ⵜⵎⴹⴰⴽⴰⵕ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵉⵙⵉⵡⵉⵏ ⵏ ⴱⵕⵕⴰ ⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵉⵙⵜⵓⵏⵢⴰ-ⵍⵎⵖⵔⵉⴱ

ⵜⵙⵏⵎⴰⵍⴰ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 30 ⵢⵓⵏⵢⵓ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴰⵏⵎⵓⵇⵇⴰⵔ ⴷ ⵎⴰⵙⵙ Raivo Tamm ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵉⵙⵜⵓⵏⵢⴰ-ⵍⵎⵖⵔⵉⴱ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵍⵎⵖⵔⵉⴱ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵉⵙⵜⴰⵡⵀⵎⵎⴰⵏ.

ⵃⴰⴹⵕⵏ ⴳ ⵓⵏⵎⵓⵇⵇⴰⵔ ⴰⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⵢⵉⵍⵉ ⵓⵎⴹⴰⴽⴰⵕ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵜⵎⵙⴰⵔⵉⵏ ⵜⵉⴳⵔⴰⵖⵍⴰⵏⵉⵏ.

ⵜⵖⵔⴰ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ ⵉ ⵜⵡⵡⵓⵔⵉ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴷ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⵙⵉⵏⵔⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵜⵉⵏⵉ ⵎⴰⵙ ⵉⵔⴰ ⵍⵎⵖⵔⵉⴱ ⴰⴼⵓⴽⴽⵓ ⵏ ⵜⵎⵓⴽⵔⵉⵙⵉⵏ ⵙ ⵜⴱⵔⵉⴷⵉⵏ ⵏ ⵓⴼⵔⴰ ⴷ ⵓⵡⵇⵇⵔ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵉⵡⴰⵏⴽⵏ ⴷ ⵜⵅⵅⵓⵜⵔⴰ ⵏⵏⵙⵏ.

ⵖⵎⴽ ⵍⵍⵉ ⵜⵖⵔⴰ ⵉ ⵓⵙⵏⴼⵍ ⵏ ⵉⵔⵣⴰⴼⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵍⵎⵖⵔⵉⴱ ⴷ ⵓⴱⵕⵍⴰⵎⴰⵏ ⵏ ⵉⵙⵜⵓⵏⵢⴰ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵜⵓⵙⵙⵏⴰ ⵏ ⵜⵉⵔⵎⵜ ⵏ ⴽⵓ ⵜⵉⵎⵔⵍⵙⵜ.

ⵙⴷⴷⵉⴷⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵎⴰⵙ ⵉⴷⵔⵓ ⵍⵎⵖⵔⵉⴱ ⴷ ⵉⵙⵜⵓⵏⵢⴰ ⵜⵉⵖⴰⵡⵉⵙⵉⵡⵉⵏ ⵛⵛⴰⵔⵏⵉⵏ ⵣⴷⵉⵏⵉⵏ ⴷ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵙⵙⵀⵔⵛⵏ ⵓⵍⴰ ⴰⴷⴷⴰⴷ ⴰⵎⴳⴳⴰⵔⵓ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵎⵏⵉⴷ ⵏ ⵍⵎⵖⵔⵉⴱ ⵍⵍⵉ ⵉⴳⴰⵏ ⴰⴽⵛⵛⵓⵎ ⵉⵀⵔⵛⵏ ⴳ ⵜⵖⴰⵡⵙⴰ ⵜⴰⴳⵯⵏⵙⴰⵏⵜ ⵏ ⵍⵎⵖⵔⵉⴱ.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵉⵙⵜⵓⵏⵢ-ⵍⵎⵖⵔⵉⴱ ⴼ ⵡⴰⵜⵉⴳ ⵏ ⵓⵔⵣⴰⴼ ⴰⴷ ⵍⵍⵉ ⵔⴰⴷ ⵉⵙⵎⵖⵔ ⴰⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⵍⵍⵉ ⵔⴰⴷ ⵉⵙⴼⵓⴳⵍⵓ ⴰⴽⵯⵜⵜⴰⵢ ⵡⵉⵙ 30 ⵏ ⵓⵎⵣⵔⵓⵢ ⵏ ⵜⵣⴷⴰⵢⵉⵏ ⵜⵉⴷⵓⴱⵍⵓⵎⴰⵙⵉⵢⵉⵏ.

ⵃⴰⴹⵔⵏ ⴳ ⵓⵏⵎⵓⵇⵇⴰⵔ ⴰⴷ ⵉⴷ ⵎⴰⵙⵙ Sven Sester ⴷ ⵎⴰⵙⵙ  Toomas Kivimägi ⵙⴳ ⵉⵙⵜⵓⵏⵢⴰ, ⴷ ⵎⴰⵙⵙ ⴷⵔⵉⵙ ⵛⵕⴰⵢⴱⵉ ⴷ ⵎⴰⵙⵙⴰ ⵄⵉⵛⴰ ⵍⴽⵔⵊⵉ ⴷ ⵎⴰⵙⵙⴰ ⵏⴰⴷⵢⴰ ⵍⵇⵏⵚⵓⵕⵉ ⴷ ⵎⴰⵙⵙⴰ ⵕⵕⴼⵄⴰ ⵎⴰⵍⵄⵉⵏⵉ.