ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵡⵉⵣⵉ ⴳ ⵍⴱⵓⵏⴷⵙⵜⴰⴳ ⵏ ⴰⵍⵎⴰⵏⵢⴰ
ⵉⵎⴹⴰⴽⴰⵕ ⵎⴰⵙⵙ ⵎⵓⵃⴰⵎⵎⴰⴷ ⴼⴰⴹⵉⵍⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⵔⴼⵜ ⴷ ⵓⵣⵣⵔⴰⴼ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 9 ⵎⴰⵕⵚ 2023 ⴳ ⵕⵕⴱⴰⵟ, ⴷ ⵎⴰⵙⵙⴰ ⵔⵉⵏⴰⵜⴰ ⴰⵍⵜ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵡⵉⵣⵉ ⴳ ⵍⴱⵓⵏⴷⵙⵜⴰⴳ ⵏ ⴰⵍⵎⴰⵏⵢⴰ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ.
ⵉⵃⴰⴹⵕ ⴳ ⵓⵎⴹⴰⴽⴰⵕ ⵓⵎⵙⵇⴰⴷ ⵏ ⴰⵍⵎⴰⵏⵢⴰ ⴳ ⵍⵎⵖⵔⵉⴱ ⵎⴰⵙⵙ ⵕⵓⴱⵉⵕⵜ ⴷⵓⵍⴳⵔ, ⵢⵉⵍⵉ ⴼ ⵉⵣⵔⴼⴰⵏ ⵏ ⵜⵎⵖⴰⵔⵜ ⴳ ⵍⵎⵖⵔⵉⴱ.
ⵉⵙⴰⵡⵍ ⵎⴰⵙⵙ ⴼⴰⴹⵉⵍⵉ ⴼ ⵓⵎⵎⵉⵥⵏ ⵏ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ, ⴷ ⵉⵙⵍⴳⵏⵏ ⵍⵍⵉ ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵔⴰ ⴰⴷ ⴳ ⵎⴰⴷ ⵉⵥⵍⵉⵏ ⵙ ⵓⵎⵛⴰⴱⴱⴰⴽ ⵏ ⵜⵓⵡⵊⴰ ⴷ ⵜⵏⵎⵓⵔⵉⵜ.
ⵉⵙⴰⵡⵍ ⵓⵍⴰ ⴼ ⵓⵎⴹⴰⴽⴰⵕ ⴰⴳⴷⵓⴷⴰⵏ ⵉⵥⵍⵉⵏ ⵙ ⵓⵙⵍⴳⵏ ⴼ ⵓⵙⴱⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵓⵙⵍⴳⵏ ⵏ ⵜⵓⵡⵊⴰ, ⵉⵙⵎⵏⵉⴷ ⴰⵙⵓⵔⵙ ⵉⵥⵍⵉⵏ ⴷ ⵓⵙⵙⵍⵎⴷ ⵏ ⵜⴼⵔⵅⵉⵏ ⴷ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴳ ⵜⵎⴰⵣⵉⵔⵜ ⵏⵏⵖ.
ⵜⵏⵏⴰ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵡⵉⵣⵉ ⴳ ⵍⴱⵓⵏⴷⵙⵜⴰⴳ ⵏ ⴰⵍⵎⴰⵏⵢⴰ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⴰⴷ ⵜⵓⵙⵙⵏⴰ ⵏ ⵜⵣⵣⵉⴳⵣⵜ ⵏ ⵍⵎⵖⵔⵉⴱ ⴳ ⵉⴳⵔⴰⵏ ⵣⴷⵉⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ.
ⵜⵉⵏⵉ ⵓⵍⴰ ⵎⴰⵙ ⵜⵔⴰ ⵜⵎⴰⵣⵉⵔⵜ ⵏⵏⵙ ⴰⵙⴷⵓⵙ ⵏ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⵙ ⴷ ⵍⵎⵖⵔⵉⴱ, ⵜⵙⴰⵡⴰⵍ ⴼ ⵡⴰⵜⵉⴳ ⵏ ⵜⴷⵔⴰⵡⵜ ⵏ ⵜⴼⵔⵅⵉⵏ ⴷ ⵜⵎⵖⴰⵔⵉⵏ ⴳ ⵓⵙⵉⵍⵖ ⴷ ⵓⵙⵙⵍⵎⴷ ⵏ ⵜⵡⵡⵓⵔⵉ ⴷ ⵜⵡⵉⵙⵉ ⴳ ⵜⴳⵎⵉ ⵏ ⵜⴷⵎⵙⴰ ⵏ ⵍⵎⵖⵔⵉⴱ.