ⵎⴹⴰⴽⴰⵕⵏ ⵉⵏⵙⵙⵉⵅⴼⵏ ⵏ ⵓⵙⵇⵇⵉⵎ ⴳ ⵍⵎⵖⵔⵉⴱ ⴷ ⵍⵢⴰⵎⴰⵏ, ⵣⵎⵎⵉⵎⵏ ⵜⴰⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ

ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 16 ⵉⵏⵏⴰⵢⵔ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴷ ⵎⴰⵙⵙ ⵙⵓⵍⵟⴰⵏ ⵙⴰⵄⵉⴷ ⵍⴱⵔⴽⴰⵏⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⴷⵓⴷⴰⵏⵜ ⵏ ⵍⵢⴰⵎⴰⵏ, ⵉⵍⵍⴰⵏ ⴳ ⵓⵔⵣⴰⴼ ⵙ ⵜⵎⴰⵣⵉⵔⵜ ⵏⵏⵖ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵉⵙⵜⴰⵡⵀⵎⵎⴰⵏ.

ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵄⴰⵣⵣⴷⴷⵉⵏ ⵙⴰⵄⵉⴷ ⴰⵍⴰⵚⴱⴰⵃⵉ ⴰⵎⵙⵇⵇⴰⴷ ⵏ ⵜⴳⴷⵓⴷⴰⵏⵜ ⵏ ⵍⵢⴰⵎⴰⵏ ⴳ ⵕⵕⴱⴰⵟ, ⵢⵉⵍⵉ ⵓⵎⴹⴰⴽⴰⵕ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵓⵣⵎⵎⵉⵎ ⵏ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ.

ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵍⵢⴰⵎⴰⵏ ⵜⵉⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵥⵉⵍⵏⵉⵏ ⵍⵍⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵙⵉⵏ ⵉⵎⴰⴷⴰⵏⵏ, ⵉⵙⵎⴰⵢⵏⵓ ⴰⴷⴷⴰⴷ ⵏ ⵜⴳⴷⵓⴷⴰⵏⵜ ⵏ ⵍⵢⴰⵎⴰⵏ ⴳ ⵓⵙⵏⴰⵍ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵅⵅⵓⵜⵔⴰ ⵏⵏⵙ ⴼ ⵎⴰⵕⵕⴰ ⵉⴽⴰⵍⵉⵡⵏ ⵏⵏⵙ.

ⵉⵙⵙⵔⵖⴷ ⵎⴰⵙⵙ ⵙⵓⵍⵟⴰⵏ ⵙⴰⵄⵉⴷ ⵍⴱⵔⴽⴰⵏⵉ ⵜⴰⵔⴰⴱⴱⵓⵜ ⵜⴰⵏⴰⵎⵓⵔⵜ ⴼ ⵜⵎⵙⴽⵔⵜ ⵏⵏⵙ ⴳ ⵓⵎⵃⵉⵣⵡⴰⵔ ⵏ ⵇⴰⵟⴰⵕ ⵉ ⵜⴽⵓⵔⵜ ⵏ ⵓⴹⴰⵕ 2022 ⴰⵢⵍⵍⵉ ⵉⴳⴰⵏ ⵜⴰⵣⵣⵉⴳⵣⵜ ⵏ ⵢⴰⵏ ⵓⵎⴰⴷⴰⵏ ⴷ ⵜⵣⵣⵉⴳⵣⵜ ⵏ ⵓⵎⵣⵔⵓⵢ ⴼ ⵜⵏⴰⵔⴰ ⴷ ⵓⵙⵎⵖⵔ, ⵜⴰⵏⴰⵔⴰ ⵏ ⵉⴳⵔⵣⴰⵎⵏ ⵏ ⴰⵟⵍⴰⵙ ⵜⴳⴰ ⵜⵉⵏ ⵉⵎⴰⴷⴰⵏⵏ ⴰⵄⵕⴰⴱⵏ ⴷ ⵉⴼⵔⵉⵇⵉⵢⵏ.

ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵓⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵣⴷⴰⵢⵉⵏ ⵏ ⵜⴳⵯⵎⴰⵜ ⴷ ⵜⴷⴷⵓⴽⴽⵯⵍⴰ ⵍⵍⴰⵏⵉⵏ ⵊⴰⵔ ⵍⵎⵖⵔⵉⴱ ⴷ ⵍⵢⴰⵎⴰⵏ, ⵉⵙⴷⴷⵉⴷ ⴼ ⵓⵙⵏⴰⵍ ⴷ ⵓⵣⴷⴰⵢ ⵉⵛⵛⴰⵔⵏ ⵉⵍⵍⴰⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ ⴷ ⵓⵏⴳⴳⵯⵓ ⵏⵏⵙ ⴳ ⵜⴳⴷⵓⴷⴰⵏⵜ ⵏ ⵍⵢⴰⵎⴰⵏ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵉⵏ ⵉⵙⴳⴰⵡⴰⵏⵏ ⴷ ⵉⴳⵔⴰⵖⵍⴰⵏⵏ.

ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⴷⴷⴰⴷ ⵏ ⵍⵢⴰⵎⴰⵏ ⵉ ⵓⵙⵏⴰⵍ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵍⵎⵖⵔⵉⴱ, ⵢⵉⵏⵉ ⵎⴰⵙ ⵉⵙⵏⴰⵍ ⵍⵎⵖⵔⵉⴱ ⵜⵉⵍⵍⵓⴳⵏⴰ ⵜⴰⴳⵔⴰⵖⵍⴰⵏⵜ ⴷ ⵜⵅⵅⵓⵜⵔⴰ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵉⵡⴰⵏⴽⵏ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

ⵉⵣⵎⵎⵉⵎ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵎⴰⵙⵙ ⵙⵓⵍⵟⴰⵏ ⵙⴰⵄⵉⴷ ⵍⴱⵔⴽⴰⵏⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⴷⵓⴷⴰⵏⵜ ⵏ ⵍⵢⴰⵎⴰⵏ ⵜⴰⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⵍⵍⵉ ⵉⵙⴰⵡⵍⵏ ⴼ ⵜⵉⵔⴰⵜ ⵉⵛⵛⴰⵔⵏ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⵊⴰⵔ ⵉⵎⴰⴷⴰⵏⵏ ⵏ ⵍⵎⵖⵔⵉⴱ ⴷ ⵍⵢⴰⵎⴰⵏ ⴷ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ.

ⵔⴰⴷ ⵢⵉⵍⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵙⵔⵜⴰⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵎⴰⵙⵙⴰⵏⵉⵏ ⵊⴰⵔ ⵍⵎⵖⵔⵉⴱ ⴷ ⵍⵢⴰⵎⴰⵏ  ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵙ ⵓⵎⵙⴰⵡⴰⵍ ⴷ ⵓⵎⵛⴰⵡⴰⵕ ⴳ ⵓⵙⴰⵜⵉ ⵏ ⵜⵏⵓⴼⴰ ⵛⵛⴰⵔⵏⵉⵏ ⵏ ⵙⵏⴰⵜ ⵜⵎⵉⵣⴰⵔ.

ⵖⵎⴽ ⵍⵍⵉ ⵉⵍⵍⴰ ⵓⵙⴷⴷⴻⴷ ⴼ ⵓⵙⵏⴼⵍ ⵏ ⵜⵎⵓⵛⴰ ⵅⴼ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵜⵎⵙⴽⴰⵔ ⵜⵉⵣⵣⵔⴰⴼⵉⵏ ⵙ ⵜⴻⵜⴳⴰⵔⵉⵏ ⵛⵛⴰⵔⵏⵉⵏ ⴷ ⵓⵙⵏⴼⵍ ⵏ ⵉⵣⵣⵔⴰⴼⵏ ⴷ ⵓⵎⵢⴰⵡⴰⴷ ⵊⴰⵔ ⵜⵙⵇⵇⵉⵎⵉⵏ ⴷ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⵜⴰⴱⵔⵍⴰⵎⴰⵏⵉⵜⴳ ⵎⴰⵕⵕⴰ ⵏ ⵉⴳⵔⴰⵏ. 

ⵙ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ, ⵔⴰⴷ ⵢⵉⵍⵉ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴳ ⵉⵏⵎⵓⵇⵇⴰⵔⵏ ⵉⴳⵔⴰⵖⵍⴰⵏⵏ, ⴷ ⵓⵙⵙⵔⵇⴱ ⵏ ⵓⵎⵢⴰⵡⴰⵙ ⵊⴰⵔ ⵜⵎⵙⵙⵓⴳⵓⵔⵉⵏ ⵏ ⵙⵏⴰⵜ ⵜⵎⵔⵙⴰⵍ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ.