ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⵄⵕⴰⴱⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ  ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 22 ⴱⵕⴰⵢⵕ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴰⵎⵛⵛⵉⵡⵕ ⵊⴰⴱⵉⵔ ⵍⵎⵔⵉ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵉⵣⵔⴼⴰⵏ ⵜⴰⵄⵕⴰⴱⵜ ⴳ ⵜⴰⵎⵓⵏⵜ ⵏ ⵉⵡⴰⵏⴽⵏ ⴰⵄⵕⴰⴱⵏ ⴷ ⵓⴽⴰⴱⴰⵕ ⵏⵏⵙ, ⵍⵍⵉⵖ ⴷⵔⵓⵏ ⴳ ⵜⵙⵓⵜⵍⵜ ⵜⵉⵙ 51 ⵏ ⵜⵙⵇⵇⵉⵎⵜ ⵜⴰⵄⵕⴰⴱⵜ ⵜⴰⵙⵓⵍⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏⴳ ⵜⵖⵔⵎⵜ ⵏ ⵚⵚⵅⵉⵕⴰⵜ.

ⴳ ⵜⵣⵡⵉⵔⵉ, ⵉⵙⵏⵉⵎⵎⵔ ⵓⵎⵛⵛⵉⵡⵕ ⵊⴰⴱⵉⵔ ⵍⵎⵔⵉ ⴰⵏⵙⵙⵉⵅⴼⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⵏⵓⴱⴳ, ⵉⵙⵎⵏⵉⴷ ⵜⴰⵙⵇⵇⵉⵎⵜ ⴰⴷ ⴷ ⵜⵎⵥⵍⴰⵢ ⵏⵏⵙ, ⵢⵉⵏⵉ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⴰⴷ ⵏⵏⵙ ⴰⵕⵥⵥⵓⵎ ⵏ ⵓⵎⴹⴰⴽⴰⵕ ⴼ ⵓⵎⵇⵇⵏ ⴰⵄⵕⴰⴱ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⵢⵉⵏⵉ ⵎⴰⵙ ⵉⴳⴰ ⵓⵙⵏⵓⴱⴳ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵏ ⵜⵙⵓⵜⵍⵜ ⴰⴷ ⵉⴳⴰ ⵜⴰⵎⵜⴰⵔⵜ ⴼ ⵓⵅⵎⵎⴻⵎ ⵏⵏⵙ ⴳ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵎⴰⵕⵕⴰ ⵉⵙⵡⵉⵔⵏ, ⵉⴳ ⵓⵏⵎⵓⵇⵇⴰⵔ ⴰⴷ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵙⴰⵜⵉ ⴰⴷ.

ⴳ ⵓⵎⵏⵉⴷ ⵏⵏⵙ, ⵉⵙⵏⵉⵎⵎⵔ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵎⵛⵛⵉⵡⵕ ⵊⴰⴱⵉⵔ ⵍⵎⵔⵉ ⴷ ⵓⴽⴰⴱⴰⵕ ⵏⵏⵙ, ⴼ ⵓⵔⵣⴰⴼ ⵏⵏⵙ, ⵉⵙⵎⵏⵉⴷ ⵜⴰⵡⵡⵓⵔⵉ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵉⵙⵡⴰⵍ ⴼ ⵜⴱⵔⵉⴷⵜ ⵏ ⵓⵣⵣⵔⴰⴼ ⴷ ⵜⵉⵍⴰⵍⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵉⴳⵔⴰⵏ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵖⵔⵉ ⴷ ⵓⵎⴹⴰⴽⴰⵕ ⵏ ⵉⵏⵇⵇⵉⵙⵏ ⵏ ⵜⵎⵔⵙⴰⵍ ⵏ ⵜⵏⵏⵓⴱⴹⴰ ⵙ ⵎⴰⴷ ⵉⵍⵍⴰⵏ ⴳ ⵓⴷⵓⵙⵜⵓⵔ.

ⵉⵙⴰⵡⴰⵍ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴼ ⵓⵎⵎⵉⵥⵏ ⵍⵍⵉ ⵉⵙⴽⵔ ⵓⵙⵇⵇⵉⵎ ⴳ ⵜⵎⵔⴰⵡⵜ ⵉⴳⴳⵓⵔⴰⵏ, ⴰⵓⵍⵍⵉ ⴰⵙ ⵉⴼⴽⴰⵏ ⴰⴷⵖⴰⵔ ⵉⵥⵉⵍⵏ ⴷⴰⵔ ⴽⵉⴳⴰⵏ ⵏ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⵏⵉⵢⵉⵏ ⴳ ⵓⵙⵡⵉⵔ ⴰⵎⵏⵥⴰⵡ ⴷ ⵓⵙⴳⴰⵡⴰⵏ ⴷ ⵓⴳⵔⴰⵖⵍⴰⵏ, ⵢⵉⵏⵉ ⵎⴰⵙ ⵢⵉⵊⴰⴷ ⵓⵙⵇⵇⵉⵎ ⵉ ⵓⵎⵙⴰⵡⴰⵍ ⴷ ⵓⵎⵢⴰⵡⴹ ⴷ ⵓⴷⵔⴰⵡ  ⵏ ⵜⵉⵔⵎⵉⵜ ⵏⵏⵙ ⴰⴽⴷ ⵜⵉⵎⵔⵙⴰⵍ ⴷ ⵜⴳⵔⴰⵡⵉⵏ ⴳ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ.