ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵎⵓⵏⵉ ⵉⵛⵛⴰⵔⵏ ⵊⴰⵔ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵏ ⵓⴹⴼⵕ ⵏ ⵜⴰⵎⵓⵏⵜ ⵏ ⵓⴳⴰⵔⴰⵡ ⴰⵏⴳⵔⴰⵢ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ

* ⵎⴰⵙⵙ José Ramón Enríquez Herrera ⴰⴳⵎⴰⵎ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵍⵎⵉⴽⵙⵉⴽ ⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵏ ⵓⴹⴼⴼⵕ ⵏ ⵜⴰⵎⵓⵏⵜ ⵏ ⵓⴳⴰⵔⴰⵡ ⴰⵏⴳⵔⴰⵡ,

* ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵉⴽⴰⴱⴰⵕⵏ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵙⴳ ⵛⵛⵉⵍⵉ ⴷ ⵍⴱⵉⵔⵓ ⴷ ⴽⵓⵍⵓⵎⴱⵢⴰ ⴷ ⵍⵎⵉⴽⵙⵉⴽ,

* ⵜⵉⵏⴳⴳⵯⴰ ⴷ ⵉⵏⴳⴳⵯⴰ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⴳ ⵜⵣⵡⵉⵔⵉ, ⵎⵎⴰⵔⵖ ⴰⴷ ⵙⵔⵓⵏ ⵙⴱⵔⵔⴽⵖ ⴰⵙⵙ ⴰⴷ ⴳ ⵕⵕⴱⴰⵟ ⵜⴰⵎⴰⵥⵓⵏⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⴳⴰ ⴰⵖ ⴰⴷⴷⵓⵔ ⴰⴷ ⵏⵙⵏⵓⴱⴳ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵜⵉⵙ ⵙⵏⴰⵜ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵓⴹⴼⵕ ⵏ ⵜⴰⵎⵓⵏⵜ ⵏ ⵓⵏⴳⵔⴰⵡ ⴰⵏⴳⵔⴰⵢ, ⵍⵍⵉⵖ ⵜⵍⵍⴰ ⵜⵙⵎⵓⵏⵉ ⵜⴰⵎⵣⵡⴰⵔⵓⵜ ⴳ 2020 ⵙ ⵜⵎⵢⴰⴳⴳⵓⴳⵜ ⴳ ⵓⵣⵎⵣ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⵍⵉⵖ ⵓⵔ ⵏⵥⴹⴰⵕ ⴰⴷ ⵏⵎⵎⵓⴷⴷⵓ ⴱⵕⴰ ⵏ ⵜⵎⵉⵣⴰⵔ ⵏⵏⵖ.  

ⵉⴳⴰ ⵓⴽⵛⵓⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⴰⴳⵎⴰⵎ ⵉⵎⵥⵕⵉ ⵙ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜⵏ ⵓⴹⴼⵕ ⵏ ⵜⴰⵎⵓⵏⵜ ⵏ ⵓⴳⴰⵔⴰⵡ ⴰⵏⴳⵔⴰⵢ, ⵜⴰⵎⵙⴰⵔⵜ ⵉⵥⵍⵉⵏ ⴳ ⵜⵣⴷⴰⵢⵉⵏ ⵏⵏⵖ ⵛⵛⴰⵔⵏⵉⵏ, ⵉⴳ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵎⵔⵙⵍⵜ ⵜⴰⵣⵣⵔⴰⴼⵜ ⵜⴰⵎⵣⵡⴰⵔⵓⵜ ⵜⴰⵄⵕⴰⴱⵜ ⴷ ⵜⴰⴼⵔⵉⵇⵉⵜ ⵍⵍⵉ ⵢⵉⵡⵉⵏ ⴰⵙⵓⵔⵙ ⴰⴷ.  

ⴰⵙⵙ ⴰⴷ, ⵉⵍⵍⴰ ⵡⴰⴷⴷⵓⵔ ⴷⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵍⵍⵉⵖ ⵔⴰⴷ ⵜⵉⵍⵉ ⴳ ⵡⴰⴽⴰⵍ ⴰⵄⵕⴰⴱ ⴷ ⴰⴼⵔⵉⵇⵉ ⵜⴰⵙⵎⵓⵏⵉ ⵉⵛⵛⴰⵔⵏ ⴷ ⵜⵙⵓⵜⵍⵜ ⵉⵥⵍⵉⵏ ⵏ ⵜⵙⵇⵇⵉⵎⵜ ⵏⵏⵓⵏ ⵉⵜⵜⴰⵡⵇⵇⴰⵔⵏ ⵍⵍⵉ ⵔⴰⴷ ⵉⵟⵟⵉⴼ ⴰⵙⵏⵥⵕ ⵓⵔ ⵊⵊⵓ ⵉⵍⵍⵉⵏ ⵙⴳ ⵜⵎⴰⵥⵓⵏⵜ ⵏ ⵕⵕⴱⴰⵟ.

ⴰⵢⵍⵍⵉ ⵉⵎⵎⴰⵍⴰⵏ ⵉⵡⵉⵣ ⵏ ⵍⵎⵖⵔⵉⴱ ⵉ ⵜⵉⵍⵉⵜ ⴳ ⵜⵙⵏⵜⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵥⵉⵍⵏⵉⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴼⵍⵙ ⵏ ⵜⵎⵏⵜⵉⵍⵉⵏ ⵏ ⵜⵓⴷⵔⵜ ⵏ ⵓⴷⴷⵓⵔ ⵏ ⵉⵎⴰⴷⴰⵏⵏ ⴷ ⵓⵙⵏⴰⵍ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵡⴰⵜⵉⴳⵏ ⵏ ⵜⵎⵢⵉⴷⵉⵔⵜ ⴷ ⵓⴼⵔⴰ. 

ⵜⴳⴰ ⵜⵙⵇⵇⵉⵎⵜ ⴰⴷ ⵜⴰⴱⵕⵍⴰⵎⴰⵏⵉⵜ ⵉ ⵓⴹⴼⵕ ⵏ ⵜⴰⵎⵓⵏⵜ ⵏ ⵓⴳⴰⵔⴰⵡ ⴰⵏⴳⵔⴰⵢ ⵢⴰⵜ ⵜⴳⵔⴰⵡⵜ ⵉⵥⵉⵍⵏ ⴳ ⵉⵡⵜⵜⴰⵙⵏ ⵏⵏⵙ, ⵜⵔⴰ ⴰⴹⴼⵕ ⵏ ⵉⵡⵜⵜⴰⵙⵏ ⵏ ⵓⵙⵉⴷⴼ ⴰⴷⵎⵙⴰⵏ ⵍⵍⵉⵖ ⵍⵍⴰⵏⵜ ⵜⵏⴱⴰⴹⵉⵏ ⵏ ⵉⵡⴰⵏⴽⵏ ⵏⵏⵓⵏ, ⵜⵡⴰⵜⵜⵙ ⵜⵉⵍⵉⵜ ⵏ ⵓⴹⴼⵕ ⴰⴱⵕⵍⴰⵎⴰⵏⵉ, ⵙⴳ ⵓⴷⵖⴰⵔ ⵏⵏⵓⵏ ⴷ ⵉⵎⵣⵣⵔⴰⴼⵏ, ⵏ ⵜⵡⵡⵓⵔⵉ ⵏ ⵜⵏⴱⴰⴹⵜ ⵉ ⵉⵎⴰⵍ ⵏ ⵉⵎⴰⴷⴰⵏⵏ ⵏ ⵜⵙⴳⴰ ⵏⵏⵓⵏ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵉⴳⴰ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⴳ ⵜⴼⵔⴽⴰ ⴰⴷ ⵙⴳ ⵉⵎⴰⵙⵙⵏ ⵏ ⵓⵣⵣⵔⴰⵢ ⵏ ⵜⵎⵓⴽⵔⵉⵙⵉⵏ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⵏ ⵜⵎⵉⵣⴰⵔ ⵏⵏⵖ, ⵙⵍⴰⵡⴰⵏ ⴰⴽⴽⵯ ⵎⴰⵙ ⵉⵟⵟⴰⴼ ⵍⵎⵖⵔⵉⴱ ⴷ ⵍⵎⵉⴽⵙⵉⴽ ⴷ ⵛⵛⵉⵍⵉ ⴷ ⵍⴱⵉⵔⵓ ⴷ ⴽⵓⵍⵓⵎⴱⵢⴰ ⵜⵉⵥⴹⴰⵕⵉⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵎⵖⵔ ⴰⴷⵎⵙⴰⵏ, ⵙ ⵎⴰⴷ ⵟⵟⴰⴼⵏ ⴳ ⵓⴼⴳⴰⵏ ⴰⵄⵔⵔⵉⵎ ⵉⵟⵟⴰⴼⵏ ⵜⵉⵍⴰⵍ, ⴷ ⵉⵙⵓⴳⴰⵎ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ, ⴷ ⵉⵣⵓⵖⴰⵣ ⵉⵏⴼⵍⴰⵃⵏ ⴷ ⵡⵉⵏ ⵉⵙⵍⵎⴰⵏ ⴷ ⵉⵎⵓⴷⴰⵔ ⴳⴰⵏⵉⵏ ⵜⵉⵎⴰⴳⵓⵜⵉⵏ ⴷ ⵜⵎⵏⵏⴰⵡⵉⵏ.

ⵔⵉⵖ ⴰⴷ ⴰⵡⵏ ⵙⴷⴷⵉⴷⵖ ⵎⴰⵙ ⴷⵉⴷⵓⵏ ⵏⴷⵔⵓ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵜⵉⴳⵏ, ⵜⵙⴽⵔ ⵜⵎⴰⵣⵉⵔⵜ ⵏⵏⵖ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵜⴰⵔⵙⵍⵜ ⵏ ⵜⴷⵉⴱⵍⵓⵎⴰⵙⵉⵜ ⵏ ⵍⵎⵖⵔⵉⴱⵏ ⴷ ⵜⵔⵙⵍⵜ ⵏ ⵜⵙⵔⵜⵉⵜ ⵏⵏⵙ ⵏ ⴱⵕⵕⴰ.

ⴳ ⵓⵙⴰⵜⵉ ⵏ ⵜⵙⵜⵔⴰⵜⵉⵊⵉⵜ ⵢⵓⵎⴰⵏ ⵉⴱⴷⴷⵏ ⴼ ⵓⵙⴷⵓⵙ ⵏ ⵜⵏⴼⵔⵓⵜ ⴷ ⵓⵔⴳⴳⵉ ⴷ ⵜⴳⵎⵉ ⵜⴰⴷⵎⵙⴰⵏⵜ, ⴰⵢⵍⵍⵉ ⴰⵖ ⵉⵜⵜⵉⵏⵉⵏ ⴰⴷ ⵏⵣⵣⵉⴳⵣ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵙⵉⴷⴼ ⴳ ⵓⵎⵏⵥⴰⵡ ⵏ ⵉⴼⵔⵉⵇⵢⴰ ⵍⵍⵉⵖ ⵏⴻⵍⵍⴰ, ⴷ ⵓⵏⵏⵓⵕⵥⵎ ⴼ ⵜⵙⴳⴰ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⵍⵍⵉ ⴷ ⵏⴷⵔⵓ ⵢⴰⵏ ⵡⴰⵢⴷⴰ ⴰⵎⵣⵔⴰⵢ ⵉⵛⵛⴰⵔⵏ ⴷ ⵉⵏⴰⵔⵓⵣⵏ ⵉ ⵢⵉⵎⴰⵍ.

ⵍⵍⴰⵏⵜ ⴳ ⵉⴼⵔⵉⵇⵢⴰ ⵍⵍⵉⵖ ⵉⵍⵍⴰ ⵍⵎⵖⵔⵉⴱ ⵜⴰⵎⵓⵏⵉⵏ ⵜⵉⵙⴳⴰⵡⴰⵏⵉⵏ ⵜⵉⵏⵎⵏⴰⴹⵉⵏ, ⴷ ⵓⵕⵥⵥⵓⵎ ⵏ ⵜⵙⴳⴰ ⵜⴰⵅⴰⵜⴰⵔⵜ ⵏ ⵓⵙⵏⴼⵍ ⵉⵍⴻⵍⵍⴻ ⴳ ⵓⵎⴰⴹⴰⵍ ⴳ ⵍⵍⴰⵏ ⴽⵉⴳⴰⵏ ⵏ ⵉⵡⴰⵏⴽⵏ ⵙⴳ ⵉⴼⵔⵉⵇⵢⴰ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵎⵖⵔ ⵏ ⵓⵎⵢⴰⵡⴰⵙ ⵊⴰⵔ ⵉⴼⵔⵉⵇⵢⴰ ⴷ ⵜⴰⵎⵓⵏⵜ ⵏ ⵉⵡⴰⵏⴽⵏ ⵏ ⵓⴳⴰⵔⴰⵡ ⴰⵏⴳⵔⴰⵢ.

ⵙ ⵓⴷⵖⴰⵔ ⵏⵏⵙ ⴰⵊⵢⵓⵖⵔⴰⴼⵉ ⵉⵥⵉⵍⵏ ⴷ ⵜⴷⵉⵏⴰⵎⵉⵜ ⵏⵏⵙ ⵜⴰⴷⵉⴱⵍⵓⵎⴰⵙⵉⵜ, ⵉⵥⴹⴰⵕ ⵍⵎⵖⵔⵉⴱ ⴰⴷ ⵢⴰⵡⵙ ⴳ ⵡⴰⴷⴰⵙ ⵊⴰⵔ ⵙⵏⴰⵜ ⵜⵙⴳⴳⵉⵡⵉⵏ, ⴳ ⵓⵙⵡⵉⵔ ⴰⵎⵏⵥⴰⵡ ⵉⴳⴰ ⵜⴰⵎⴰⵣⵉⵔⵜ ⵜⴰⵎⵣⵡⴰⵔⵓⵜ ⴳ ⵓⵙⵡⵉⵔ ⴰⵄⵕⴰⴱ ⴷ ⵓⴼⵔⵉⵇⵉ ⵉⴳⴰⵏ ⴰⴳⵎⴰⵎ ⵏ ⵜⴰⵎⵓⵏⵜ ⵏ ⵉⵡⴰⵏⴽⵏ ⵏ ⵓⴳⴰⵔⴰⵡ ⴰⵏⴳⵔⴰⵢ ⴳ 2014.

ⴷⴰⵜ ⵏ ⵜⵥⴹⴰⵕⵉⵏ ⵏ ⵓⵙⵖⵏⵣⵉ ⴷ ⵓⵎⵢⴰⵡⴰⵙ ⵉⵛⵛⴰⵔⵏ, ⵏⵥⴹⴰⵕ ⴰⴷ ⵏⵙⵏⴼⵍ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ, ⵎⴽ ⵍⵍⵉ ⵔⴰⴷ ⵏⵙⵡⴰⵍ ⴼ ⵓⵣⵡⴰⴳ ⵍⵍⵉ ⵙ ⵉⵜⵜⵓⵙⵙⴰⵏ ⵍⵎⵖⵔⵉⴱ ⵙ ⵓⵙⵡⵓⴷⴷⵓ ⵏⵏⵙ ⴳ ⵉⵙⵡⵉⵔⵏ ⴰⵙⴳⴰⵡⴰⵏ ⴷ ⵓⵎⵏⵥⴰⵡ, ⵎⴽ ⵍⵍⵉ ⵔⴰⴷ ⵏⵙⵙⴼⵍⴷ ⵉ ⵜⵉⵔⵎⵉⵜⵉⵏ ⵏ ⵍⵎⵉⴽⵙⵉⴽ ⴷ ⵛⵛⵉⵍⵉ ⴷ ⴽⵓⵍⵓⵎⴱⵢⴰ ⴳ ⵓⵎⵏⵉⴷ ⴰⴷ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵔⵉⵖ ⴰⴷ ⵙⴷⴷⵉⴷⵖ ⵜⵉⴽⴽⵍⵉⵜ ⵢⴰⴹⵏⵉⵏ ⵎⴰⵙ ⵏⴼⵔⴽ ⵙ ⵡⴰⵜⵉⴳ ⵏ ⵜⵉⵍⴰⵍ ⵍⵍⵉ ⵔⴰⴷ ⵏⵙⴽⵔ ⴷ ⵉⴱⵕⵍⴰⵎⴰⵏⵉⵢⵉⵏ ⵉ ⵓⵙⴽⵔ ⵏ ⵏ ⵓⵙⵏⴼⴰⵔ ⵏ ⵓⵎⵢⴰⵡⴰⵙ ⵊⴰⵔ ⵜⵙⵇⵇⵉⵎⵜ ⴰⴷ ⵜⴰⴱⵕⵍⴰⵎⴰⵏⵉⵜ ⵉ ⵓⴹⴼⵕ ⵏ ⵜⴰⵎⵓⵏⵜ ⵏ ⵓⴳⴰⵔⴰⵡ ⴰⵏⴳⵔⴰⵢ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ,  ⵍⵍⵉⵖ ⵟⵟⴰⴼⵏⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵜⵉⵍⴰⵍ ⴳ ⵜⵉⴹⴰⴼ ⴷ ⵜⵉⴹⴰⴼ ⵏ ⵜⵡⵡⵓⵔⵉ ⵜⵓⵏⴱⵉⴹⵜ ⵏ ⵜⵎⵉⵣⴰⵔ ⵏⵏⵖ, ⴷ ⵎⴰⴷ ⵜⵥⴹⴰⵕ ⴰⴷ ⵜ ⵜⵙⴽⵔ ⵔⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵜⵓⴳⴳⴰⵙ ⴳ ⵓⵣⴷⴰⵢ ⵏ ⵡⴰⴷⴷⴰⴷⵏ ⴷ ⵓⵙⵎⵖⵔ ⵏ ⵉⵎⴰⵙⵙⵏ ⴷ ⵓⵙⴽⵔ ⵏ ⵜⵙⵏⵜⴰⵢⵉⵏ.

ⴰⵡⵔ ⵜⵜⵓⵖ ⴰⴷ ⴽⵏ ⵙⵏⵉⵎⵎⵔⵖ ⴼ ⵓⵙⵉⵡⴹ ⵏ ⵜⵙⵇⵇⵉⵎⵜ ⵏⵏⵓⵏ ⵉⵜⵜⴰⵡⵇⵇⴰⵔⵏ ⴳ ⴷⵓⵊⴰⵏⴱⵉⵔ 2020, ⵍⵍⵉⵖ ⵜⵙⵏⴰⵍⵎ ⵉⵡⵓⴷⴷⵓⵜⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴼ ⵓⵙⵓⵔⵙ ⵏ ⵍⴳⵔⴳⴰⵔⴰⵜ, ⴷ ⵓⵙⵏⴰⵍ ⵏⵏⵓⵏ ⵉⵣⵣⵉⴳⵣⵏ ⵏ ⵜⵓⴳⴳⴰⵙ ⵏ ⵍⵎⵖⵔⵉⴱ ⵉ ⵓⴼⵙⵙⴰⵢ ⵏ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ ⴷ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⵉⴳⴰⵏ ⴰⴼⵙⵙⴰⵢ ⵏ ⵜⵉⵍⴰⵡⵜ ⵉⵖⵣⴰⵏⵏ ⵏ ⵜⵎⵙⴰⵔⵜ ⴰⴷ.

ⵎⴰⵙⵙ ⴰⵏⵙⵙⵉⵅⴼ, ⵏⵔⴰ ⵜⴰⵣⵣⵉⴳⵣⵜ ⵏ ⵓⵎⵙⴰⵡⴰⵍ ⴷ ⵓⵎⵛⴰⵡⴰⵕ ⵉⵛⵛⴰⵔⵏ ⴰⴽⴷ ⵜⴰⵙⵇⵇⵉⵎⵜ ⵏⵏⵓⵏ ⵜⴰⴱⵕⵍⴰⵎⴰⵏⵉⵜ ⴷ ⵓⵙⵎⵀⵍ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴰⵎⵔⵙⵍⴰⵏ ⵍⵍⵉ ⵏⵣⵎⵎⵉⵎ, ⵉ ⵓⵙⴽⵔ ⵎⴰⴷ ⵏⵔⴰ ⴳ ⵡⴰⴼⵓⵍⴽⵉ ⵉ ⵉⵎⴰⴷⴰⵏⵏ ⵏⵏⵖ.

ⴰⵣⵓⵍ ⴼⵍⵍⴰⵡⵏ