ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵢⴰⴼⵓⵜⵏ ⴰⴽⴰⴱⴰⵕ ⵙⴳ ⵜⵙⵇⵇⵉⵎⵜ ⵏ ⵜⵎⴰⵍⵍⴰⵢⵜ ⵏ ⵍⴱⵓⵏⴷⵙⵜⴰⴳ ⵏ ⴰⵍⵎⴰⵏⵢⴰ

ⵉⵙⵏⵓⴱⴳ ⵎⴰⵙⵙ ⵊⴰⵎⴰⵍ ⴷⵉⵡⴰⵏⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⴳⵔⴰⵏ ⵉⵢⴰⴼⵓⵜⵏ, ⴰⵙⵉⵏⴰⵙ 6 ⴷⵓⵊⴰⵏⴱⵉⵔ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⵙ ⵜⵉⵍⵉⵜ ⵏ ⵎⴰⵙⵙⴰ ⵜⴰⵎⴰⵔⵉⵜ ⴼⴰⵔⵉⴷⴰ ⵅⵏⵉⵜⵉ ⴷ ⵎⴰⵙⵙ ⴰⵎⴰⵔⵉ ⵎⵉⵎⵓⵏ ⵄⵎⵉⵔⴰ, ⴰⴽⴰⴱⴰⵕ ⵙⴳ ⵜⵙⵇⵇⵉⵎⵜ ⵏ ⵜⵎⴰⵍⵍⴰⵢⵜ ⴳ ⵍⴱⵓⵏⴷⵙⵜⴰⴳ ⵏ ⴰⵍⵎⴰⵏⵢⴰ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵍⵎⵖⵔⵉⴱ.

ⵉⵍⵍⴰ ⵓⵎⴹⴰⴽⴰⵕ ⵅⴼ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵜⵎⴰⵍⵍⴰⵢⵜ, ⵢⵉⵍⵉ ⵓⵙⵎⵏⵉⴷ ⵏ ⵜⵥⴹⴰⵕⵉⵏ ⵏ ⵜⵎⴰⵣⵉⵔⵜ ⵏⵏⵖ ⴳ ⵢⵉⴳⵔ ⴰⴷ ⵓⴷⴷⵉⵔ, ⵢⵉⵍⵉ ⵓⵍⴰ ⵓⵙⵓⵜⴳ ⵏ ⵓⵏⵎⵓⵇⵇⴰⵔ ⴰⴷ ⴰⴷ ⵉⴳⴰⵏ ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⵏ ⵜⴱⵔⵉⴷⵉⵏ ⵏ ⵓⵙⵔⵅⵓ ⴷ ⵓⵙⵙⵔⵇⴱ ⵏ ⵓⵙⵙⴰⵔⵓ ⴳ ⵜⵎⴰⵍⵍⴰⵢⵜ ⴳ ⵍⵎⵖⵔⵉⴱ. 

ⵖⵎⴽ ⵍⵍⵉ ⵉⵖⵔⴰ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵢⴰⴼⵓⵜⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵙⵇⵇⵉⵎⵜ ⵏ ⵜⵎⴰⵍⵍⴰⵢⵜ ⴳ ⵍⴱⵓⵏⴷⵙⵜⴰⴳ ⵏ ⴰⵍⵎⴰⵏⵢⴰ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵜⵎⵓⵣⴰⵢⵉⵏ, ⵉⵙⴰⵡⵍ ⴼ ⵜⵉⵔⴰⵜ ⵜⴰⵎⴰⵜⵜⵓⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵃⵎⴰ ⴰⴷ ⵜⵎⴷⵔⴰⵡⵜ ⴷ ⵜⵓⴷⵊⵓⵕⴰ ⵉⵥⵉⵍⵏ ⴷ ⵓⵎⴷⵔⴰⵡ ⵏ ⵓⵕⵓⴱⴱⴰ ⵙⴳ ⵜⵉⵎⵣⵡⵓⵔⴰ ⵏ ⵜⵙⵔⵜⵉⵜ ⵏ ⴱⵕⵕⴰ ⴳ ⵜⴳⵍⴷⵉⵜ. 

ⴳⵓⵎⵏⵉⴷ ⵏⵏⵙ, ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⴰⵍⵎⴰⵏⵢⴰ ⴼ ⵡⴰⵜⵉⴳ ⵏ ⵓⵔⵣⴰⴼ ⴰⴷ, ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵉⵣⴰⵔ ⴳ ⵢⵉⴳⵔ ⵏ ⵓⵙⵙⴰⵔⵓ ⴳ ⵜⵎⴰⵍⵍⴰⵢⵜ ⵍⵍⵉⵖ ⵉⵟⵟⴰⴼ ⵍⵎⵖⵔⵉⴱ ⵜⵉⵥⴹⴰⵕⵉⵏ ⴳⴳⵓⵜⵏⵉⵏ ⴳ ⵜⵎⴰⵍⵍⴰⵢⵜ.

ⵜⵙⴱⴱⵔⴽ ⵓⵍⴰ ⴰⵙⵎⵖⵔ ⵏ ⵓⵎⵢⴰⵡⴰⵙ ⴷ ⵓⵎⵛⴰⵡⴰⵕ ⵊⴰⵔ ⵜⵉⵎⵣⵔⵙⴰⵍ ⵜⵉⵣⵣⵔⴰⴼⵉⵏ ⴳ ⴰⵍⵎⴰⵏⵢⴰ ⴷ ⵍⵎⵖⵔⵉⴱ.

ⵜⵙⵙⵉⵅⴼ ⵎⴰⵙⵙⴰ Gülistan Yüksel ⵜⴰⴳⵎⴰⵎⵜ ⴳ ⵓⴽⴰⴱⴰⵕ ⴰⴷⵉⵎⵓⵇⵔⴰⵟⵉ ⴰⵏⴰⵎⵓⵏ ⴰⴽⴰⴱⴰⵕ ⵍⵍⵉ ⵢⵓⵎⴰⵏ: Stephan Zierke, ⴰⴽⴰⴱⴰⵕ ⴰⴷⵉⵎⵓⵇⵔⴰⵟⵉ ⴰⵏⴰⵎⵓⵏ. Michael Donth, ⵜⴰⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵏ ⵓⴽⴰⴱⴰⵕ ⵏ ⵜⴰⵎⵓⵏⵜ ⵜⴰⴷⵉⵎⵓⵇⵔⴰⵟⵉⵜ ⵜⴰⵎⴰⵙⵉⵃⵉⵜ ⴷ ⵜⴰⵎⵓⵏⵜ ⵜⴰⵏⴰⵎⵓⵏⵜ ⵜⴰⵎⴰⵙⵉⵃⵉⵜ. Paul Lehrieder, ⵜⴰⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵏ ⵓⴽⴰⴱⴰⵕ ⵏ ⵜⴰⵎⵓⵏⵜ ⵜⴰⴷⵉⵎⵓⵇⵔⴰⵟⵉⵜ ⵜⴰⵎⴰⵙⵉⵃⵉⵜ ⴷ ⵜⴰⵎⵓⵏⵜ ⵜⴰⵏⴰⵎⵓⵏⵜ ⵜⴰⵎⴰⵙⵉⵃⵉⵜ. Stefan Schmidt, ⴰⴽⴰⴱⴰⵕ ⵏ ⵜⴰⵎⵓⵏⵜ ⵏ 90 ⵏ ⵉⵣⴳⵣⴰⵡⵏ. Nico Tippelt,  ⴰⴽⴰⴱⴰⵕ ⴰⴷⵉⵎⵓⵇⵔⴰⵟⵉ ⵉⵍⴻⵍⵍⵉ. Mike Moncsek, ⴰⴽⴰⴱⴰⵕ ⵏ ⵓⵙⵏⴼⴰⵍ ⵉ ⴰⵍⵎⴰⵏⵢⴰ. Thoms Lutze, ⴰⴽⴰⴱⴰⵕ ⵏ ⵓⵥⵍⵎⴰⴹ.