ⵍⵎⵖⵔⵉⴱ: ⵜⵉⵙⵎⵓⵏⴰⵢ ⵏ ⵜⵙⵇⵇⵉⵎⵜ ⵏ ⵜⵎⵙⴰⵔⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵓⵙⵉ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵥⵟⵟⴰ ⵏ ⵉⴱⵕⵍⴰⵎⴰⵏⵉⵢⵏ ⴹⴼⵕⵏⵉⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵏⵓⵕⵓⴱⴱⴰ
ⵔⴰⴷ ⵉⵙⵏⵓⴱⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ 16 ⴰⵔ 18 ⵎⴰⵕⵚ 2023 ⴳ ⵡⴰⵎⵓⵔ ⵏ ⵡⴰⴽⵓⵛ ⴷ ⴱⵏⴳⵔⵉⵔ ⵜⵉⵡⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵏ ⵜⵎⵙⴰⵔⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵓⵙⵉ ⴷ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵓⵥⵟⵟⴰ ⵏ ⵉⴱⵕⵍⴰⵎⴰⵏⵉⵢⵢⵉⵏ ⵉ ⵡⴰⵡⵏⴰⴹ ⵉⴼⵓⵍⴽⵉⵏ ⴹⴼⵕⵏⵉⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ.
ⵉⵍⵍⴰ ⴳ ⵓⵖⴰⵡⴰⵙ ⵏ ⵜⵡⵡⵓⵔⵉ ⴰⵙⵖⵣⵏ ⵏ ⵉⵙⵏⴼⴰⵔⵏ ⵏ ⵉⵏⵇⵇⵉⵙⵏ ⵏ ⵜⵙⵎⵓⵏⴰⵢ ⵣⵔⵉⵏⵉⵏ ⴳ ⵙⵜⵔⴰⵙⴱⵓⵔⴳ, ⴷ ⵓⵙⵔⵓⵙ ⵏ ⵡⴰⴽⵓⴷ ⴷ ⵓⴷⵖⴰⵔ ⵏ ⵜⵙⵓⵜⴰⵍ ⵍⵍⵉ ⵔⴰⴷ ⵢⴰⵛⴽ.
ⵔⴰⴷ ⵜⵉⵍⵉ ⵓⵍⴰ ⵜⵉⵖⵔⵉ ⵏ ⵉⵎⵔⵙⵉⵡⵏ ⴼ: ⴰⴼⵔⴰⴳ ⵏ ⵜⴷⵉⵎⵓⵇⵔⴰⵜⵉⵜ ⴷ ⵉⵣⵔⴼⴰⵏ ⴷ ⵡⴰⵡⵏⴰⴹ ⴳ ⵓⵙⵖⵏⵣⵉ ⴰⴳⵔⴰⵖⵍⴰⵏ, ⴰⵙⵓⵊⴷ ⵏ ⵜⵎⵢⴰⴷⴰⵙⵜ ⵢⵓⵎⴰⵏ ⵉ ⵜⵏⵓⴼⴰ ⵜⴰⴷⵓⵙⴰⵏⵜ, ⴰⵙⵎⵓⵜⵜⵉ ⴰⵥⴹⴰⵕⴰⵏ ⴰⵙⵓⵍⴰⵏ, ⴰⵣⵔⴼ ⴳ ⵜⵓⵣⴷⵓⵖⵜ, ⴷ ⵉⵎⵔⵙⵡⵉⵏ ⵢⴰⴹⵏⵉⵏ.
ⴳ ⵜⵙⵎⵓⵏⵉ, ⵏ ⵓⵥⵟⵟⴰ ⵏ ⵉⴱⵕⵍⴰⵎⴰⵏⵉⵢⵉⵏ ⵉ ⵡⴰⵡⵏⴰⴹ ⵉⴼⵓⵍⴽⵉⵏ, ⵔⴰⴷ ⵢⵉⵍⵉ ⵓⵙⵎⵏⵉⴷ ⵏ ⵜⵉⵔⵎⵉⵜ ⵏ ⵍⵎⵖⵔⵉⴱ ⴳ ⵡⴰⵎⴰⵏ ⵏ ⵜⵉⵙⵙⵉ, ⴷ ⵓⵙⴼⵏⵍ ⵏ ⵜⴰⵏⵏⴰⵢⵢⵉⵏ ⴼ ⵜⵥⴹⴰⵕⵜ ⵉⵖⵓⵙⵏ ⴷ ⵜⵣⵣⵉⴳⵣⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⴱⴰⵔⴰⵣ ⴰⴷ, ⴷ ⵓⵙⴽⵔ ⵏ ⵜⵙⴰⵡⵔⵉⵏ ⵥⵍⵉⵏⵉⵏ ⴳ ⵜⵙⴷⴰⵡⵉⵜ ⵏ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⴱⵏ ⴳⵔⵉⵔ.
ⵔⴰⴷ ⴷⵔⵓⵏ ⴳ ⵜⵙⵎⵓⵏⴰⵢ ⴰⴷ ⵉⴱⵕⵍⴰⵎⴰⵏⵉⵢⵏ ⵙⴳ ⵜⵎⵙⵎⵓⵏⵜ ⵜⴰⴱⵔⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵙⴳ ⵍⵎⵖⵔⵉⴱ ⴷ ⵉⵎⵙⵜⵜⴰⴳⵔⵏ ⵓⴱⵉⴹⵏ ⴷ ⵡⵉⵢⵢⴰⴹ.
ⵉⵟⵟⴰⴼ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴰⵙⵓⵔⵙ ⵏ ⵓⵎⴷⵔⴰⵡ ⵉ ⵜⴷⵉⵎⵓⵇⵔⴰⵜⵉⵜ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵔⵓⴱⴱⴰ ⵙⴳ 2011, ⴰⵔ ⵜⴷⵔⵔⵓ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⴳ ⵜⵡⵡⵓⵔⵉⵡⵉⵏ ⵏⵏⵏⵙ, ⵖⵎⴽ ⵍⵍⵉ ⴷⵉⴷⵙ ⵉⵎⵢⴰⵡⴰⵙ ⴳ ⴽⵉⴳⴰⵏ ⵏ ⵉⵎⵓⵙⵙⵓⵜⵏ.
ⵜⴳⴰ ⵜⵎⵙⵎⵓⵏⵜ ⴰⴷ ⵓⴷⵎ ⴰⴱⵕⵍⴰⵎⴰⵏⵉ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⴷ ⵜⴰⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⴳ ⵍⵍⴰⵏⵜ 46 ⵏ ⵜⵎⴰⵣⵉⵔⵜ ⵙⴳ ⵓⵕⵓⴱⴱⴰⵏ ⴳⵉⵙ ⵉⴱⵕⵍⴰⵎⴰⵏⵉⵢⵉⵏ ⵙⴳ ⵉⴱⵕⵍⴰⵎⴰⵏⵏ ⵉⴳⵎⴰⵎⵏ ⴳ ⵓⵙⵇⵇⵉⵎ ⵏ ⵓⵔⵓⴱⴱⴰ.
