ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⵜⴳⴷⵓⴷⴰⵏⵜ ⵏ ⵙⵍⵓⴼⵉⵏⵢⴰ, ⵣⵎⵎⵉⵎⵏ ⵜⴰⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ
ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 14 ⵏⵓⵡⴰⵏⴱⵉⵔ 2022 ⴳ ⵕⵕⴱⴰⵜ, ⴷ ⵎⴰⵙⵙⴰ Urška Klakočar Zupančič ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⵙⵍⵓⴼⵉⵏⵢⴰ ⵜⵉⵕⵡⵉ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵜⴳⵍⴷⵉⵜⵏ ⵏ ⵍⵎⵖⵔⵉⴱ ⴷ ⵙⵍⵓⴼⵉⵏⵢⴰ.
ⵙⴷⴷⵉⴷⵏ ⵓⵍⴰ ⴼ ⵜⵉⵍⴰⵍⵜ ⵉⵙⵜⴰⵡⵀⵎⵎⴰⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵍⵍⵉ ⵔⴰ ⵉⵙⴼⵓⴳⵍⵓ ⴰⴽⵜⵜⴰⵢ ⵡⵉⵙ 30 ⵏ ⵓⵙⴳⴳⵯⴰⵙ.
ⵙⴷⴷⵉⴷⵏ ⵓⵍⴰ ⴼ ⵓⵣⵎⵎⴻⵎ ⵏ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ, ⵍⵍⵉ ⵔⴰⴷ ⵉⵙⵙⴷⵓⵙ ⵜⵉⵣⴷⴰⵢⵉⵏ ⵜⵉⵙⵏⵔⴰⵏⵉⵏ ⴳ ⴽⵉⴳⴰⵏ ⵏ ⵉⴳⵔⴰⵏ ⴷ ⵓⵙⴷⵓⵙ ⵏ ⵓⵎⵙⴰⵡⴰⵍ ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴳ ⵉⵙⵡⵉⵔⵏ ⴰⵏⵎⵏⴰⴷ ⴷ ⵓⴳⵔⴰⵖⵍⴰⵏ.
ⵎⵉⵖ ⵉⴳⴰ ⵍⵎⵖⵔⵉⴱ ⴰⵎⴷⵔⵓ ⴰⴷⵙⵍⴰⵏ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵓⵎⵙⴽⴰⵔ ⵉⵙⵜⴰⵡⵀⵎⵎⴰⵏ ⴳ ⵉⴼⵔⵉⵇⵢⴰ ⴷ ⵓⵏⴰⵎⵎⴰⵙ, ⵙⴷⴷⵉⴷⵏ ⵙⵉⵏ ⵉⵎⵙⵜⴳⴳⴰⵔ ⴼ ⵓⵙⴷⵓⵙ ⵏ ⵜⵎⴷⵔⴰⵡⵜ ⵉⵙⴷⵓⵙⵏ ⴰⵏⵔⴰⵎⴰⵙ ⵉⵛⵛⴰⵔⵏ ⴷ ⵓⵔⴳⴳⵉⴳ ⴷ ⵜⴳⵎⵉ ⵜⴰⴷⵎⵙⴰⵏⵜ.
ⵙⴰⵡⵍ ⵙⵉⵏ ⵉⵎⵙⵜⴰⵢⵏ ⴷ ⵡⴰⵜⵉⴳ ⵏ ⵜⵡⴰⴼⵉⵜ ⵏ ⵓⴼⵙⵙⴰⵢ ⴰⵙⵔⵜⴰⵏ ⵏ ⵜⵉⵍⴰⵡⵜ ⵉⵙⵓⵍⵏ ⵉⴱⴷⴷⵏ ⴼ ⵓⵎⵙⴰⵙⴰ ⵉ ⵜⵎⵙⴰⵔⵜ ⵏ ⵚⵚⵃⵕⴰ, ⵎⴽ ⵉⵍⵍⴰⵏ ⴳ ⵜⵖⵜⴰⵙⵉⵏ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵜⴰⴳⵔⴰⵖⵍⴰⵏ.
