ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⵏⵏⵓⵕⵥⵎ ⵏ ⵜⵡⵡⵓⵔⵉ ⵏ ⵓⵥⵟⵟⴰ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵉ ⵜⴼⵕⴰⵏⴽⵓⴼⵓⵏⵉⵜ, ⴰⵙⵎⵏⵉⴷ ⵏ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ ⵜⵜⴰⵡⵇⵇⴰⵔⵏⵉⵏ,

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵃⴰⴹⵕⵏⵉⵏ.

ⴳ ⵜⵣⵡⵉⵔⵉ, ⵙⵙⵓⵔⴼⴰⵜ ⵉⵢⵉ ⴰⴷ ⵙⵔⵓⵏ ⵙⴱⵔⵔⴽⵖ ⵙ ⵉⵙⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ. ⵉⵍⵍⴰ ⵡⴰⴷⴷⵓⵔ ⴷⴰⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴰⴷ ⵉⵙⵏⵓⴱⴳ ⵜⵉⵙⵎⵓⵏⴰⵢ ⵏ ⵓⵥⵟⵟⴰ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴹⴼⵕⵏⵉⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵖⵓⵔⵉ ⵜⵓⵎⵔⵜ ⵉⵥⵍⵉⵏ ⵍⵍⵉⵖ ⴰⵖ ⵜⵙⵎⵓⵏ ⵜⵎⵙⵎⵓⵏⵜ ⴰⴷ. ⴰⵔ ⴰⵖ ⵢⴰⴽⴽⴰ ⵓⵙⴰⵢⵔⵓⵔ ⴰⴷ ⵜⴰⵎⵍⴷⴰ ⵏ ⵓⵎⵢⴰⵡⴰⴷ ⵅⴼ ⵎⴰⴷ ⴰⵖ ⵉⵙⵎⵓⵏⵏ ⴷ ⵡⴰⴷⴰⵙ ⵏ ⵜⴰⵏⵏⴰⵢⵢⵉⵏ ⵅⴼ ⵎⴰⴷ ⵉⵥⴹⴰⵕⵏ ⴰⴷ ⴰⵖ ⵉⵙⵉⴳⴳⵓⴳ ⵏⴳⵔⴰⵜ ⵏⵏⵖ.

ⵉⴳⴰ ⵍⵃⴰⵍ ⵜⴰⵖⴰⵔⴰⵙⵜ ⵏ ⵓⵙⵎⴰⵇⵇⵍ ⵍⵍⵉ ⵔⴰⴷ ⴰⵖ ⵢⴰⵡⵙ, ⵙ ⵎⴰⴷ ⵉⵡⴰⵜⵜⵙⵏ ⴰⵙⵡⵉⵔ ⴰⵎⴰⴹⵍⴰⵏ, ⴰⴷ ⵢⵉⵍⵉ ⵚⴰⵃⴰ ⵙⴳ ⵜⵉⵔⵎⵉⵜⵉⵏ ⵜⵉⵎⵣⵔⴰⵢ ⵥⵍⵉⵏⵉ ⴷ ⵜⵎⵥⴰⵍⵢ ⵏⵏⵙ.

ⵉⵇⵇⴰⵏ ⴷ ⴼ ⴽⵓ ⵜⴰⵡⵡⵓⵔⵉ ⵊⴰⵔ ⵜⴰⴱⵕⵍⴰⵎⴰⵏⵉⵜ ⵉⵡⴰⵜⵜⵙⵏ ⵜⴰⵣⵔⴼⵜ ⴷ ⵜⵡⵉⵣⵉ ⴰⴷ ⵜⴱⴻⴷⴷ ⴼ ⵡⴰⵡⵜⵜⴰⵙ ⵏ ⵓⵙⵎⴰⴷ ⴰⴷⵉⵎⵇⵔⴰⵟⵉ, ⵎⴰ ⴰⴷ ⵓⵔ ⵉⵀⵎⵎⵉ ⵖⴰⵙ ⵜⴰⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ ⵊⴰⵔ ⵉⵡⴰⵏⴽⵏ, ⵎⴰⵛⵛ ⵉⴳⴰ ⵓⵍⴰ ⵜⴰⵢⵢⴰⴼⵓⵜ ⵜⴰⴳⴰⵎⵏⵜ ⵏ ⵜⴷⵉⵎⵓⵇⵔⴰⵟⵉⵜ ⴳ ⵓⵙⵡⵉⵔ ⴰⴳⵯⵏⵙⴰⵏ ⵏ ⵉⵡⴰⵏⴽⵏ.

ⵜⴳⴰ ⵜⵡⵡⵓⵔⵉ ⵏⵏⵖ ⵜⴰⴱⵕⵍⴰⵎⴰⵏⵉⵜ ⴰⵙⴽⵔ ⵏ ⵜⴷⵉⵎⵓⵇⴰⵔⴰⵟⵉⵜ ⴷ ⵚⴰⵃⴰ ⴰⵎⴰⵜⴰⵢ. ⵜⴰⴷⵉⵎⵓⵇⵔⴰⵟⵉⵜ ⵉⵟⵟⴰⴼⵏ ⵜⵉⵍⵍⵓⴳⵏⴰ ⵏⵏⵙ ⵙⴳ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⴷ ⵢⵉⵙⴽⵉⵍ ⵏ ⵜⵅⵅⵓⵜⵔⴰ ⵊⴰⵔ ⵉⵡⴰⵏⴽⵏ, ⵜⵎⵥⵥⵉ ⵏⵖ ⵜⵎⵇⵇⵓⵔ, ⵜⴻⵟⵟⴰⴼ ⵏⵖ ⵓⵔ ⵜⴻⵟⵟⴰⴼ, ⵜⵣⵣⵉⴳⵣ ⵏⵖ ⵜⴳⴰ ⵜⴰⴷ ⵉⵍⵍⴰⵏ ⴳ ⵓⴱⵔⵉⴷ ⵏ ⵜⵣⵣⵉⴳⵣⵜ. ⵎⴰⵏⵣⴰ ⴰⵖ ? ⵎⴰ ⴰⴷ ⴰⵢⴳⴰⵏ ⴰⵙⵇⵙⵉ ⵍⵍⵉ ⴷ ⵉⵇⵇⴰⵏ ⵜⴰⴼⵕⴰⵏⴽⵓⴼⵓⵏⵉⵜ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏⵏⵙ ⵜⴰⴱⵕⵍⴰⵎⴰⵏⵉⵜ, ⴰⴷ ⵜⴼⴽ ⵜⴰⵎⵔⴰⵔⵓⵜ, ⵜⴰⵎⵔⴰⵔⵓⵜ ⵍⵍⵉ ⴷ ⵉⵇⵇⴰⵏ ⴰⴷ ⵜⴳ ⵜⴰⵎⴳⵔⵓⵜ.

ⵏⵔⴰ ⴳ ⵉⴼⵔⵉⵇⵢⴰ ⴰⴷ ⵏⴷⵔ ⴰⵣⴷⴰⵢ ⵍⵍⵉ ⴰⵖ ⵉⵙⵎⵓⵏ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴷ ⴰⵙⵏⴰⵍ ⵏ ⵜⵎⵥⵍⴰⵢ ⵏⵏⵖ ⵜⵉⴷⵍⵙⴰⵏⵉⵏ ⴷ ⵓⵙⴷⴷⵉⴷ ⵏ ⵓⵙⴷⵖⵔⵏ ⵏⵏⵖ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⴷ ⵉⵎⵉⵥ ⵏ ⵜⵅⵅⵓⵜⵔⴰ ⵏ ⵜⵎⵉⵣⴰⵔ ⵏⵏⵖ, ⵉ ⵜⵢⴰⵏⵜ ⵏⵏⵙ ⵜⴰⵏⴰⴽⴰⵍⵜ, ⴷ ⵜⵢⴰⵏⵜ ⵏ ⵉⵎⴰⴷⴰⵏⵏ ⵏⵏⵙ.

ⵃⵎⴰ ⴰⴷ ⵜⵥⴹⵉⵕ ⵜⵡⵡⵓⵔⵉ ⵏⵏⵖ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⴷⴰⵜ ⵏ ⵉⵔⵉⵎ ⵏ ⵓⵣⵎⵣ ⴷ ⴷⴰⵜ ⵏ ⵓⵙⵎⵓⵏ ⵏ ⵜⴷⵍⵙⴰ ⵜⴰⵎⴰⴹⵍⴰⵏⵜ ⵍⵍⵉ ⵓⵔ ⵏⵥⴹⴰⵕ ⴰⴷ ⴳⵉⵙ ⵏⴰⵎⵣ, ⵉⵇⵇⴰⵏ ⴷ ⵓⵖⵓⵍ ⵏ ⵓⵙⵡⵉⵏⴳⵎ ⴳ ⵜⵡⵡⵓⵔⵉ ⴰⴷ  ⵙ ⵜⵖⴰⵔⴰⵙⵜ ⵜⴰⴱⵔⴰⴳⵎⴰⵜⵉⵜ ⵏⵙⵉⴷⵔⵓⵙ ⵜⴰⵢⵔⵉ ⵏ ⵎⴰⵙ ⵉⵣⵔⵉⵏ, ⵏⵙⵙⴽⵯⵜⵉ ⴷ ⵉⵏⴰⵔⵓⵣⵏ ⴷ ⵉⵅⵎⵎⵉⵎⵏ ⵏ ⵜⴰⵙⵓⵜⵉⵏ ⵜⵉⵎⴰⵢⵏⵓⵜⵉⵏ.

ⵉⵇⵇⴰⵏ ⴷ ⴼ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴳ ⵓⵎⵏⴰⴹ ⴰⴷ, ⴰⴷ ⵜⵙⵡⵓⵔⵉ ⴼ ⵓⵙⴷⵓⵙ ⵏ ⵓⵎⵙⴰⵙⴰ ⴷ ⵜⵉⵕⵡⵉ ⵏ ⵜⵙⵏⵜⴰⵢⵜ ⵜⴰⴼⵕⴰⵏⴽⵓⴼⵓⵏⵉⵜ ⵉ ⵓⵙⵏⴰⵍ ⵏ ⵜⵓⴳⴳⴰⵙ ⴱ ⵡⴰⵎⴰⵓⵏ ⴰⴳⵔⴰⵖⵍⴰⵏ  ⵃⵎⴰ ⴰⴷ ⵢⵉⵍⵉ ⵢⵉⵙⴽⵉⵍ ⵊⴰⵔ ⵓⵔⴳⴰⵣ ⴷ ⵜⵎⵖⴰⵔⵉⵏ, ⵎⴽ ⵉⵍⵍⴰⵏ ⴳ ⵓⵖⴰⵡⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⴰⵔ ⵓⵙⴳⴳⵯⴰⵙ ⵏ 2030, ⵙⵍⴰⵡⴰⵏ ⴰⴽⴽⵯ ⴰⵡⵜⵜⴰⵙ ⵡⵉⵙ ⵙⵎⵎⵓⵙ.

ⵓⵔ ⴷ ⵏⴽⴽⵉⵏ ⴰⴷ ⵉⵏⵏⴰⵏ ⴰⵡⴰⵍ ⴰⴷ, ⴷ ⴰⵙⵖⵡⵏ ⵍⵍⵉ ⵙ ⴼⴼⵖⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵏⵏⵖ ⴷ ⵜⵏⴱⴰⴹⵉⵏ ⵏⵏⵖ ⴳ ⵓⴳⵔⴰⵡ ⵏ ⵢⵉⵔⴼⴰⵏ (ⴰⵔⵎⵉⵏⵢⴰ) ⴳ ⴽⵟⵓⴱⵕ 2018. ⵙⴳ ⵓⵣⵎⵣ ⴰⵏ, ⵢⵓⴽⵉ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⴼ ⵓⵎⴰⴹⴰⵍ, ⴰⵢⵍⵍⵉ ⵉⵙⴱⵉⴷⵏ ⴽⵉⴳⴰⵏ ⵏ ⵉⵙⴰⵡⵓⵔⵏ ⵥⵉⵍⵏⵉⵏ. ⴰⵙⵇⵙⵉ ⵍⵍⵉ ⵉⵍⵍⴰⵏ ⴰⵙⵙ ⴰⴷ ⵉⴳⴰ ⵜ ⵉⵙ ⵏⵥⴹⴰⵕ ⴰⵙⴽⵔ ⵏ ⵓⵙⵖⵡⵏ ⴰⴷ ⴰⵔ 2030.

ⵉⵖ ⵏⵇⵇⵍ, ⵔⴰⴷ ⵉⴼⴰⵍⴽⵉ ⴰⴷ ⵏⵣⵣⵔⵉ ⵜⴰⵣⵣⵉⴳⵣⵜ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵜ ⴷ ⵡⴰⴷⴷⴰⴷⵏ ⵏ ⵜⵕⴰⵄⵉⵜ ⴳ ⵉⴱⵕⵍⴰⵎⴰⵏⵏ ⵉⴼⵕⴰⵏⴽⵓⴼⵓⵏⵉⵢⵏ, ⵉⵎⵔⵙⵉⵡⵏ ⴰⴷ ⴰⴷ ⵢⵉⵡⵉⵏ ⴰⵅⵎⵎⴻⵎ ⵏ ⵉⵎⴷⵔⴰⵡⵏ ⴳ ⵜⵙⵓⵜⵍⵜ ⵜⵉⵙ 47 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⵉⵍⵍⴰⵏ ⴳ ⴽⵉⴳⴰⵍⵉ ⴳ ⵢⵓⵍⵢⵓⵣ ⴳ 2022.

ⴳ ⵎⴰⴷ ⵉⵥⵍⵉⵏ ⵙ ⵜⵎⵙⴰⵙⵜⵍⵜ ⵏ ⵡⴰⵏⴰⵡ ⴰⵏⴰⵎⵓⵏ, ⵉⵍⵍⴰⵏ ⴳ ⵓⵖⴰⵡⴰⵙ ⵏ ⵓⵥⵟⵟⴰ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⵔⵉⵖ ⴰⴷ ⵙⵙⴽⵯⵜⵉⵖ ⴰⵙⵖⵡⵏ ⵉⴷⵓⵙⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵚⴰⵃⴰ ⵏ ⵜⵎⵖⴰⵔⵉⵏ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵓⵙⴽⵔ ⵏ ⵢⵉⵙⴽⵉⵍ ⵊⴰⵔ ⵜⵎⵖⴰⵔⵉⵏ ⴷ ⵉⵔⴳⴰⵣⵏ.

ⴳ ⵓⵙⴰⵜⵉ ⴰⴷ, ⵜⵙⴽⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵎⵎⴰⵙ ⵉⵥⵍⵉⵏ ⵙ ⵜⵎⵙⴰⵙⵜⵍⵜ ⵏ ⵡⴰⵏⴰⵡ ⴰⵏⴰⵎⵓⵏ ⴳ ⴱⵕⴰⵢⵕ ⴳ 2013, ⴰⵎⵎⴰⵙ ⵍⵍⵉ ⵉⵜⵜⵓⵙⵙⴰⵏ ⴳ ⵓⵙⵡⵉⵔ ⴰⵎⴰⴹⵍⴰⵏ ⴳ ⵓⵎⵏⵉⴷ ⴰⴷ, ⵉⴳ ⵜⴰⵙⵉⵍⴰ ⵏ ⵜⵎⵓⵣⴰⵢⵉⵏ ⴷ ⵜⵎⵙⵙⵓⴳⵓⵔⵜ ⵏ ⵜⵓⵙⵙⵏⴰ ⴷ ⵓⵎⵛⴰⴱⴱⴰⴽ ⵏ ⵜⵣⴷⴰⵢⵉⵏ ⵊⴰⵔ ⵎⴰⵕⵕⴰ ⵏ ⵉⵎⵙⴽⴰⵔⵏ ⴳ ⵢⵉⴳⵔ ⵏ ⵜⵎⵙⴰⵙⵜⵍⵜ ⵏ ⵡⴰⵏⴰⵡ ⴰⵏⴰⵎⵓⵏ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵙⴳⴰⵡⴰⵏ ⴷ ⵓⴳⵔⴰⵖⵍⴰⵏ.

ⵉⴳⴰ ⵡⴰⵎⵎⴰⵙ ⴰⴷ ⵏ ⵜⵎⵓⵣⴰⵢⵜ ⵡⴰⴷ ⵉⴳⴰⵏ ⴰⵏⴰⵡ ⵉⵥⵍⵉⵏ, ⵉⵙⵎⵖⵔ ⵏ ⵓⴳⴳⴰⵔ ⵏ ⵎⵔⴰⵡ ⵉⵙⴳⴳⵯⴰⵙⵏ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵜⵎⵙⴰⵙⵜⵍⵜ ⵏ ⵡⴰⵏⴰⵡ ⴰⵏⴰⵎⵓⵏ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵜⵉⵍⵉⵜ ⵏ ⵜⵎⵙⴰⵙⵜⵍⵜⵉⵏ ⵜⵉⴳⴷⵓⴷⴰⵏⵉⵏ ⵏ ⵉⵖⴰⵡⴰⵙⵏ ⵍⵍⵉ ⵡⴰⵜⵜⵙⵏⵉⵏ ⴰⵙⴽⵔ ⵏ ⵜⴳⵎⵉ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵜ ⵉⴳⴰⵏ ⵜⴰⵎⴰⵜⴰⵢⵜ ⴷ ⵜⵙⵓⵍⴰⵏⵜ  ⵏ ⵜⵎⵖⴰⵔⵉⵏ. ⵜⴰⴷ ⵜⵉⵔⵎⵉⵜ ⵉⵥⵉⵍⵏ ⵍⵍⵉ ⴷ ⵉⵇⵇⴰⵏ ⵓⴷⵔⴰⵡ.

ⵔⴰⴷ ⵜⵙⵡⵓⵔⵉ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵏ ⵜⵉⴱⵕⵍⴰⵎⴰⵏⵉⵢⵉⵏ ⴼ ⵉⵎⵔⵙⵉ ⵏ ⵜⴽⵔⴽⴰⵙ ⵜⵉⵏⵖⵎⴰⵙⵉⵏ, ⵍⵍⵉ ⴳⴰⵏⵉⵏ ⴳⴰⵔ ⴰⵙⴽⴽⵉⵔ ⵉⵣⵣⵉⴳⵣⵏ  ⴳ ⵡⴰⵎⵎⴰⵙ ⴰⴱⵕⵍⴰⵎⴰⵏⵉ.

ⴳ ⵓⵎⵏⴰⴹ ⴰⴱⵕⵍⴰⵎⴰⵏⵉ, ⵥⴹⴰⵕⵏⵜ ⵜⴽⵔⴽⴰⵙ ⵜⵉⴱⵕⵍⴰⵎⴰⵏⵉⵢⵉⵏ ⴰⴷ ⵟⵟⴼⵏⵜ ⵎⵏⵏⴰⵡ ⵓⴷⵎⵡⴰⵏ, ⵟⵟⴼⵏⵜ ⴳⴰⵔ ⵜⵉⵢⵢⴰⴼⵓⵜⵉⵏ ⴼ ⵜⵡⵡⵓⵔⵉ ⵜⴰⴷⵉⵎⵓⵇⵔⴰⵟⵉⵜ.  ⵜⴰⵣⵣⵉⴳⵣⵜ ⵏ ⵜⴽⵔⴽⴰⵙ ⴼ ⵉⵙⵏⴼⴰⵔⵏ ⵏ ⵉⵙⵍⴳⵏⵏ, ⴷ ⵓⵙⵀⵔⵛ ⵏ ⵡⴰⵡⵍⴰⴼ ⵏ ⵉⵎⵙⴽⴰⵔⵏ ⵢⴰⴹⵏⵉⵏ ⵉⵖ ⵏⴻⵏⵏⴰ ⴰⵔ ⵙⴽⴰⵔ ⵏ ⴳⴰⵔ ⵉⵙⴽⴽⵉⵔⵏ ⵏⵖⴷ ⵉⵖ ⴰⵙⵏ ⵏⴼⴽⴰ ⴰⴷⴷⴰⴷⵏ ⵍⵍⵉ ⵓⵔ ⵥⴹⴰⵕⵏ ⴰⴷ ⴼⵍⵍⴰⵏⵙ ⵔⴰⵔⵏ, ⵏⵖ ⴰⵣⵓⵣⵣⵓⵔ ⵏ ⵉⵏⵖⵎⵉⵙⵏ ⵓⵔ ⴷⵓⵙⵏⵉⵏ ⵃⵎⴰ ⴰⴷ ⵉⵊⵍⵓ ⵓⵎⵏⴰⴷ ⴰⵎⴰⵜⴰⵢ, ⵏⵖⴷ ⴳⴰⵔ ⴰⵙⵎⵔⵙ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ ⵙ ⵓⵣⵓⵣⵣⵔ ⵏ ⴳⴰⵔ ⴰⵏⴰⵣⴰⵜⵏ ⴷ ⵜⴰⵏⵏⴰⵢⵢⵉⵏ ⵏ ⵓⵅⵛⴰⵏ, ⴳⴰⵏ ⴰⴽⴽⵯ ⴳⴰ ⵉⵎⴰⵙⵙⵏ ⵏ ⴳⵔ ⴰⴷⵔⵉⵣ ⴼ ⵓⵎⵏⴰⴷ ⴰⵎⴰⵜⴰⵢ ⴷ ⵜⵉⵕⵥⵉ ⵏ ⵓⵎⴹⴰⴽⴰⵕ ⴰⴷⵉⵎⵓⵇⵔⴰⵟⵉ.

ⵃⵎⴰ ⴰⴷ ⵏⵙⴱⴷⴷ ⴳⴰⵔ ⵉⵏⵖⵎⵉⵙⵏ ⴳ ⵡⴰⵎⵎⴰⵙ ⴰⴱⵕⵍⴰⵎⴰⵏⵉ, ⵉⵇⵇⴰⵏ ⴷ ⵓⵙⵕⵚⵓ ⵏ ⵜⴷⵍⵙⴰ ⵏ ⵓⵙⵇⵙⵉ ⴷ ⵓⵡⵇⵇⵔ ⴷ ⵜⵎⴰⴼⴰⵡⵜ, ⵙ ⵓⵙⴷⵓⵙ ⵏ ⵓⵣⵓⵣⵣⵔ ⵏ ⵉⵏⵖⵎⵉⵙⵏ ⴳ ⵜⵍⵍⴰ ⵜⵎⵢⵉⵎⴰⵏⵜ.  ⵉⵇⵇⴰⵏ ⴷ ⵓⵍⴰ ⴼ ⵉⴱⵕⵍⴰⵎⴰⵏⵉⵢⵏ, ⴳⴰⵏⵉⵏ ⵉⴳⵏⵙⴰⵙⵏ ⵏ ⵓⵎⴰⴷⴰⵏ, ⴰⴷ ⴰⵙⵉⵏ ⵜⴰⵎⵙⴰⵢⵜ ⵏ ⵜⴼⴰⵜⵉⵜ ⵏ ⵜⵡⵡⵓⵔⵉ ⵜⴰⴷⵉⵎⵓⵇⵔⴰⵟⵉⵜ ⴷ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⵏ ⵉⵏⵎⵓⵔⴰⵏ ⴳ ⵜⵎⵔⵙⴰⵍ ⵏⵏⵙⵏ.

ⵍⵍⵉⵖ ⵉⴼⵔⴽ ⵓⵏⵣⵣⵔⴰⴼ ⴰⵎⵖⵔⵉⴱⵉ ⵙ ⵓⵏⵛⴽ ⴰⴷ, ⵉⵎⵎⴰⵖ ⴰⴷ ⵉⵣⴼⵔⴽ ⴰⵙⴷⵓⵙ ⵏ ⵓⵥⵟⵟ ⵓⵍⴳⵉⵏ ⴰⵏⴰⵎⵓⵔ ⵉ ⵓⴼⵔⴰⴳ ⵏ ⵡⴰⵎⵓⵏ ⴰⵎⵖⵔⵉⴱⵉ ⵙⴳ ⵉⵏⵖⵎⵉⵙⵏ ⴳⴰⵏⵉⵏ ⵜⵉⴽⵔⴽⴰⵙ. ⵏⵥⴹⴰⵕ ⴳ ⵓⵎⵏⴰⴷ ⴰⴷ ⴰⴷ ⵏⵥⵕ ⴰⵙⵍⴳⵏ ⵏ ⵜⵏⵖⵎⴰⵙⵜⵍⵍⵉ ⵉⵙⴰⵡⴰⵍⵏ ⴳ ⵓⴳⵣⵣⵓⵎ ⵏⵏⵙ ⵉⵥⵍⵉⵏ ⴼ ⵓⴼⵔⴰⴳ ⵏ ⵓⵏⴳⵔⴰⵡ ⴰⵎⴰⵜⴰⵢ, ⵎⴰⵙ ⴳⴰⵏ ⵉⵏⵖⵎⵉⵙⵏ ⵏ ⵜⴽⵔⴽⴰⵙ ⵡⵉⴷⴰ ⴳⴰⵏⵉⵏ ⵉⴱⴽⴽⴰⴹⵏ, ⵙⵍⴰⵡⴰⵏ ⴰⴽⴽⵯ ⴳ ⴰⵏⵜⵉⵔⵏⵉⵜ, ⵖⵎⴽ ⵍⵍⵉ ⵉⵙⴰⵡⴰⵍ ⵓⵙⵍⴳⵏ ⴰⵏⴱⴽⴰⴹ ⴰⵎⵖⵔⵉⴱⵉ ⴼ ⵜⵉⵕⵥⵉ  ⵏ ⵡⴰⴷⴷⵓⵔ ⴷ ⵜⵉⵎⵉⵜ ⵜⴰⵏⵉⵎⴰⵏⵜ ⴷ ⵓⵣⵓⵣⵣⵔ ⵏ ⵉⵏⵖⵎⵉⵙⵏ, ⴳⵉⵙ ⴽⵉⴳⴰⵏ ⵏ ⵉⴱⴹⵉⵢⵏ ⵥⵍⵉⵏⵉⵏ ⵙ ⵉⵏⵖⵎⵉⵙⵏ ⵏ ⵜⴽⵔⴽⴰⵙ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⴷⴰⵜ ⵏ ⵜⵎⵙⴰⵔⵉⵏ ⴰⴷ, ⵉⵇⵇⴰⵏ ⴷ ⴰⴷ ⵏⵙⵡⵓⵔⵉ ⴷ ⵜⵖⴰⵔⴰⵙⵜ ⵜⴰⵙⵓⵍⴰⵏⵜ ⴼ ⵓⵙⴽⵔ ⵏ ⵜⵡⵡⵓⵔⵉ ⵏ ⵜⵉⴷⵜ ⴷ ⵓⵙⴽⵔ ⵏ ⵓⴷⵔⵉⵣ ⵉⴼⴰⵡⵏ ⴼ ⵜⵉⵕⵡⵉ ⵏ ⵜⵓⴷⵔⵜ ⴷ ⵓⴱⵓⵖⵍⵓ ⵏ ⵉⵎⵏⵙⵜⴰⵢⵏ ⵍⵍⵉⵖ ⴰⵖ ⴼⴽⴰⵏ ⵉⵏⵎⵓⵔⴰⵏ ⵍⵍⵉ ⵏⵙⴰⵡⴰⵍ  ⵙ ⵉⵙⵎ ⵏⵏⵙⵏ, ⵏⵥⴹⴰⵕ ⵙ ⵜⵓⴳⴳⴰⵙ ⵏⵏⵙ ⴰⴽⴽⵯ ⴰⴷ ⵏⵙⵎⵖⵔ ⴰⵙⵡⵉⵔ ⵏ ⵜⴳⵓⵔⵉⵡⵉⵏ ⵏⵏⵖ.

ⵙ ⵓⵙⵎⴰⵇⵇⵍ ⴰⴷ ⵏ ⵓⵙⴼⴰⵍ, ⴰⵔ ⴷⴰⵖ ⵙⵔⵓⵏ ⵙⴱⵔⵔⴰⴽⵖ, ⵏⵏⵓⵔⵣⵖ ⴰⵡⵏ ⵜⵉⵍⵉⵜ ⵉⵥⵉⵍⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵎⵓⵔⵙ ⵏ ⵜⵡⵡⵓⵔⵉⵡⵉⵏ ⵏⵏⵓⵏ.

ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ