢⵉⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴼ ⵜⵙⵏⴱⴹⴰⵢⵉⵏ ⵏ ⵓⵥⵕⴼ ⴳ ⵙⵏⴰⵜ ⵜⵎⵉⵣⴰⵔ, ⴷ ⵜⵎⵥⵍⵉⵜ ⵏ ⴽⵓ ⵜⵉⵔⵎⵉⵜ, ⵖⵎⴽ ⴰⵏⵏⴷ ⵓⵙⵓⵜⴳ ⵏ ⵜⵣⴷⴰⵢⵉⵏ ⵜⵉⵙⵏⵉⵔⴰⵏⵉⵏ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴳ ⵓⵎⵏⵓⴷ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ.
ⵉⵙⵎⵏⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⵏ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵓⴷⵓⵙⵜⵓⵔ ⵏ 2011 ⴷ ⵜⵎⵥⵍⴰⵢ ⵏ ⵓⴱⵕⵍⴰⵎⴰⵏ ⴳ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵣⴷⴰⵢⵉⵏ ⵏⵏⵙ ⴰⴽⴷ ⵜⵉⵎⵔⵙⴰⵍ ⵜⵉⴷⵙⵜⴰⵔⵉⵏ ⵙⵍⴰⵡⴰⵏ ⴰⴽⴽⵯ ⵜⴰⵙⵏⴱⴹⴰⵢⵜ ⵏ ⵓⵙⵉⵟⵏ.
ⵎⴰⵙⵙ Bruno Dantas ⴷ ⵎⴰⵙⵙ Jorge Oliveira ⵙⴰⵡⵍⵏ ⴼ ⵜⵎⵥⴰⵍⵢ ⵏ ⵜⵙⵏⴱⴹⴰⵢⵜ ⵏ ⵓⵙⵉⵟⵏ ⴳ ⵍⴱⵔⵉⵣⵉⵍ ⴷ ⵜⵣⴷⴰⵢⵜ ⵏⵏⵙ ⴷ ⵓⴱⵕⵍⴰⵎⴰⵏ ⴷ ⵜⵎⴷⵔⴰⵡⵜ ⵏⵏⵙ ⴷ ⵓⵙⵇⵇⵉⵎ ⵏ ⵓⵙⵉⵟⵏ ⴳ ⵔⴳⵍⴷⵉⵜ ⵏ ⵍⵎⵖⵔⵉⴱ. ⵉⵍⵍⴰ ⵓⵎⴹⴰⴽⴰⵔ ⵓⵍⴰ ⴼ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵉⴹⴰⴼ ⵜⴰⵥⵕⴼⴰⵏⵜ ⴷ ⵓⵙⵉⵟⵏ ⵉⴳⴰⵏ ⵡⴰⵔⵜⵓⵏⴱⵉⴹⵜ ⵉⵍⵍⴰⵏ ⴳ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⵏ ⵜⵎⵜⵜⴰ ⵎⵓⵏⵏⵉⵏ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴼ ⵜⵎⵔⵙⴰⵍ ⵏ ⵓⵎⵣⴰⵣⴰⵍ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ ⵣⴷⵉⵏⵉⵏ ⴷ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ ⴷ ⵜⵎⵔⵙⵍ ⵜⵉⵣⵣⵔⴰⴼⵉⵏ.