ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵜⴷⵔⵓ ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ, ⵜⴰⵏⴼⵍⵓⵙⵜ ⵏ ⵓⵙⵇⵇⵉⵎ, ⴳ ⵜⵙⵎⵓⵏⵉ ⵜⵉⵙ ⵙⵏⴰⵜ ⵏ ⵜⵔⴰⴱⴱⵓⵜ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵜⴰⵅⴰⵜⴰⵔⵜ ⵏ ⵜⵎⴰⵙⵙⴰⵏⵉⵏ ⴷ ⵓⵙⵎⴰⵢⵏⵓ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴳ ⵓⴱⵕⵍⴰⵎⴰⵏ ⴰⵄⵕⴰⴱ
ⵜⴷⵔⵓ ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ, ⵜⴰⵏⴼⵍⵓⵙⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵎⵓⵏⵉ ⵜⵉⵙ ⵙⵏⴰⵜ ⵏ ⵜⵔⴰⴱⴱⵓⵜ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵜⴰⵅⴰⵜⴰⵔⵜ ⵏ ⵜⵜⵉⴽⵏⵓⵍⵓⵊⵉⵢⴰ ⴷ ⵓⵙⵎⴰⵢⵏⵓ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴳ ⵓⴱⵕⵍⴰⵎⴰⵏ ⴰⵄⵕⴰⴱ ⵉⵍⵍⴰⵏ ⴳ ⵍⵇⴰⵀⵉⵕⴰ ⴰⵙⵙ ⵏ 24 ⵏⵓⵡⴰⵏⴱⵉⵔ 2022.
ⵜⴽⵛⵎ ⵜⴷⵔⴰⵡⵜ ⴰⴷ ⴳ ⵓⵙⴰⵜⵉ ⵏ ⵓⴹⴼⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⴰⴽⴷ ⵉⴳⵏⵙⴰⵙⵏ ⵏ ⵉⵎⴰⴷⴰⵏⵏ ⵏ ⵉⵡⴰⵏⴽⵏ ⵏ ⵡⴰⵄⵕⴰⴱⵏ ⴷ ⵓⵙⵎⵖⵔ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⵉⵛⵛⴰⵔⵏ.
ⴳ ⵜⵜⴳⵓⵔⵉ ⵏⵏⵙ, ⵜⵙⵓⵜⴳ ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ ⵜⵓⴳⴳⴰⵙ ⵏ ⵜⵔⴰⴱⴱⵓⵜ ⴰⴷ ⴳ ⵓⵙⴷⵓⵙ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵙⵎⴰⵢⵏⵓ ⴷ ⵓⵙⵎⵔⵙ ⵏ ⵜⴻⵜⵉⵇⵏⵉⵢⵉⵏ ⵜⵉⵎⴰⵢⵏⵓⵜⵉⵏ ⴳ ⵓⵙⵎⵖⵔ ⵏ ⵜⵡⵡⴰⵔⵉ ⵜⴰⴱⵕⵍⴰⵎⴰⵏⵉⵜ ⴳ ⵜⵎⵉⵣⴰⵔ ⵏ ⵡⴰⵄⵕⴰⴱⵏ.
ⵜⵙⴰⵡⵍ ⵓⵍⴰ ⴼ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⵎⴰⴷ ⵡⵉⵙ ⵚⴹⵉⵙ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵓⵙⵓⵊⴷ ⵏ ⵉⵖⴰⵡⴰⵙⵏ ⵉⵏⴰⵎⵓⵔⵏ ⵉ ⵓⵙⵏⴰⵍ ⵏ ⵜⵜⵉⴽⵏⵓⵍⵓⵊⵉⵢⴰ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴳ ⵜⵎⴰⵣⵉⵔⵜ ⵏⵏⵖ, ⵖⵎⴽ ⴰⵏⵏ ⵓⵍⴰ ⴷ ⵓⵙⵓⵊⴷ ⵏ ⵉⵙⵍⴳⵏⵏ ⵣⴷⵉⵏⵉⵏ ⴷ ⵉⴳⵔⴰⵏ ⴰⴷ.
ⵉⵜⵜⵓⵙⵙⴰⵏ ⵎⴰⵙ ⵜⵍⵍⴰ ⵜⵔⴰⴱⴱⵓⵜ ⴰⴷ ⴳ ⵎⴰⵕⵚ 2022, ⵜⴳ ⴰⵥⵟⵟⴰ ⴰⴱⵕⵍⴰⵎⴰⵏⵉ ⴰⵄⵕⴰⴱ ⴰⵎⵣⵡⴰⵔⵓ ⵉⵙⵜⴰⵡⵀⵎⵎⴰⵏ ⵙ ⵜⵎⴰⵙⵙⴰⵏⵉⵏ ⴷ ⵜⵜⵉⴽⵏⵓⵍⵓⵊⵉⵢⴰ ⵙⴷ ⵓⵙⵙⵔⵇⴱ ⵏⵏⵙⵏ ⴷ ⵓⵙⵎⵖⵔ ⵏ ⵓⵙⵎⵙⵔ ⵏ ⵉⵎⴰⵙⵙⴰⵏ ⵉⵎⵓⵟⵟⵓⵏⵏ ⴳ ⵜⵎⵉⵣⴰⵔ ⴰⴷ.