ⵜⴷⵔⵓ ⵎⴰⵙⵙⴰ ⵍⴰⵟⵉⴼⴰ ⵍⴱⵍⵉⵃ ⴳ ⵓⴳⵔⴰⵡ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴼ ⵜⵎⵙⴰⵙⵜⵍⵜ ⵏ ⵡⴰⵏⴰⵡ ⴰⵏⴰⵎⵓⵏ
ⵖⵔⴰⵏ ⵉⵎⴷⵔⴰⵡⵏ ⴳ ⵓⴳⵔⴰⵡ ⴰⵏⵎⵏⴰⴹ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⵉⵍⵍⴰⵏ ⴳ ⵍⵉⴱⵔⵓⴼⵉⵍ ⴰⴷ ⵢⵉⵍⵉ ⵚⴰⵃⴰ ⵙⴳ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵡⴰⵏⴰⵡ ⴰⵏⴰⵎⵓⵏ ⴷ ⵓⵙⵉⴷⴼ ⵏ ⵜⵎⵖⴰⵔⵜ.
ⵖⵔⵉⵏ ⵓⵍⴰ ⵉ ⵓⵙⴽⵔ ⵏ ⵡⴰⵎⵎⴰⵙⵏ ⴳ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴰⵎ ⵡⵉⵏ ⵜⵎⵣⵡⴰⵔⵜ ⵜⴰⵎⵖⵔⵉⴱⵉⵜ ⵉⵣⴷⵉⵏ ⴷ ⵡⴰⵏⴰⵡ ⴰⵏⴰⵎⵓⵏ ⵉⵍⵍⴰⵏ ⴳ ⴼⵉⴱⵕⴰⵢⵕ 2013 ⴳ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ, ⵍⵍⵉ ⵉⴳⴰⵏ ⵜⴰⵙⵉⵍⴰ ⵏ ⵓⵙⵎⵖⵔ ⵏ ⵜⵎⵓⵣⴰⵢⵉⵏ ⴷ ⵜⵎⵙⵙⵓⴳⵓⵔⵜ ⵏ ⵜⵓⵙⵙⵏⴰ ⴷ ⵓⵣⴷⴰⵢ ⴳ ⵉⵎⴰⵙⴰⵢⵏ ⴳ ⵢⵉⴳⵔ ⵏ ⵜⵎⵙⴰⵙⵜⵍⵜ ⵉⵣⴷⵉⵏ ⴷ ⵡⴰⵏⴰⵡ ⴰⵏⴰⵎⵓⵏ. ⵔⵜ
ⵉⵜⵜⵓⵙⴽⴰⵔ ⵓⴳⵔⴰⵡ ⴰⴷ ⴼ ⵓⵙⵔⵙ ⵏ ⵜⵎⵙⴰⵙⵜⵍⵜ ⵉⴱⴷⴷⵏ ⵏ ⵡⴰⵏⵡ, ⵓⵙⵙⴰⵏ ⵏ 29 ⴷ 30 ⵏⵓⵡⴰⵏⴱⵉⵔ ⵙ ⵜⴷⵔⴰⵡⵜ ⵏ ⵎⴰⵙⵙⴰ ⵍⴰⵟⵉⴼⴰ ⵍⴱⵍⵉⵃ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⵄⴰⴱⴷⵓⵍⵍⴰⵀ ⵚⵚⴱⵉⵃⵉ ⴰⵎⵙⵇⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵍⴳⴰⴱⵓⵏ.
ⵜⵙⴰⵡⵍ ⵎⴰⵙⵙⴰ ⵍⴱⵍⵉⵃ ⴼ ⵡⴰⵜⵉⴳ ⵏ ⵜⵎⵙⴰⵙⵜⵍⵜ ⵉⴱⴷⴷⵏ ⴼ ⵡⴰⵏⴰⵡ ⴰⵏⴰⵎⵓⵏ ⵍⵍⵉ ⵉⵜⵜⴰⵊⴰⵏ ⴰⴷ ⵜⵉⵍⵉⵜ ⵜⵎⵙⴰⵙⵜⵍⵜ ⵜⴰⵎⴰⵜⴰⵢⵜ ⵏ ⵉⵖⴰⵡⴰⵙⵏ ⵉ ⵜⴳⵎⵉ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵜ ⵜⴰⵎⴰⵜⴰⵢⵜ ⵜⴰⵙⵓⵍⴰⵏⵜ ⵉ ⵜⵎⵖⴰⵔⵜ, ⵜⵉⵏⵉ ⵎⴰⵙ ⴷ ⵉⵇⵇⴰⵏ ⴰⴷ ⵜⵉⵍⵉ ⴳ ⵉⴳⵔⴰⵏ ⵉ ⵓⵙⴱⴷⴷⵉ ⵏ ⵡⴰⵔⵜⵉⵍⵉⵜ ⵏ ⵜⴰⵏⴳⴰⴷⴷⴰⵢⵜ ⵊⴰⵔ ⵓⵔⴳⴰⵣ ⴷ ⵜⵎⵖⴰⵔⵜ.
ⵜⵙⵎⵏⵉⴷ ⵜⵉⵍⴰⵍ ⵏ ⵡⴰⵎⵎⴰⵙ ⵉⵥⵍⵉⵏ ⵙ ⵜⵎⵙⴰⵙⵜⵍⵜ ⵏ ⵡⴰⵏⴰⵡ ⴰⵏⴰⵎⵓⵏ, ⵜⵉⵏⵉ ⵎⴰⵙ ⴷ ⵉⵇⵇⴰⵏ ⴰⴷ ⵍⴽⵎⵏⵜ ⵜⵎⵖⴰⵔⵉⵏ ⵜⴰⵡⵡⵓⵔⵉ ⵏ ⵓⴼⴰⵔⵙ ⴷ ⵓⴳⴰⴷⴰⵣ ⵏ ⵜⵡⵡⵓⵔⵉ ⴷ ⵜⵡⵡⵓⵔⵉⵡⵉⵏ ⵙⴽⴰⵔⵏⵉⵏ ⵜⵉⵖⵔⴰⴷ.
ⵉⵍⵍⴰ ⵓⵎⴹⴰⴽⴰⵔ ⵏ ⵜⴰⵏⵏⴰⵢⵢⵉⵏ ⴷ ⵜⵎⵙⴽⴰⵔ ⵅⴼ ⵜⵎⵙⴰⵙⵜⵍⵜ ⵉⴱⴷⴷⵏ ⴼ ⵡⴰⵏⴰⵡ ⴰⵏⴰⵎⵓⵏ, ⵍⵍⵉ ⵉⴳⴰⵏ ⵜⴰⵏⴰⵥⴰⵕⵜ ⵜⴰⵅⴰⵜⴰⵔⵜ ⵏ ⵉⵡⴰⵏⴽⵏ ⵙⴰⵡⴰⵍⵏⵉⵏ ⵜⴰⴼⵕⴰⵏⵚⵉⵚⵜ, ⵍⵍⵉⵖ ⵜⴳⴰ ⵜⵏⴳⴰⴷⴷⴰⵢⵜ ⵜⴰⵔⵙⵍⵜ ⵏ ⵜⴳⵎⵉ ⵜⴰⵏⴰⵎⵓⵏⵜ.
ⵢⵉⵍⵉ ⵓⵙⵙⴼⵍⴷ ⵉ ⵜⵓⴳⴳⴰ ⵏ ⵓⴼⵏⵉⵇ ⵏ ⵓⴷⵔⵉⵎ ⴰⴳⵔⴰⵖⵍⴰⵏ ⴷ ⵜⵙⵏⵓⵔⴰⵢⵜ ⵜⴰⴼⵕⴰⵏⵚⵉⵚⵚⵜ ⵉ ⵜⴳⵎⵉ ⴷ ⵉⵎⵓⵔⴰ ⴷ ⵉⵎⵓⵣⴰⵢⵏ ⵙⴳ ⵍⴳⴰⴱⵓⵏ ⴷ ⵕⵡⴰⵏⴷⴰ ⴷ ⴱⵓⵔⵓⵏⴷⵉ ⴷ ⵍⵎⵖⵔⵉⴱ.
ⵉⵖⵔ ⵓⴳⵔⴰⵡ ⵉ ⵉⴱⵕⵍⴰⵎⴰⵏⵉⵢⵏ ⵉⴼⵔⵉⵇⵉⵢⵏ ⵉ ⵓⵙⵓⵊⴷ ⵏ ⵜⵎⵙⴽⴰⵔ ⵥⵉⵍⵏⵉⵏ ⵅⴼ ⵡⴰⵏⴰⵡ ⴰⵏⴰⵎⵓⵏ ⴳ ⵜⵉⵔⵔⴰ ⴷ ⵓⵙⵖⵣⵏ ⵏ ⵉⵙⵍⴳⵏⵏ ⵏ ⵓⵥⵕⴼ, ⴷ ⵓⵙⵙⵔⵇⴱ ⵏ ⵉⵎⴷⵔⴰⵡⵏ ⵏ ⵜⴳⵎⵉ ⴼ ⵓⵙⵉⴷⴼ ⵏ ⵜⴼⴰⴷⵉⵡⵉⵏ ⵏ ⵡⴰⵏⴰⵡ ⴰⵏⴰⵎⵓⵏ ⴳ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ.