ⵉⵎⴹⴰⴽⴰⵕ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ ⴷ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵍⵎⵉⵔⴽⵓⵙⵓⵔ, ⵉⵣⵎⵎⵉⵎ ⵜⴰⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⵊⴰⵔ ⵓⴱⵕⵍⴰⵎⴰⵏ ⵏ ⵍⵎⵉⵔⴽⵓⵙⵓⵔ ⴷ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ

ⵉⵎⴹⴰⴽⴰⵕ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 22 ⵏⵓⵡⴰⵏⴱⵉⵔ 2022 ⴼ ⵕⵕⴱⴰⵟ ⴷ ⵎⴰⵙⵙ Bittar Navaro Tomas Enrique  ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵓⴳⴰⴷⴰⵣ ⵉⵛⵛⴰⵔⵏ ⵏ ⵎⴰⵔⵉⴽⴰⵏ ⵏ ⵉⴼⴼⵓⵙ (ⵍⵎⵉⵔⴽⵓⵙⵓⵔ) ⵉⵍⵍⴰⵏ ⴳ ⵓⵔⵣⴰⴼ ⵉ ⵜⴳⵍⴷⵉⵜ ⴰⵔ 25 ⵏⵓⵡⴰⵏⴱⵉⵔ.

ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⴷ ⵎⴰⵙⵙ Russomanno Celso, ⵢⵉⵍⵉ ⵓⵎⴹⴰⴽⴰⵕ ⴷ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵊⴰⵔ ⵍⵎⵖⵔⵉⴱ ⴷ ⵓⴱⵕⵍⴰⵎⴰⵏ ⵏ ⵎⵉⵔⴽⵓⵙⵓⵔ ⴷ ⵜⵎⵙⴰⵔⵉⵏ ⵛⵛⴰⵔⵏⵉⵏ.

ⵙ ⵜⵎⵍⴷⴰ, ⵉⵙⵓⵜⴳ ⵎⴰⵙⵙ ⴱⵏ ⵄⵓⵎⴰⵕ ⴰⵙⵡⵉⵔ ⵉⵥⵉⵍⵏ ⵉⵙⵎⵓⵏⵏ ⵍⵎⵖⵔⵉⴱ ⴷ ⵓⴱⵕⵍⴰⵎⴰⵏ ⵏ ⵎⵉⵔⴽⵓⵙⵓⵙ ⵎⵇⵇⴰⵔ ⵜⵍⵍⴰ ⵜⵉⴳⴳⵓⴳⵜ, ⵉⵙⴰⵡⵍ ⴼ ⵜⵉⵍⴰⵍⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵙⵎⵖⵔ ⵏ ⵜⵣⴷⴰⵢⵉⵏ ⴰⴷ, ⵉⵙⴷⴷⵉⴷ ⴼ ⵜⵡⵡⵓⵔⵉ ⵉ ⵓⵙⵏⴼⵍ ⴷ ⵓⴷⵔⴰⵡ ⵏ ⵜⵎⵙⴽⴰⵔ ⵥⵉⵍⵏⵉⵏ ⵊⴰⵔ ⵙⵉⵏ ⵉⴱⵕⵍⴰⵎⴰⵏⵏ.

ⵉⵙⵎⵏⵉⴷ ⵎⴰⵙⵙ ⴱⵏ ⵄⵓⵎⴰⵕ ⵜⵉⵎⵙⴽⴰⵔ ⵏ ⵜⵎⴰⵣⵉⵔⵜ ⵏⵏⵖ ⴳ ⵉⵙⴳⴳⵯⴰⵙ ⴰⴷ ⴳ ⴽⵉⴳⴰⵏ ⴰⵎ ⵡⵉⵏ ⵜⵎⴳⵓⵔⵉ ⴷ ⵜⴼⵍⵍⴰⵃⵜ ⴷ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵓⵙⵡⵓⴷⴷⵓ ⵏ ⵡⴰⵎⴰⵏ ⴷ ⵓⵣⵡⴰⴳ, ⵜⵉⵎⵙⴽⴰⵔ ⴰⴷ ⵜⵜⵓⵙⴽⴰⵔⵏⵉⵏ ⵙ ⵜⵡⵡⵓⵔⵉ ⵜⴰⵎⵣⵡⴰⵔⵓⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ.

ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵎⵉⵔⴽⵓⵙⵓⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ, ⵢⵉⵏⵉ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⵏⵏⵙ ⵉ ⵜⴳⵍⴷⵉⵜ ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵓⴷⵍⵙⴰⵏ. ⵢⵉⵏⵉ ⵓⵍⴰ ⵎⴰⵙ ⵜⵍⴽⵎ ⵜⵉⵣⵉ ⵏ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⴷ ⵉ ⵚⴰⵃⴰ ⵉⵛⵛⴰⵔⵏ. ⵉⵖⵔ ⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵓⵣⴷⴰⵢ ⵏ ⵜⵓⴳⴳⵯⴰⵙ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴷ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ.

ⴳ ⵜⴳⵉⵔⴰ, ⵉⵙⴰⵡⴰⵍ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⵏ ⵍⵎⵉⵔⴽⵓⵙⵓⵔ ⴼ ⵜⵉⵔⴰⵜ ⴷ ⵓⵙⵓⵊⴷ ⵉ ⵓⵎⵢⴰⵡⴰ ⴰⴽⴷ ⵍⵎⵖⵔⵉⴱ ⴳ ⵉⴳⵔⴰⵏ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵓⵙⵉⵎⵉⵎ ⵏ ⵡⴰⵎⴰⵏ ⵏ ⵢⵉⵍ ⴷ ⵍⴰⵏⴳⵔⵉⵢⴰⵜ.

ⴰⵙⵙ ⴰⴷ ⵏⵉⵜ, ⵉⵍⵍⴰ ⵓⵣⵎⵎⴻⵎ ⵏ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⵊⴰⵔ ⵓⴱⵕⵍⴰⵎⴰⵏ ⵏ ⵍⵎⵉⵔⴽⵓⵙⵓⵔ ⴷ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ, ⵉⵣⵎⵎⵉ ⵜⵜ ⵎⴰⵙⵙ ⵏⵄⵎⴰ ⵎⵉⵢⵢⴰⵕⴰ ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵓⵎⴰⵔⵉ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ ⴳ ⵓⴷⵖⴰⵔ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴷ ⵎⴰⵙⵙ Bittar Navaro Tomas Enrique

ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵍⵎⵉⵔⴽⵓⵙⵓⵔ, ⵉ ⵓⵙⵎⵖⵔ ⵏ ⵓⵎⵢⴰⵡⴰⴹ ⴷ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵓⵣⴷⴰⵢ ⵅⴼ ⵜⵉⵎⵙⴰⵔⵉⵏ ⵛⵛⴰⵔⵏⵉⵏ.  

ⵙ ⵜⵎⵙⵙⴽⵯⵜⵉⵜ ⴰⴷ, ⵔⴰⴷ ⵉⴷⵔⵓ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵓⴳⵔⴰⵡ ⴰⵎⴰⵜⴰⵢ ⴷ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⵏ ⵓⴱⵕⵍⴰⵎⴰⵏ ⵏ ⵍⵎⵉⵔⴽⵓⵙⵓⵔ ⴷ ⵜⵉⴽⴽⵉ ⵏ ⵜⴰⵏⵏⴰⵢⵜ ⵡⴰⵔ ⴰⵙⵜⴰⵢ ⵙ ⵓⵎⵙⴰⵙⴰ ⵏ ⵉⵏⴳⵔⴰⵡⵏ ⵏⵏⵙ.

ⵉⵜⵜⵓⵙⴽⴰⵔ ⵓⴱⵕⵍⴰⵎⴰⵏ ⵏ ⵍⵎⵉⵔⴽⵓⵙⵓⵔ ⴳ 200, ⵉⵡⴰⵜⵜⵙ ⴰⵙⵏⴰⵍ ⵏ ⵜⵎⵔⵙⴰⵍ ⵍⵍⴰⵏⵉⵏ ⴳ ⵓⴳⴰⴷⴰⵣ ⵉⵛⵛⴰⵔⵏ ⵏ ⵎⴰⵔⵉⴽⴰⵏ ⵏ ⵉⴼⴼⵓⵙ ⴳ ⵉⵍⵍⴰ ⵍⴱⵕⴰⵥⵉⵍ ⴷ ⵍⴰⵕⵊⵓⵏⵜⵉⵏ ⴷ ⵍⴱⴰⵔⴰⴳⵡⴰⵢ ⴷ ⵓⵔⵓⴳⵡⴰⵢ. ⵉⵍⵍⴰ ⵓⵙⵖⵉⵎ ⵏⵏⵙ ⴳ ⵎⴰⵏⵜⴼⵉⴷⵢⵓ ⴳ ⵍⵓⵔⵓⴳⵡⴰⵢ, ⴰⵔ ⵉⵜⵜⵉⵍⵉ ⵓⵙⵏⴼⵍ ⵏ ⵉⴳⵏⵙⴰⵙⵏ ⵏⵏⵙ ⵉ ⴽⴽⵓⵥ ⵉⵙⴳⴳⵯⴰⵙⵏ. ⴳⵉⵙ ⵎⵔⴰⵡⵜ ⵜⵙⵇⵇⵉⵎⵉⵏ ⵜⵎⵖⵍⴰⵍⵉⵏ ⴷ ⵓⵚⴰⴹⵓⴼ ⵏ ⵜⴷⵉⵎⵓⵇⵔⴰⵟⵉⵜ, ⴰⵔ ⵉⵙⴽⴰⵔ ⵜⵉⵙⵓⵜⵍⵉⵏ ⵏⵏⵙ ⵜⵉⵏⵎⵢⵓⵔⵉⵏ ⵢⴰⵜ ⵜⴽⴽⵍⵉⵜ ⴳ ⵡⴰⵢⵢⵓⵔ.