ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴼⴰⵔ ⵏ ⵓⵙⵍⴳⵏ ⴼ ⵓⴼⴰⵔⵙ ⴰⵏⵉⵎⴰⵏ ⵏ ⵜⵥⴹⴰⵕⵜ ⵏ ⵜⵉⴼⴰⵡⵜ

ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⴽⵕⴰⴷ, ⴰⵙⵉⵏⴰⵙ 20 ⴷⵓⵊⴰⵏⴱⵉⵔ 2022, ⴰⵙⵏⴼⴰⵔ ⵏ ⵓⵙⵍⴳⵏ 82.21 ⵉⵥⵍⵉⵏ ⵙ ⵓⴼⴰⵔⵙ ⴰⵏⵉⵎⴰⵏ ⵏ ⵜⵥⴹⴰⵕⵜ ⵏ ⵜⵉⴼⴰⵡⵜ ⴳ ⵜⵖⵉⵎⵉⵜ ⵜⴰⵣⵣⴰⵔⴼ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴷ ⵜⵉⵍⵉⵜ ⵏ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ ⵜⴰⵎⴰⵡⵙⴰⵙⵜ ⵏ ⵓⵙⵎⴰⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ.

ⵉⵍⵍⴰ ⵓⵙⵓⵊⴷ ⵏ ⵓⴹⵕⵉⵚ ⴰⴷ ⵙ ⵓⵎⵙⴰⵙⴰ ⴷ ⵉⵙⵡⴰⵍⴰⵢⵏ ⵉⵙⵜⵔⴰⵜⵉⵊⵉⵢⵏ ⵉⵥⴹⴰⵕⴰⵏⵏ ⴳⴰⵏⵉⵏ ⴰⵡⵇⵇⵔ ⵏ ⵉⵙⵡⴰⵍⴰⵢⵏ ⵏ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ ⴷ ⵓⵙⵎⵖⵔ ⵏ ⵓⴼⴰⵔⵙ ⵡⴰⵔⴰⵏⴰⵎⵎⴰⵙ ⵏ ⵜⵉⴼⴰⵡⵜ ⴷ ⵓⵙⵖⵓⴷⵓ ⵏ ⵜⵙⵓⴳⵔⵜ ⵏ ⵓⵎⵃⵉⵣⵡⴰⵔ ⵏ ⵢⵉⴳⵔ ⵏ ⵜⵉⴼⴰⵡⵜ ⴷ ⵓⵙⵔⵅⵓ ⵏ ⵜⵎⵙⴽⴰⵔ ⴷ ⵜⴱⵔⵉⴷⵉⵏ ⵜⵉⵎⵙⵙⵓⴳⵓⵔⵉⵏ.

ⵉⵍⵍⴰ ⵓⵙⵖⵣⵏ ⵏ ⵓⵙⵏⴼⴰⵔ ⴰⴷ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵏ ⵓⴼⴰⵔⵙ ⴰⵏⵉⵎⴰⵏ ⵍⵍⵉ ⵓⵔ ⵍⵍⵉ ⵉⵙⵍⴳⵏⵏ ⵉⵍⵉⵏⵜ ⵜⵓⵚⴽⵉⵡⵉⵏ ⵏ ⵓⴼⴰⵔⵙ ⴰⵏⵉⵎⴰⵏ ⵡⴰⵔ ⴰⵙⴰⵜⵉ ⵓⵍⴳⵉⵏ ⴷ ⵜⵉⵍⵉⵜ ⵏ ⵓⴼⴰⵔⵙ ⴰⴷ ⴳⵀⴰⵙ ⴷⴰⵔ ⵓⵥⵟⵟⴰ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵜⵉⴼⴰⵡⵜ ⴷ ⵡⴰⵎⴰⵏ ⵏ ⵜⵉⵙⵙⵉ.

ⵉⵡⴰⵜⵜⵙ ⵓⵙⵏⴼⴰⵔ ⵏ ⵓⵙⵍⴳⵏ 82.21 ⴰⵙⵏⴳⵉⴷⴷⵉ ⵏ ⵓⴼⴰⵔⵙ ⴰⵉⵎⴰⵏ ⵏ ⵜⵥⴹⵕⵜ ⵏ ⵜⵉⴼⴰⵡⵜⵉ ⵓⵙⵎⵔⵙ ⴰⵏⵉⵎⴰⵏ ⵉⴽ ⵏⵏⴰ ⵉⴳⴰ ⵓⵖⴱⴰⵍⵓ ⴷ ⵡⴰⵏⴰⵡ ⵏ ⵓⵥⵟⵟⴰ ⴷ ⵓⵙⵡⵉⵔ ⵏ ⵜⵓⴳⴳⵯⴰⵙ ⴷ ⵜⵙⵓⴳⵔⵜ ⵏ ⵜⵓⵚⴽⵉⵡⵜ ⴷ ⵜⵉⵍⵉⵜ ⵏ ⵜⴼⴰⵜⵉⵜ ⴷ ⵜⵏⴼⵔⵓⵜ ⵏ ⵓⵥⵟⵟⴰ ⵏ ⵜⵉⴼⴰⵡⵜ ⵜⴰⵏⴰⵎⵓⵔⵜ ⴷ ⵓⵡⵇⵇⵔ ⵏ ⵜⵔⵙⴰⵍ ⵏ ⵜⵎⴰⴼⴰⵡⵜ ⴷ ⵡⴰⵔ ⵓⵙⵏⵓⵃⵢⵓ ⴳ ⵉⵎⵙⴽⴰⵔⵏ.  

ⵢⵉⵡⵉ ⴷ ⵓⵙⵍⴳⵏ ⴰⴷ ⵜⵉⵎⴰⵢⵏⵓⵜⵉⵏ ⵍⵍⵉ ⵔⴰⴷ ⵢⴰⵊⵊ ⵉⵡⴷⴰⵏ ⵉⵏⵉⵎⴰⵏⵏ ⴷ ⵡⵉⵢⵢⴰⴷ ⵓⵔ ⴹⴼⵕⵏⵉⵏ ⴰⵙⵍⴳⵏ ⴰⵎⴰⵜⴰⵢ ⴷ ⵓⵙⵍⵉⴳ ⵉ ⵓⴼⴰⵔⵙ ⴰⵏⵉⵎⴰⵏ ⴷ ⵓⵙⵔⵙ ⵏ ⵜⵎⵣⵍⴰⵢ ⵉ ⵉⴷ ⴱⴰⴱ ⵏ ⵓⵙⵡⵓⴷⴷⵓ ⵏ ⵉⵥⵟⵡⴰⵏ ⴳ ⵓⵙⴰⵜⵉ ⵏ ⵓⵙⵍⴳⵏ ⵉⵣⴷⵉⵏ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⴼⴰⵔⵙ ⵏ ⵜⵉⴼⴰⵡⵜ, ⴷ ⵓⵙⵓⵊⴷ ⵏ ⵜⵓⵙⴽⵉⵡⵉⵏ ⵏ ⵓⴼⴰⵔⵙ ⴰⵏⵉⵎⴰⵏ ⵙ ⵜⵙⵔⴰⴳⵉⵏ ⵥⵍⵉⵏⵉⵏ ⵃⵎⴰ ⴰⴷ ⵢⵉⵍⵉ ⵓⵙⵉⵟⵏ ⵏ ⵜⵥⴹⴰⵕⵜ ⵏ ⵜⵉⴼⴰⵡⵜ ⵉⵜⵜⵓⵙⵎⵔⴰⵙⵏ, ⵖⵎⴽ ⴰⵏⵏ ⴷ ⵜⵉⵏⵣⵉ ⵏ ⴼⴰⵔⵙ ⴰⵏⵉⵎⴰⵏ ⵉ ⵉⴷ ⴱⴰⴱ ⵏ ⵉⵥⵟⵡⴰⵏ ⵏ ⵜⵉⴼⴰⵡⵜ ⵍⵍⵉ ⴰⴷⵍⵍⵉ ⵉⴳⴰ ⵖⴰⵙ ⵡⵉⵏ ⵓⵥⵟⵟⴰ ⵏ ⵓⵙⵉⵔⴰ.

ⵔⴰⴷ ⵉⵙⴽⵔ ⵓⵙⵏⴼⴰⵔ ⴰⴷ ⵜⴰⴷⵉⵏⴰⵎⵉⵜ ⵜⴰⴷⵎⵙⴰⵏⵜ ⴼ ⵓⴳⴰⴷⴰⵣ ⵏ ⵜⵡⵡⵓⵔⵉ ⴳ ⵜⴳⵍⴷⵉⵜ, ⵔⴰⴷ ⵉⴳ ⴰⵙⴰⵜⵉ ⵏ ⵓⵙⵙⵔⵇⴱ ⴰⵎⴰⵢⵏⵓ ⴷ ⵜⵎⵍⴷⴰ ⵏ ⵓⵙⵙⵔⵇⴱ ⵏ ⵢⵉⴳⵔ ⵓⵙⵍⵉⴳ ⴷ ⵜⵎⵙⵙⵓⵔⵉⵏ ⵎⵥⵥⵉⵏⵉⵏ ⴷ ⵜⵎⵊⵀⴷⴰⵢ ⵉ ⴽⵉⴳⴰⵏ ⵏ ⵓⵙⵙⴰⵔⵓ ⴳ ⵢⵉⴳⵔ ⵏ ⵓⴼⴰⵔⵙ ⵏ ⵜⵉⴼⴰⵡⵜ ⴷ ⵜⵉⵍⵉⵜ ⵏ ⵜⵥⴹⴰⵕⵜ ⵏ ⵜⵉⴼⴰⵡⵜ ⵙ ⵡⴰⵜⵉⴳ ⴰⵎⵃⵉⵣⵡⴰⵔ ⴷ ⵉⵎⵉⵥ ⵏ ⵓⵙⵎⵔⵙ ⵏ ⵜⵉⴼⴰⵡⵜ.