ⵉⵎⴹⴰⴽⴰⵕ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵎⵙⵜⴳⴳⴰⵔⵏ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⴼⵕⴰⵏⵚⴰ

ⵉⵎⴹⴰⴽⴰⵕ ⵓⴽⴰⴱⴰⵕ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 8 ⴷⵓⵊⴰⵏⴱⵉⵔ 2022 ⴷ ⵎⴰⵙⵙⴰ Valéry RABAULT ⵜⴰⵎⴰⵔⵉⵜ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⵙⴳ ⵓⴽⴰⴱⴰⵕ ⴰⵙⵔⵎⵓⵏ, ⴷ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⵎⵖⵔⵉⴱⵉⵜ ⵜⴰⴼⵕⴰⵏⵚⴰⵡⵉⵜ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵜⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⵊⴰⵔ ⵉⵔⴳⴰⵣⵏ ⴷ ⵜⵎⵖⴰⵔⵉ ⴷ ⵉⵣⵔⴼⴰⵏ ⵏ ⵜⵎⵖⴰⵔⵉⵏ. 

ⵜⵙⴷⴷⵉⴷⴰ ⵎⴰⵙⵙⴰ Valéry RABAULT ⴼ ⵡⴰⵜⵉⴳ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴼⵕⴰⵏⵚⴰ ⵍⵍⵉⵖ ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⴳ ⵉⵍⵍⴰ ⵓⵔⴳⴳⵉⴳ ⴳ ⵓⵙⵡⵉⵔ ⴰⵊⵢⵓ ⴰⵙⵔⵜⴰⵏ ⵉⴱⴷⴷⵏ ⴼ ⵓⵎⵣⵔⵓⵢ ⵏⵏⵙ ⵉⴷⵔⴰⵏ ⴷ ⵜⴷⵓⵙⵉ ⵏ ⵜⵎⵔⵙⴰⵍ, ⵜⵙⴰⵡⵍ ⵓⵍⴰ ⴼ ⵡⴰⵜⵉⴳ ⵏ ⵜⵎⴷⵔⴰⵡⵜ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵓⵙⵎⵖⵔ ⵏ ⵜⵣⴷⴰⵢⵉⵏ. 

ⵜⵙⵡⴰⵍ ⴼ ⵜⵡⵡⵓⵔⵉ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵓⵙⴽⵔ ⵏ ⵡⴰⵡⵜⵜⴰⵙ ⴰⴷ ⴷ ⵜⵣⵣⵉⴳⵣⵜ ⵏ ⵜⴷⵉⵏⴰⵎⵉⵜ ⴳ ⵉⵙⵏⴼⵍⵏ ⴷ ⵉⵎⵙⴰⵡⴰⵍⵏ ⵊⴰⵔ ⵜⵉⵎⵔⵙⴰⵍ, ⵜⵉⵏⵉ ⵎⴰⵙ ⵜⴳⴰ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵉⵍⵍⴰⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⴷ ⵉⴱⵕⵍⴰⵎⴰⵏⵏ ⵏ ⵓⵔⵓⴱⴱⴰ ⵙ ⵓⵙⵏⴰⵍ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵜⴰⵎⵜⴰⵔⵜ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ. 

ⵉⵙⴰⵡⴰⵍ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⴷⵉⴱⵎⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵏⵔⴰⵎⴰⵙ ⵊⴰⵔ ⵜⵉⵎⵉⵣⴰⵔ, ⵙⴷⴷⵉⴷⵏ ⴼ ⵓⵎⵙⴰⵡⴰⵍ ⵉⵜⵜⵓⵙⵏⴼⴰⵍⵏ ⵅⴼ ⵜⵎⵙⴰⵔⵉⵏ ⵜⵓⴷⴷⵉⵔⵉⵏ ⵏ ⵙⵏⴰⵜ ⵜⵎⵉⵣⴰⵔ ⴷ ⵡⴰⵜⵉⴳ ⴰⵅⴰⵜⴰⵔ ⵏ ⵓⵎⵓⴷⴷⵓ ⵏ ⵉⵡⴷⴰⵏ ⵙ ⵜⵖⴰⵔⴰⵙⵜ ⵜⵓⵍⴳⵉⵏⵜ. 

ⵉⵙⵎⵏⵉⴷ ⵓⵍⴰ ⵉⵎⵉⴽⵏⵏ ⵉⵅⴰⵜⴰⵔⵏ ⵏ ⵍⵎⵖⵔⵉⴱ ⴳ ⵓⵙⴽⵔ ⵏ ⵉⵣⵔⴼⴰⵏ ⵉⴷⵎⵙⴰⵏⵏ ⴷ ⵉⵙⵔⵜⴰⵏⵏ ⵏ ⵜⵎⵖⴰⵔⵉⵏ ⴷ ⵓⴼⵔⴰⴳ ⵏⵏⵙⵏ ⴷ ⵢⵉⵙⴽⵉⵍ, ⵖⵎⴽ ⴰⵏⵏ ⴷ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ ⵍⵍⵉ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ. ⵉⵏⵉⵏ ⵎⴰⵙ ⵎⵓⵏⵏ ⵉⵣⵔⴼⴰⵏ ⵉⵏⴰⵎⵓⵏⵏ ⴷ ⵉⵣⵔⴼⴰⵏ ⵉⵙⵔⵜⴰⵏⵏ ⴷ ⵉⵙⵏⴼⴰⵔⵏ ⴳ ⵉⴳⵔⴰⵏ ⵏ ⵓⵎⴰⵡⴰ ⴰⴷⵙⵍⴰⵏ ⴷ ⵉⵎⵓⴽⵏⵏ ⵉⴷⵎⵙⴰⵏⵏ ⴳ ⵓⵎⵏⴰⴷ ⴰⴳⵔⴰⵖⵍⴰⵏ ⵉⵛⴷⴷⴰⵏ, ⵜⴱⴷⴷ ⵜⴳⵍⴷⵉⵜ ⴷ ⵓⵎⵓⴽⵏ ⴷ ⵜⵉⵔⴰⵜ ⵜⴰⵏⵎⵓⵔⵜ ⵜⴰⵎⴳⵔⵓⵜ ⵃⵎⴰ ⴰⴷ ⵢⵉⵍⵉ ⵓⵙⵕⵚⵓ ⵏ ⵜⴳⵎⵉ ⴷ ⵜⴷⵉⵎⵓⵇⵕⴰⵟⵉⵜ.  

ⵜⵙⵓⵜⴳ ⵎⴰⵙⵙⴰ Valéry RABAULT ⵉⵎⵓⴽⵏⵏ ⴰⴷ ⵜⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⴳ ⵉⵍⵍⴰ ⵓⵔⴳⴳⵉⴳ ⵉⵟⵟⴰⴼⵏ ⴰⴷⵖⴰⵔ ⵏⵏⵙ ⵉⵥⵉⵍⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⵜⵙⵓⵜⴳ ⵜⵉⵡⵉⵣⵉ ⵏ ⵜⵎⵖⴰⵔⵉⵏ ⴷ ⵉⵄⵔⵔⵉⵎⵏ ⵏ ⵍⵎⵖⵔⵉⴱ ⴳ ⵜⵙⵔⵜⵉⵜ ⴷ ⵓⵙⴷⵙⵓ ⵏ ⵜⵡⵡⵓⵔⵉ ⵏ ⵜⵎⵔⵙⴰⵍ. 

ⵖⵎⴽ ⵍⵍⵉ ⵉⵎⴹⴰⴽⴰⵕ ⵓⴽⴰⴱⴰⵕ ⴷ ⵎⴰⵙⵙⴰ Annick BiLLON  ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵎⴰⵙⵙⴰ Céline BOULAY ESPERONNIERⵜⴰⵎⴰⵔⵉⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵊⴰⵔ ⵍⵎⵖⵔⵉⴱ ⴷ ⴼⵕⴰⵏⵚⴰ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴼ ⵜⴷⵔⴰⵡⵜ ⵏ ⵜⵎⵖⴰⵔⵉⵏ ⴳ ⵜⵙⵔⵜⵉⵜ ⴷ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵜⴱⵏⴱⴰⴹⵟ ⴷ ⵜⵎⵙⴰⵔⵉⵏ ⵛⵛⴰⵔⵏⵉⵏ. 

ⵉⵔⵣⴼ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⴳ ⵓⵙⴰⵜⵉ ⵏ ⵓⵙⵏⴼⴰⵔ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⵉⵍⵍⴰⵏ ⴷ ⵉⵔⵍⴰⵎⴰⵏⵏ ⵏ ⵜⵛⵉⴽ ⴷ ⴱⵉⵍⵊⵉⴽ ⴷ ⵉⵟⴰⵍⵢⴰ ⴷ ⵍⵢⵓⵏⴰⵏ ⴷ ⵀⴰⵏⵖⴰⵕⵢⴰ ⴷ ⵍⵢⵓⵏⴰⵏ ⴷ ⵍⴱⵓⵔⵜⵓⵖⴰⵍ.