ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏ ⵛⵛⵉⵍⵉ
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 1 ⴱⵕⴰⵢⵕ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵏ ⵕⵕⴱⴰⵟ, ⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⵕ ⴳ ⵛⵛⵉⵍⵉ ⵎⴰⵙⵙ ⵅⴰⵢⵎⵉ ⴽⵉⵏⵜⴰⵏⴰ ⵍⵢⴰⵍ ⵉⵍⵍⴰⵏ ⴳ ⵓⵔⵣⴰⴼ ⵙ ⵜⵎⴰⵣⵉⵔⵜ ⵏⵏⵖ.
ⵉⵍⵍⴰ ⵓⵎⴹⴰⴽⴰⵕ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵓⴷⵎⵙⴰⵏ ⵊⴰⵔ ⵜⵉⵎⵉⵣⴰⵔ ⴷ ⵜⵎⵙⴰⵔⵉⵏ ⵜⵉⴳⵔⴰⵖⵍⴰⵏⵉⵏ ⵛⵛⴰⵔⵏⵉⵏ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵛⵛⵉⵍⴰ ⵎⴰⵙ ⵔⴰⴷ ⵉⵙⵎⵖⵔ ⵓⵔⵣⴰⴼ ⴰⴷ ⴰⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵓⴷⵎⵙⴰⵏ ⵊⴰⵔ ⵜⵉⵎⵉⵣⴰⵔ ⴷ ⵜⵎⴷⵔⴰⵡⵜ ⴷ ⵓⵏⵏⵓⵕⵥⵎ ⴼ ⵉⴳⵔⴰⵏ ⵢⴰⴹⵏⵉⵏ, ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⴹ ⴰⴱⵕⵍⴰⵎⴰⵏⵉ ⵉⵕⵡⴰⵏ ⴷ ⵉⵙⵓⵍⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ.
ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⵡⵉⵏ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⵉⵙⵎⵓⵏ ⵍⵎⵖⵔⵉⴱ ⴷ ⵛⵛⵉⵍⵉ, ⵉⴼⴽ ⴰⵙⵎⴰⵇⵇⵍ ⴼ ⵜⵣⵣⵉⴳⵣⵜ ⵜⴰⵙⵔⵜⴰⵏⵜ ⴷ ⵜⵎⵔⵙⵍⴰⵏⵜ ⵏ ⵜⴳⵍⴷⵉⵜ ⴷ ⵓⴷⵓⵙⵜⵓⵔ ⵏ 2011 ⵉⵥⵍⵉⵏ ⵊⴰⵔ ⵜⵉⵏⴱⴰⴹⵉⵏ ⵉⴼⴽⴰⵏ ⵜⵉⵎⵥⵍⴰⵢ ⴳⴳⵓⵜⵏⵉⵏ ⵉ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵜⵏⴱⴰⴹⵜ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.
ⵅⴼ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ, ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷⴷⴰⴷ ⵏ ⵛⵛⵉⵍⵉ ⵅⴼ ⵜⵎⵙⴰⵔⵜ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⴷ ⵓⵡⵇⵇⵔ ⵏ ⵜⵅⵅⵓⵜⵔⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴼ ⵡⴰⴽⴰⵍ ⵏⵏⵙ, ⵉⵙⵓⵜⴳ ⵓⵍⴰ ⴰⵙⵡⵉⵔ ⵏ ⵓⵎⵢⴰⵡⴰⵙ ⴰⴱⵕⵍⴰⴰⵎⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵜⵎⵉⵣⴰⵔ, ⵉⵙⴷⴷⵉⴷ ⴼ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ.
ⵉⴳⴰ ⵓⵙⵏⵓⴱⴳ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵎⴰⵙⵙ ⵅⴰⵢⵎⵉ ⴽⵉⵏⵜⴰⵏⴰ ⵍⵢⴰⵍ ⵉⴳⴰ ⴰⵙⵓⵔⵙ ⵉⵙⵜⴰⵡⵀⵎⵎⴰⵏ ⵏ ⵜⵖⵔⵉ ⵏ ⵡⴰⵜⵉⴳ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵉⴳⴳⵓⵜⵏ ⵉⴳⴰⵏ ⵜⴰⵎⵏⵏⴰⵡⵜ ⴷ ⵓⵔⵣⵣⵓ ⵏ ⵜⵎⵙⴰⵔⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ.