ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵓⵎⴹⴰⴽⴰⵕ ⵊⴰⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵓⵎⵣⴰⵖ ⴰⵏⴰⵎⵓⵔ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 19 ⴷⵓⵊⴰⵏⴱⵉⵔ 2022 ⴳ ⵕⵕⴱⴰⵟ ⴷ ⵎⴰⵙⵙ Thomas Gassilloud ⴰⵏⵙⵙⵉⵅⴼ ⵏ ⵓⵎⵣⴰⵖ ⴰⵏⴰⵎⵓⵔ ⵜⴳⴳⴰⵍⵉⵏ ⵜⵉⵍⴰⴼⵉⵏ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ.
ⵍⵍⴰⵏ ⵉⵎⴷⴰⴽⴰⵔⵏ ⴰⴷ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴷⴼⵉⵏ ⴳ ⵙⵏⴰⵜ ⵜⵎⵉⵣⴰⵔ, ⵖⵎⴽ ⴰⵏⵏ ⴷ ⵜⵎⵙⴰⵔⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵙⴳⴰⵡⴰⵏⵉⵏ ⵛⵛⴰⵔⵏⵉⵏ.
ⵉⵍⵍⴰ ⵓⵣⵎⵎⴻⵎ ⵏ ⵜⵉⵔⴰⵜ ⵉⵛⵛⴰⵔⵏ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ, ⵖⵔⵉⵏ ⵙⵉⵏ ⵉⵎⵙⵜⴳⴳⴰⵔⵏ ⵉ ⵓⵙⴷⵓⵙ ⵏ ⵜⵉⵍⴰⵍ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵊⴰⵔ ⵍⵎⵖⵔⵉⴱ ⴷ ⴼⵕⴰⵏⵚⴰ ⵍⵍⵉ ⵉⵙⵏⵎⴰⵍⴰⵏ ⵜⴰⵙⵓⵜⵍⵜ ⵏⵏⵙ ⵜⴰⵎⴳⴳⴰⵔⵓⵜ ⴳ 2019 ⴱ ⵜⵖⵔⵎⵜ ⵏ ⴱⴰⵔⵉⵣ.
ⵉⵍⵍⴰ ⵓⵎⴹⴰⴽⴰⵕ ⵓⵍⴰ ⴼ ⵜⵎⴰⵢⵏⵓⵜⵉⵏ ⵏ ⵜⵎⵙⴰⵔⵜ ⵜⴰⵏⴰⵎⵓⵔⵜ ⴷ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⵍⵍⵉ ⵉⴳⴰⵏ ⴰⴼⵙⵙⴰⵢ ⵏ ⵜⵉⵍⴰⵡⵜ ⵉⵖⵣⴰⵏⵏ ⵢⵉⵡⵉⵏ ⴰⵙⵏⴰⵍ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ ⵉ ⵓⴼⵙⵙⴰⵢ ⵏ ⵜⴰⵎⵖⵜ ⵉⵜⵜⵓⵙⴽⴰⵔⵏ ⵅⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ.
ⵉⴳⴰ ⵓⵎⴹⴰⴽⴰⵔ ⴰⴷ ⵜⴰⵎⵍⴷⴰ ⵏ ⵓⵎⵔⴰⵔ ⵏ ⵡⴰⵡⴰⵍ ⴼ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ ⴰⵎ ⵜⴰⵏⴼⵔⵓⵜ ⴷ ⵓⵔⴳⴳⵉⴳ ⴰⴳⵔⴰⵖⵍⴰⵏ ⴷ ⵓⵣⵡⴰⴳ ⴷ ⵜⵏⴼⵔⵓⵜ ⵏ ⵓⵜⵛⵓ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ.