ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⴰⴱⵕⵍⴰⵎⴰⵏ ⴰⵄⵕⴰⴱ...ⴰⵍⵜⴰⵖ ⵏ ⵍⵎⵖⵔⵉⴱ ⴳ ⵓⵙⵎⵀⵍ ⵏ ⵉⵎⴰⵙⵙⴰⵏ ⴷ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵢⵉⴳⵔⵏ ⵜⵏⴼⵔⵓⵜ ⵏ ⵓⵜⵛⵓ (ⴰⴱⵕⵍⴰⵎⴰⵏⵉ)
ⵉⵏⵏⴰ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⴰⵎⵣⵡⴰⵔⵓ, ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⵜⴷⵔⵓ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⵎⵀⵍ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏ ⴼ ⵓⴼⵔⴰⴳ ⵏ ⵡⴰⵡⵏⴰⴹ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⵏⴼⵔⵓⵜ ⵏ ⵓⵜⵛⵓ.
ⵉⴼⴽⴰ ⵎⴰⵙⵙ ⵚⵚⴱⴱⴰⵕⵉ ⵜⴰⴳⵓⵔⵉ ⴳ ⵜⵖⵉⵎⵉⵜ ⵏ ⵓⵏⵏⵓⵕⵥⵎ ⵏ ⵓⴳⵔⴰⵡ ⵡⵉⵙ ⵙⵎⵎⵓⵙ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⴷ ⵉⴱⵕⵍⴰⵎⴰⵏ ⴰⵄⵕⴰⴱⵏ, ⴰⵙⵙ ⵏ ⵓⵙⵉⴹⵢⴰⵙ ⴳ ⵍⵇⴰⵀⵉⵔⴰ, ⵉ ⵓⵎⴹⴰⴽⴰⵕ ⵏ ⵜⴻⵜⴳⴰⵔⵜ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⵅⴼ ⵜⵎⵓⴽⵔⵉⵙⵜ ⵏ ⵜⵏⴼⵔⵓⵜ ⵏ ⵓⵜⵛⵓ ⴷ ⵓⵙⵎⴰⵇⵇⵍ ⴰⴱⵕⵍⴰⵎⴰⵏⵉ ⵉ ⵓⵙⴷⵓⵙ ⵏ ⵜⵏⴼⵔⵓⵜ ⴰⴷ, ⴷ ⵡⴰⵜⵉⴳ ⵍⵍⵉ ⵉⴼⴽⴰ ⵍⵎⵖⵔⵉⴱ ⵉ ⵜⵎⵓⴽⵔⵉⵙⵜ ⴰⴷ ⴰⵎ ⵜⴰⴱⵔⴰⵜ ⵜⴰⵎⴰⵜⵜⵓⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⵉ ⵓⵙⴼⵙⵔ ⴰⴳⵔⴰⵖⵍⴰⵏ (ⵎⵉⵍⴰⵏⵓ ⵉⴽⵙⴱⵓⵔ 2015) ⵍⵍⵉⵖ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵜⵛⵓ ⵉⴷⵓⵙⵏ ⵉ ⵎⴰⵕⵕⴰ ⵉⵎⴰⴷⴰⵏⵏ, ⵙ ⵓⵙⴽⵔ ⵏ ⵜⴳⵎⵉ ⵉⵕⵡⴰ ⴷ ⵉⵙⵓⵍⵏ ⴷ ⵓⵎⵢⴰⵡⴰⵙ ⴳ ⵉⴳⵔⴰⵏ ⵏ ⵓⵜⵛⵓ ⴷ ⵜⵥⴹⴰⵕⵜ, ⴰⵙⵡⴰⵍ ⵍⵍⵉⵖ ⵏⵉⵜ ⵜⵣⵣⵉⴳⵣ ⵜⵎⴰⵣⵉⵔⵜ ⵏⵏⵖ.
ⵢⵉⵏⵉ ⵎⴰⵙⵙ ⵚⵚⴱⴱⴰⵕⵉ ⵎⴰⵙ ⵉⴼⵔⴽ ⵍⵎⵖⵔⵉⴱ ⵙ ⵉⵙⵡⵉⵔⵏ ⵏ ⵜⴰⵙⵙⴰⵙⵜ ⴰⴷ ⵉⴳⴰⵏ ⵜⴰⴳⵔⴰⵖⵍⴰⵏⵜ ⴷ ⵜⵙⴳⴰⵡⴰⵏⵜ, ⵜⴳ ⵜⴰⴱⴱⴰⵢⴹⴰⵕⵜ ⴷⴰⵜ ⵏ ⵓⵔⴳⴳⵉⴳ ⴷ ⵜⵏⴼⵔⵓⵜ ⴰⵄⵕⴰⴱⵏ.
ⵢⵉⵏⵉ ⵎⴰⵙⵙ ⵚⵚⴱⴱⴰⵕⵉ ⵎⴰⵙ ⴱⴷⴷⴰ ⵉⵎⵎⴰⵖ ⵍⵎⵖⵔⵉⴱ ⴼ ⵜⵏⵓⴼⴰ ⵜⴰⵄⵕⴰⴱⵜ ⵉⵛⵛⴰⵔⵏ, ⴷ ⵉⵎⴰⵍ ⵏ ⵡⴰⵄⵕⴰⴱⵏ, ⵉⵙⴷⵓⵙ ⵜⴰⵙⴳⴰ ⵏ ⵓⵏⴰⵔⵓⵣ ⴷ ⵓⵎⵛⴰⴱⴱⴰⴽ ⵏ ⵜⵎⵜⵜⵉ ⴷ ⵓⴼⵔⴰⴳ ⵏ ⵜⵎⵥⵍⴰⵢ ⵏⵏⵙ.
ⵉⵙⵓⵜⴳ ⵎⴰⵙⵙ ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵏⵜⴰⵢⵜ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴳ ⵎⴰⴷ ⵉⵥⵍⵉⵏ ⵙ ⵜⵉⵍⵉⵜ ⵏ ⵓⵙⵎⴰⵇⵇⵍ ⴰⴱⵕⵍⴰⵎⴰⵏⵉ ⵅⴼ ⵜⵏⴼⵔⵓⵜ ⵏ ⵓⵜⵛⵓ, ⴰⵢⵍⵍⵉ ⵉⵙⴰⵡⴰⵍⵏ ⴼ ⵜⵉⵍⴰⵡⵜ ⵏ ⵖⵉⵍⴰⴷ ⵉⵙⵖⴰⵡⵙⴰⵏ ⵙ ⵓⵙⵡⵉⵏⴳⵎ ⴰⵎⴳⵔⵓ ⴷ ⵓⵙⵎⵓⵙⵙⵓ ⵏ ⵜⵥⴹⴰⵕⵉⵏ ⵛⵛⴰⵔⵏⵉⵏ ⴷ ⵓⵙⵎⵖⵔ ⵏ ⵜⵉⵔⴰⵜ ⵉ ⵜⴰⵎⵓⵏⵜ ⵏ ⵜⵎⵜⵉ ⵜⴰⵄⵕⴰⴱⵜ.
ⵢⵉⵏⵉ ⵓⵍⴰ ⵎⴰⵙ ⵜⴻⴳⴰ ⵜⴻⵜⴳⴰⵔⵜ ⴰⴷ ⵜⴰⵍⵍⵉ ⵔⴰⴷ ⵉⵙⴽⵔ ⵜⵉⵡⵡⵉⵔⵉⵡⵉⵏ ⴳ ⵜⵙⵓⵜⵍⵜ ⵜⵉⵙ ⵙⵎⵎⵓⵙⵜ ⵏ ⵓⴳⵔⴰⵡ ⴰⵄⵕⴰⴱ ⵓⵏⴳⵉⵎ ⴷ ⵓⴷⵎⵙⴰⵏ ⴷ ⵓⵏⴰⵎⵓⵏ ⵍⵍⵉ ⵔⴰⴷ ⵢⵉⵍⵉ ⴳ ⵎⵓⵕⵉⵟⴰⵏⵢⴰ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵜⵉⵍⵉⵜ ⵏ ⵓⵙⵡⵉⵏⴳⵎ ⵉⵥⵍⵉⵏ ⵙ ⵓⵙⵓⵊⴷ ⵏ ⵜⵙⵜⵔⴰⵜⵉⵊⵉⵜ ⵜⴰⵄⵕⴰⴱⵜ ⵉ ⵜⵏⴼⵔⵓⵜ ⵏ ⵓⵜⵛⵓ ⴳ ⵜⴷⴳⴰ ⴰⴷ.
ⵖⵎⴽ ⵍⵍⵉ ⵉⵙⵓⵜⴳ ⵜⵓⵎⴰⵢⵜ ⵏ ⵜⴻⵜⴳⴰⵔⵜ ⴷ ⵉⵙⵖⵍⴰⴼ ⵏⵏⵙ ⵙⴰⵡⵍⵏⵉⵏ ⴼ ⵓⵙⵕⵚⵓ ⵏ ⵉⵣⵣⵔⴰⴼⵏ ⵎⵙⴰⵙⴰⵏⵉⵏ ⴷ ⵓⵏⴳⵔⴰⵡ ⴰⵄⵕⴰⴱ ⴼ ⵓⵜⵛⵓ ⴷ ⵓⵙⵔⵓⵙ ⵏ ⵜⴼⴰⴷⵉⵡⵉⵏ ⵏ ⵜⵏⴼⵔⵓⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ⵙ ⵓⵎⵙⴰⵙⴰ ⴷ ⵜⵖⵜⴰⵙⵉⵏ ⵏ ⵓⵏⴳⵔⴰⵡ ⴰⵎⴰⴹⵍⴰⵏ ⴷ ⵉⵙⵏⴼⵍⵏ ⵍⵍⴰⵏⵉⵏ.
ⵢⵉⵏⵉ ⵎⴰⵙ ⵜⵍⵍⴰ ⵜⵎⵙⴰⵔⵜ ⵏ ⵓⵜⵛⵓ ⴳ ⵓⴳⵏⵙ ⵏ ⵜⵎⵙⴰⵔⵜ ⵏ ⵜⴳⵎⵉ, ⵜⴳ ⴰⵙⵙ ⴰⴷ ⵢⴰⵜ ⵜⵏⴰⵥⴰⵕⵜ ⵜⴰⵅⴰⵜⴰⵔⵜ ⵍⵍⵉ ⴷ ⵉⵇⵇⴰⵏ ⵓⵅⵎⵎⴻⵎ ⴷ ⵓⴼⵔⴰⴽ ⴷ ⵜⵎⴰⵙⴰⵢⵜ, ⵙⵍⴰⵡⴰⵏ ⴰⴽⴽⵯ ⵙ ⵎⴰⴷ ⵉⴷⴷⵔ ⵓⵎⴰⴹⴰⵍ ⴷ ⵉⵙⵏⴼⵍⵏ ⴳⴰⵏⵉⵏ ⵎⴳⴰⵍ ⵏ ⵓⴼⵔⴰ ⴷ ⵓⵔⴳⴳⵉⴳ ⴳ ⵜⵏⴼⵔⵓⵜ, ⴳ ⵜⵍⵍⴰ ⵜⵏⴼⵔⵓⵜ ⵏ ⵓⵜⵛⵓ.
ⵢⵉⵏⵉ ⵎⵇⵇⴰⵔ ⵉⵍⵍⴰ ⵓⴼⵓⵖ ⵙⴳ ⵜⴰⵙⵙⴰⵙⵜ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ ⴽⵓⴼⵉⴷ 19, ⵜⵉⵍⵉ ⵏⵉⵜ ⵜⴰⵙⵙⴰⵙⵜ ⵊⴰⵔ ⵔⵓⵙⵢⴰ ⴷ ⵓⴽⵕⴰⵏⵢⴰ ⴷ ⵉⵎⴰⵖⵏ ⵉⵙⵔⴷⴰⵙⵏ ⴷ ⵉⵙⵜⵔⴰⵜⵉⵊⵉⵢⵏ ⴷ ⵉⵊⵢⵓⵙⵙⴰⵙⵓⵏ ⴷ ⵉⴷⵔⵉⵣⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⵏⴼⴳⴰⵏⵏ.
ⵢⵉⵏⵉ ⵎⴰⵙⵙ ⵚⵚⴱⴱⴰⵕⵉ ⵎⴰⵙ ⵜⵍⵍⴰ ⵜⴰⵙⵙⴰⵙⵜ ⴰⴷ ⴷⴰⵜ ⵏ ⵜⴰⵙⵙⴰⵙⵉⵏⵉ ⵍⵍⴰⵏⵉⵏ ⴳ ⵓⵎⴰⴹⴰⵍ, ⵜⵉⵏ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ ⴷ ⵓⵙⵏⵥⵕⴼ ⴷ ⵡⴰⵎⴰⵏ ⴷ ⵓⵣⵡⴰⴳ ⴷ ⵓⵙⵖⵏⵣⵉ ⴳ ⵓⴼⴳⴰⵏ ⴷ ⵓⵙⵔⵡⵍ ⵏ ⵉⵔⴱⴰⴱⵏ ⴷ ⵉⵙⴷⵓⵀⴷⵓⵢⵏ ⴷ ⵓⴱⴽⴽⴰⴹ ⴰⵎⴹⵍⴰⵏ ⴷ ⵜⴽⵕⴹⵉ ⴷ ⵜⵎⵙⴰⵔⵜ ⵜⴰⴷⵉⵎⵓⴳⵕⴰⴼⵉⵜ, ⴷ ⵉⵎⴰⵖⵏ ⴷ ⵜⵎⵙⴰⵔⵉⵏ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⵙⵔⵜⴰⵏⵜ ⴷ ⵜⴷⵎⵙⴰⵏⵜ ⴷ ⵜⵉⵏ ⵓⵙⴳⴷ ⴷ ⵜⵖⴰⵔⵉⵡⵉⵏ.
ⵉⴷⵔⵓ ⴳ ⵓⴳⵔⴰⵡ ⴰⴷ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴷ ⵎⴰⵙⵙ ⵎⴰⵙⵙ ⵎⵓⵃⴰⵎⵎⴰⴷ ⵍⴱⴰⴽⵓⵕⵉ ⴰⵏⵙⵙⵉⵅⴼ ⵏ ⵜⵔⴰⴱⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵉ ⵉⵏⵙⵉⵎⴰⵏⵏ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴰⴳⵎⴰⵎ ⵏ ⵜⴰⵢⵢⴰⵡⵜ ⴰⵜⴱⵕⵍⴰⵎⴰⵏⵉⵜ ⴳ ⵓⴱⵕⵍⴰⵎⴰⵏ ⴰⵄⵕⴰⴱ ⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵏⴼⵔⵓⵜ ⵏ ⵓⵜⵛⵓ, ⴷ ⵎⴰⵙⵙ ⵎⵓⵃⵙⵉⵏ ⵎⵓⵏⵊⵉⴷ ⴰⵏⵙⵙⵉⵅⴼ ⵏ ⵜⵣⵓⵏⵉ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴷⵔⴰⵡⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙⴰ ⵜⵓⵔⵉⵢⵢⴰ ⵍⵀⵎⴰⵎ ⵜⴰⵎⵛⵛⵉⵡⵕⵜ ⵜⴰⵎⵜⴰⵢⵜ ⴳ ⵜⵎⵙⵙⵓⴳⵓⵔⵜ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.
ⵉⵍⵍⴰ ⵓⴳⵔⴰⵡ ⴰⴷ ⴳ ⵓⵎⴰⵍⵓ ⵏ ⵜⵏⴰⵥⴰⵕⵉⵏ ⵅⴰⵜⵔⵏⵉⵏ ⴷⴰⵜ ⵏ ⵜⵙⴳⴰ ⵜⴰⵄⵕⴰⴱⵜ, ⴰⵎ ⵜⴰⵙⵙⴰⵙⵜ ⵏ ⵜⵏⴼⵔⵓⵜ ⵏ ⵓⵜⵛⵓ ⴷ ⵓⵙⴷⴰⵢ ⵏ ⵜⵓⴳⴳⴰⵙ ⴳ ⵉⵙⵡⵉⵔⵏ ⵓⴱⵉⴹⵏ ⴷ ⵉⴱⵕⵍⴰⵎⵏⵉⵢⵏ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵜ ⴰⴷ.