ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵜⵙⵏⴱⴹⴰⵢⵜ ⵜⴰⵎⵙⵙⵓⴳⵓⵔⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 28 ⵏⵓⵡⴰⵏⴱⵉⵔ 2022 ⴳ ⵕⵕⴱⴰⵟ, ⵜⴰⵙⵇⵇⵉⵎⵜ ⵜⴰⵜⵉⵇⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵍⵍⵉ ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵙⵏⴱⴹⴰⵢⵜ ⵜⴰⵎⵙⵙⵓⴳⵓⵔⵜ, ⵎⴰⵙⵙ ⵙⵉⵍⴼⵉⵙⵜⵔ ⵙⴰⵍⵓⴼⵓ ⵎⴰⵢⵏⴳⴰ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵍⵎⵖⵔⵉⴱ.

ⵍⵍⴰⵏ ⵉⵎⴹⴰⴽⴰⵔⵏ ⴼ ⵜⵣⴷⴰⵢⵉⵏ ⵏ ⵍⵎⵖⵔⵉⴱ ⴰⴽⴷ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴷ ⵜⵉⵔⴰⵜ ⵏ ⵜⴳⵍⴷⵉⵜ ⵉ ⵜⵉⴽⴽⵉ ⵏ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉ ⵜⴰⵎⵓⵏⵜ ⴷ ⵜⴳⵎⵉ ⴳ ⵉⴼⵔⵉⵇⵢⴰ, ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵄⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

ⵉⵙⵎⵏⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵜⵉⵎⵥⵍⵉⵜ ⵏ ⵜⵎⵔⵙⴰⵍ ⵜⵉⵙⵔⵜⴰⵏⵉⵏ ⴷ ⵜⴷⵙⵜⴰⵔⵉⵏ ⴷ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ, ⴷ ⵜⵣⴷⴰⵢⵉⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴷ ⵜⵉⵎⵔⵙⴰⵍ ⴷ ⵜⵏⴱⴰⴹⵉⵏ, ⴷ ⵓⵎⵎⵉⵥⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⴽⵉⴳⴰⵏ ⵏ ⵉⴳⵔⴰⵏ, ⵍⵍⴰⵏⵉⵏ ⵙ ⵓⴷⵓⵙⵜⵓⵔ ⵏ 2011 ⵉⵙⵔⵙⵏ ⴰⴱⵟⵟⵓ ⵏ ⵜⵏⴱⴰⴹⵉⵏ ⴷ ⵓⵎⵢⴰⵡⴰⵙ ⵏⵏⵙⵏⵜ, ⴰⵢⵍⵍⵉ ⵉⴳⴰⵏ ⵜⴰⵔⵙⵍⵜ ⵜⴰⵙⵉⵍⴰⵏⵜ ⴳ ⵓⵏⴳⵔⴰⵡ ⴰⵎⵖⵔⵉⴱⵉ.

ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵎⴰⵙⵙ ⵙⴰⵍⵓⴼⵓ ⵎⴰⵢⵏⴳⴰ ⴰⵏⵙⵙⵉⵅⴼ ⵏ ⵜⵙⵏⴱⴹⴰⵢⵜ ⵜⴰⵎⵙⵙⵓⴳⵓⵔⵜ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⵜⵉⵇⵏⵉⵜ, ⴼ ⵓⵙⵏⵉⵎⵎⵔ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵏⵎⵓⵇⵇⴰⵔ ⴷ ⵓⵙⵏⵓⴱⴳ. ⵢⵉⵏⵉ ⵎⴰⵙ ⵉⴳⴰ ⵓⵔⵣⴰⴼ ⴰⴷ ⴰⵏⴰⵡ ⵏ ⵓⵎⵛⴰⵡⴰⵕ ⴰⴽⴷ ⵉⵎⵙⵜⴳⴳⴰⵔⵏ ⵏ ⵉⴼⵔⵉⵇⵢⴰ ⵉ ⵓⵣⵣⵔⴰⵢ ⵏ ⵓⵙⵍⴳⵏ ⴰⵙⵉⵍⴰⵏ ⵏ ⵜⵙⵏⴱⴹⴰⵢⵜ ⵜⴰⵎⵙⵙⵓⴳⵓⵔⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵉⵍⵍⴰⵏ ⵙⴳ 1966 ⴷ ⵓⵙⵍⴳⵏ ⴰⴳⵯⵏⵙⴰⵏ ⵏ 1967. ⵉⵙⴰⵡⵍ ⵓⵏⵙⵙⵉⵅⴼ ⵏ ⵜⵙⵏⴱⴹⴰⵢⵜ ⴰⴷ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⵜⵉⵇⵏⵉⵜ ⴼ ⵓⵙⵓⵜⴳ ⵏ ⵉⵎⵓⴽⵏⵏ ⵏ ⵍⵎⵖⵔⵉⴱ ⵙ ⵓⵙⵡⴰⵍⴰ ⵏ ⴱⴰⴱ ⵏ ⵡⴰⴷⴷⵓⵔⴰ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵜⵉⵔⵎⵉⵜ ⵜⴰⵎⵖⵔⵉⴱⵜ ⴳ ⵢⵉⴳⵔ ⵏ ⵓⵣⵣⵔⴰⴼ, ⴰⵢⵍⵍⵉ ⵉⵎⵇⵇⵓⵔ ⴷⴳ ⵎⴰⴷ ⵢⵓⵔⵔⵉ ⵍⵎⵖⵔⵉⴱ ⵙ ⵜⴰⵎⵓⵏⵜ ⵜⴰⴼⵔⵉⵇⵉⵜ. ⵢⵉⵏⵉ ⵓⵍⴰ ⵎⴰⵙ ⵉⵇⵇⵔⴱ ⵓⵙⵎⴰⴷ ⵏ ⵜⵉⵔⵔⴰ ⵏ ⵜⵙⵓⵎⵔⵜ ⵏ ⵉⵙⵏⴼⵍⵏ ⵍⵍⵉ ⵔⴰⴷ ⵉⵜⵜⵓⵙⵖⵣⵉⵏ ⵙ ⵜⴱⵔⵉⴷⵉⵏ ⵍⵍⴰⵏⵉⵏ ⴳ ⵜⴰⵎⵓⵏⵜ ⵜⴰⴼⵔⵉⵇⵉⵜ.

ⵜⴳⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴳⵎⴰⵎ ⴳ ⵜⵙⵏⴱⴹⴰⵢⵜ ⵜⴰⵎⵙⵙⵓⴳⵓⵔⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⵙⴳ 2019 ⵏⵜⵜⴰⵜ ⴷ ⵏⴰⵎⵉⴱⵢⴰ ⴷ ⵍⵎⵓⵣⵎⴰⴱⵉⵇ.