ⴰⵔⵣⴰⴼ ⵏ ⵜⵡⵡⵓⵔⵉ ⵏ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵉ ⵓⴱⵕⵍⴰⵎⴰⵏ ⵏ ⵍⴱⵓⵔⵜⵓⵖⴰⵍ

ⵜⵙⴽⵔ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵡⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ, ⴰⵔⵣⴰⴼ ⵏ ⵜⵡⵡⵓⵔⵉ ⵉ ⵓⴱⵕⵍⴰⵎⴰⵏ ⵏ ⵍⴱⵓⵔⵜⵓⵖⴰⵍ ⴷ ⵎⴰⵙⵙ ⴰⵎⴰⵔⵉ ⵙⵉⴷⵉ ⵚⴰⵍⵃ ⵍⵉⴷⵔⵉⵙⵉ ⴷ ⵎⴰⵙⵙⴰ ⵜⴰⵎⴰⵔⵉⵜ ⵏⴰⴷⵢⴰ ⵍⵇⵏⵚⵓⵕⵉ ⵙⴳ 27 ⴱⵕⴰⵢⵕ ⴰⵔ 1 ⵎⴰⵕⵚ 2023.

ⵉⵃⴰⴹⵕ ⴳ ⵓⵔⵣⴰⴼ ⴰⴷ ⵎⴰⵙⵙ ⵄⵓⵜⵎⴰⵏ ⴱⴱⴰⵃⵏⵉⵏⵉ, ⴰⵎⵙⵇⵇⴰⴷ ⵏ ⵍⵎⵖⵔⵉⴱ ⵖ ⵍⴱⵓⵔⵜⵓⵖⴰⵍ, ⵢⵉⵍⵉ ⴳⵉⵙ ⵓⵏⵎⵓⵇⵇⴰⵔ ⴷ ⵎⴰⵙⵙ FRANCISCO ANDRE  ⴰⵎⴰⵔⵉ ⵏ ⵓⵡⴰⵏⴽ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵍⴱⵓⵔⵜⵓⵖⴰⵍ ⴷ ⵓⵏⵎⵓⵇⵇⴰⵔ ⴷ ⵎⴰⵙⵙ AUGUSTO SANTOS SILVA   ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⵍⴱⵓⵔⵜⵓⵖⴰⵍ, ⵖⵎⴽ ⴰⵏⵏ ⴷ ⵉⵏⵎⵓⵇⵇⴰⵔⵏ  ⴷ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⴱⵕⵍⴰⵎⴰⵏ ⵏ ⵍⴱⵓⵔⵜⵓⵖⴰⵍ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ.

ⵉⵍⵍⴰ ⵓⵎⴷⴰⴽⴰⵕ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⵉⴳⵔⴰⵏ ⵛⵛⴰⵔⵏⵉⵏ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⵊⴰⵔ ⵉⴱⵕⵍⴰⵎⴰⵏⵏ ⵏ ⵍⵎⵖⵔⵉⴱ ⴷ ⵍⴱⵓⵔⵜⵓⵖⴰⵍ. ⵉⵙⴰⵡⵍ ⵓⴽⴰⴱⴰⵕ ⵏ ⵍⵎⵖⵔⵉⴱ ⴼ ⵡⴰⵜⵉⴳ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷⵔⵓⵏⵉⵏ ⵜⴰⵊⵢⵓⵖⵔⴰⴼⵉⵜ ⴷ ⵓⵎⵣⵔⵓⵢ ⵉⵛⵛⴰⵔⵏ, ⵉⵙⴷⴷⵉⴷ ⴼ ⵡⴰⵜⵉⴳ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵉ ⵎⴰⵕⵕⴰ ⵉⵎⵖⵔⵉⴱⵉⵢⵏ, ⵎⴽ ⵏⵉⵜ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵙ ⵜⵎⵍⴷⴰ ⵏ ⵓⴽⵜⵜⵓⵢ ⵡⵉⵙ 69 ⵏ ⵜⴳⵔⴰⵡⵍⵍⴰ ⵏ ⵓⴳⵍⵍⵉⴷ ⴷ ⵓⵎⴰⴷⴰⵏ ⵍⵍⵉⵖ ⵉⵏⵏⴰ ⵎⴰⵙ ⵜⴳⴰ ⵚⵚⵃⵕⴰ ⵜⴰⵙⵎⵓⵇⵇⵓⵍⵜ ⵍⵍⵉ ⵙ ⵉⵥⵕⵕⴰ ⵍⵎⵖⵔⵉⴱ ⴰⵎⴰⴹⴰⵍ.