ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵍⵎⵖⵔⵉⴱ-ⴽⵓⵔⵢⴰ ⵏ ⵉⴼⴼⵓⵙ ⴷ ⵓⵏⵙⵙⵉⵅⴼ ⵏ ⵓⵏⵎⵓⵇⵇⴰⵔ ⵏ ⵉⴼⵔⵉⵇⵢⴰ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⴽⵓⵔⵉⵜ

ⵉⵎⴹⴰⴽⴰⵕ ⵎⴰⵙⵙ ⵎⵓⵃⴰⵎⵎⴰⴷ ⵀⵉⵛⴰⵎⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴽⵓⵔⵢⴰ ⵏ ⵉⴼⴼⵓⵙ, ⴰⴽⵡⴰⵙ 12 ⵉⵏⵏⴰⵢⵔ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⴷ ⵎⴰⵙⵙ Sul Hoon ⴰⵏⵙⵙⵉⵅⴼ ⵏ ⵓⵏⵎⵓⵇⵇⴰⵔ ⵏ ⵉⴼⵔⵉⵇⵢⴰ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⴽⵓⵔⵉⵜ ⵍⵍⵉ ⴷ ⵉⵔⵣⴼⵏ ⵙ ⵜⵎⴰⵣⵉⵔⵜ ⵏⵏⵖ.  

ⵉⵙⵓⵜⴳ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⴰⵙⵡⵉⵕ ⵉⵥⵉⵍⵏ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴽⵓⵕⵢⴰ ⵍⵍⵉⵖ ⵉⴳⴰ ⵍⵎⵖⵔⵉⴱ ⴰⵡⴰⵏⴰⴽ ⴰⵎⵣⵡⴰⵔⵓ ⴳ ⵉⴼⵔⵉⵇⵢⴰ ⴷ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⵉⵙⴽⵔⵏ ⵜⵉⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⴷ ⴽⵓⵔⵢⴰ ⵙⴳ 1962. 

ⵢⵉⵏⵉ ⵓⵍⴰ ⵎⴰⵙ ⵉⵔⴰ ⵍⵎⵖⵔⵉⴱ ⴰⵙⵎⵖⵔ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴰⴽⴷ ⴽⵓⵔⵢⴰ ⵏ ⵉⴼⴼⵓⵙ ⴳ ⵎⴰⵕⵕⴰ ⵏ ⵉⴳⵔⴰⵏ ⴷⵍⴰⵡⴰⵏ ⴰⴽⴽⵯ ⴳ ⵢⵉⴳⵔ ⴰⴷⵎⵙⴰⵏ. 

ⵙⴰⵡⵍⵏⵜ ⵜⵎⴰⵔⵉⵜⵉⵏ ⵎⴰⵙⵙ ⵀⵉⵏⴷ ⴱⵏⵏⴰⵏⵉ ⴷ ⵎⴰⵙⵙⴰ ⵙⴰⵍⵡⴰ ⴷⴷⵎⵏⴰⵜⵉ ⴼ ⵡⴰⵜⵉⴳ ⵏ ⵉⵙⵖⵍⴰⴼ ⵏ ⵉⵏⵎⵓⵇⵇⴰⵔⵏ ⵣⵔⵉⵏⵉⵏ ⵊⴰⵔ ⵉⴱⵕⵍⴰⵎⴰⵏⵉⵢⵉⵏ ⵏⵍⵎⵖⵔⵉⴱ ⴷ ⴽⵓⵔⵢⴰ ⴷ ⵓⵙⴷⵓⵙ ⵏ ⵓⵎⵢⴰⵡⴰ ⵊⴰⵔ ⵜⵉⵎⵉⵣⴰⵔ ⴷ ⵓⵙⵙⵔⵇⴱ ⵏ ⵓⵙⵙⴰⵔⵓ. 

ⴳ ⵓⵎⵏⵉⴷ ⵏⵏⵙ, ⵉⵖⵔⴰ ⵓⵏⵙⵙⵉⵅⴼ ⵏ ⵓⵏⵎⵓⵇⵇⴰⵔ ⵏ ⵉⴼⵔⵉⵇⵢⴰ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⴽⵓⵔⵉⵜ ⵉ ⵜⵡⵡⵓⵔⵉ ⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵏⵙⴱⴰⴱⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⴷ ⵓⵏⴰⵔⵓⵣ ⴰⴷ ⵜⴳ ⴽⵓⵔⵢⴰ ⵏ ⵉⴼⴼⵓⵙ ⴰⵎⴷⵔⴰⵡ ⴳ ⵜⵣⵣⵉⴳⵣⵜ ⵉⵍⵍⴰⵏ ⴳ ⵜⴷⵎⵙⴰ ⵏ ⵍⵎⵖⵔⵉⴱ. 

ⴳ ⵜⴳⵉⵔⴰ, ⵉⴼⴽⴰ ⵓⵏⵙⵙⵉⵅⴼ ⵏ ⵓⵏⵎⵓⵇⵇⴰⵔ ⵏ ⵉⴼⵔⵉⵇⵢⴰ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⴽⵓⵔⵉⵜ ⵜⵉⵖⵔⵉ ⵜⴰⵎⴰⴷⴷⵓⴷⵜ ⵉ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵉ ⵓⵔⵣⴰⴼ ⵏ ⵜⵎⴰⵣⵉⵔⵜ ⵏⵏⵙ. 

ⵉⵙⵎⵓⵏ ⵓⵏⵎⵓⵇⵇⴰⵔ ⵏ ⵉⴼⵔⵉⵇⵢⴰ ⵉⵎⵓⵔⴰⵙⴳ ⵜⵓⴳⵜ ⵓⵍⴰ ⵜⵓⵣⵍⵜ ⴷ ⵉⵎⵙⵜⴳⴳⴰⵔⵏ ⵓⵏⴱⵉⴷⵏ ⴷ ⵉⵎⵙⵊⴽⴰⵔⵏ ⵙⴳ ⵢⵉⴳⵔ ⵓⵙⵍⵉⴳ, ⵉⵡⴰⵜⵜⵙ ⴰⵙⵏⴰⵍ ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⴰⴽⴷ ⵉⴼⵔⵉⵇⵢⴰ ⴳ ⵎⴰⵕⵕⴰ ⵏ ⵉⴳⵔⴰⵏ ⴷ ⵓⵙⴷⵓⵙ ⵏ ⵓⵏⵔⴰⵎⴰⵙ ⵅⴼ ⵉⴼⵔⵇⵉⵢⴰ ⴷ ⵜⵙⵓⵎⵔⵜ ⵏ ⵜⵙⵔⵜⵉⵜ ⵉⵣⵍⵉⵏ ⵎⵏⵉⴷ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ.