ⴰⵏⵎⵓⵇⵇⴰⵔ ⴷ ⵓⴽⴰⴱⴰⵕ ⴰⴽⵉⵏⵉ ⵙ ⵜⵏⵙⵙⵉⵅⴼⵜ ⵏ ⵉⵍⵍⵉⵙ ⵏ ⵓⵏⵙⵙⵉⵅⴼ ⵏ ⴽⵉⵏⵢⴰ ⴷ ⵉⵎⵓⵔⴰ ⵉⵄⵔⵔⵉⵎⵏ
ⵙⵏⵎⴰⵍⴰⵏ ⵉⵎⵓⵔⴰ ⵉⵄⵔⵔⵉⵎⵏ ⵙⴳ ⵜⵉⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⵏⵎⵓⵇⵇⴰⵔ ⵏ ⵓⵎⵚⴰⵡⴰⴹ ⴰⴽⴷ ⴰⴽⴰⴱⴰⵕ ⵏ ⴽⵉⵏⵢⴰ ⵙ ⵜⵏⵙⵙⵉⵅⴼⵜ ⵏ ⵉⵍⵍⵉⵏ ⵏ ⵓⵏⵙⵙⵉⵅⴼ ⵏ ⴽⵉⵏⵢⴰ ⵎⴰⵙⵙ ⵛⴰⵖⵍⵉⵏ ⵔⵓⵜⵓ, ⴰⵙⵉⵏⴰⵙ 8 ⵏⵓⵡⴰⵏⴱⵉⵔ 2022, ⴳ ⵓⵙⴰⵜⵉ ⵏ ⵓⵔⵣⴰⴼ ⵏⵏⵙ ⵉ ⵜⵎⴰⵣⵉⵔⵜ ⵏⵏⵖ ⵃⵎⴰ ⴰⴷ ⵉⴷⵔⵓ ⴳ ⵎⵏⵏⴰⵡⵜ ⵜⵉⵍⴰⵍ ⴳ ⵉⵍⵍⴰ ⵓⵏⵎⵓⵇⵇⴰⵔ ⵏ ⵎⵉⴷⴰⵢⵣ ⵉⵜⵜⵓⵙⴽⴰⵔⵏ ⴳ ⵜⵖⵔⵎⵜ ⵏ ⵟⴰⵏⵊⴰ.
ⵜⵙⴰⵡⵍ ⵛⴰⵖⵔⵍⵉⵏ ⵔⵓⵜⵓ ⴼ ⵜⵓⵎⵔⵜ ⵏⵏⵙ ⴳ ⵓⵔⵣⴰⴼ ⵏ ⵍⵎⵖⵔⵉⴱ, ⵜⵉⵏⵉ ⵎⴰⵙ ⵜⵔⴰ ⴰⴷ ⴷⵔⵓ ⵜⵉⵔⵎⵉⵜ ⵜⴰⴽⵉⵏⵉⵜ ⴳ ⵢⵉⴳⵔ ⵏ ⵉⵄⵄⵔⵉⵎⵏ ⴰⴽⴷ ⵉⵄⵔⵔⵉⵎⵏ ⵏ ⵍⵎⵖⵔⵉⴱ ⵙ ⵓⵙⴽⵔ ⵏ ⵉⵣⴷⴰⵢⵏ ⴰⴽⴷ ⵜⵉⵎⵙⵎⵓⵏⵉⵏ ⵏ ⵉⵄⵔⵔⵉⵎⵏ ⴷ ⵓⵙⵎⵖⵔ ⵏ ⵜⴷⵔⴰⵡⵜ ⵊⴰⵔ ⵉⵄⵔⵔⵉⵎⵏ ⵏ ⵍⵎⵖⵔⵉⴱ ⴷ ⵡⵉⵏ ⴽⵉⵏⵢⴰ. ⵜⵙⵓⵎⵔ ⴰⵙⵏⴼⵍ ⵏ ⵜⵎⵓⵣⴰⵢⵉⵏ ⴳ ⵉⴳⵔⴰⵏ ⵏ ⵓⵙⵙⵍⵎⴷ ⴷ ⵜⵓⵙⵙⵏⴰ ⴷ ⵓⵙⵖⵏⵣⵉ ⴷ ⵓⵙⵙⴰⵔⵓ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴼⵔⵉⵇⵉ ⵉ ⵓⵙⴽⵔ ⵏ ⵜⵢⴰⵏⵜ ⴷ ⵡⴰⴷⴷⵓⵔ ⴷ ⵥⵥⵀⵔⵜ ⵜⴰⵎⴳⵔⵓⵜ ⵜⴰⴼⵔⵉⵇⵉⵜ.
ⴳ ⵓⵎⵏⵉⴷ ⵏⵏⵙⵏ, ⵉⵙⵎⵏⵉ ⵓⴽⴰⴱⴰⵕ ⵏ ⵉⵄⵔⵔⵉⵎⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵎⵥⵍⴰⵢ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴽⵉⵏⵢⴰ ⴷ ⵓⵙⵎⵖⵔ ⵏⵏⵙⵏⵜ, ⴷ ⵓⵙⵓⵊⴷ ⵉ ⵓⵙⵎⵖⵔ ⵏ ⵓⵎⵙⴰⵡⴰⵍ ⴰⴽⴷ ⵉⵄⵔⵔⵉⵎⵏ ⴳ ⴽⵉⵏⵢⴰ ⴷ ⵓⵙⵉⴳⵓⵜ ⵏ ⵉⵏⵎⵓⵇⵇⴰⵔⵏ ⴷ ⵉⵎⴹⴰⴽⴰⵕⵏ ⴰⴽⴷ ⵉⴱⵕⵍⴰⵎⴰⵏⵉⵢⵏ ⵏ ⴽⵉⵏⵢⴰ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵊⴰⵔ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ.
ⴳ ⵜⴳⵉⵔⴰ, ⵜⵙⵏⵉⵎⵎⵔ ⵎⴰⵙⵙⴰ ⵛⴰⵖⵍⵉⵏ ⵔⵓⵜⵓ ⵉⵎⵓⵔⴰ ⵉⵄⵔⵔⵉⵎⵏ ⵏ ⵍⵎⵖⵔⵉⴱ ⴼ ⵓⵙⵏⵓⴱⴳ, ⵜⵏⵏⵓⵔⵣ ⴰⴷ ⵜⴳ ⵜⵙⵎⵓⵏⵉ ⴰⴷ ⵜⴰⵎⵍⴷⴰ ⵏ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵎⵙⴽⴰⵔ ⵥⵉⵍⵏⵉⵏ ⴳ ⵎⴰⵏⵏ ⵓⵔ ⵢⴰⴳⴳⵓⴳ.