ⵉⵎⴹⴰⴽⴰⵕⵏ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⵏⵉⵜ ⵍⵎⵖⵔⵉⴱ-ⴼⵕⴰⵏⵚⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⴷ ⵓⴽⴰⴱⴰⵕ ⵙⴳ ⴼⵕⴰⵏⵚⴰ
ⵉⵙⵏⵓⴱⴳ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ ⴼⵕⴰⵏⵚⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⴰⴱⴰⵕ ⴰⴼⵕⴰⵏⵚⴰⵡⵉ ⵉⵍⵍⴰⵏ ⴳ ⵓⵔⵣⴰⴼ ⵉ ⵜⵎⴰⵣⵉⵔⵜ ⵏⵏⵖ ⵙ ⵜⵏⵙⵜⴰⵢⵜ ⵏ ⵜⵎⵙⵎⵓⵏⵜ (CERCLE EUGENE DELACROIX) ⴷⵉⵙ ⵉⴱⵕⵍⴰⵎⴰⵏⵉⵢⵏ ⴷ ⵉⴷ ⴱⴰⴱ ⵏ ⵜⵡⵓⵔⵉ ⵙ ⵜⵏⵙⵙⵉⵅⴼⵜ ⵏ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⵕ ⴳ ⴼⵕⴰⵏⵚ ⵎⴰⵙⵙ ⴼⴰⵏⵙⵓⵏ ⴷⵓⵍⴰⵀⴰⵢ.
ⵜⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴷ ⵉⴳⵎⴰⵎⴰⵏ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ ⴼⵕⴰⵏⵚⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵉⴳⵎⴰⵎⵏ ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏ ⴼⵕⴰⵏⵚⴰ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴷ ⵓⵏⵙⵙⵉⵅⴼ ⵏ ⵜⵎⵙⵓⵎⵓⵏⵜ ⴰⵙⵙ ⵚⴰⵍⵃ ⴱⵓⵔⴷⵉ ⴷ ⵉⴳⵎⴰⵎⵏ ⵏⵏⵙ.
ⵉⵙⴰⵡⵍ ⵎⴰⵙⵙ ⵍⵎⴰⵍⴽⵉ ⵉⵣⴷⴰⵢⵏ ⵉⵎⵣⵔⴰⵢⵏ ⵍⵍⴰⵏⵉⵏ ⵊⴰⵔ ⵍⵎⵖⵔⵉⴱ ⴷ ⴼⵕⴰⵏⵚⴰ, ⴷ ⵉⵙⴼⴰⵙⴽⴰⵜⵏ ⵉⵅⴰⵜⴰⵔⵏ ⵏ ⵉⵙⵔⴷⴰⵙⵏ ⵏ ⵍⵎⵖⵔⵉⴱ ⴳ ⵜⵎⴰⵖⵜ ⵏ ⵓⵙⵍⴻⵍⵍⵉ ⵏ ⴼⵕⴰⵏⵚ ⴳ ⵜⵎⴰⵖⵜ ⵜⴰⵎⴰⴹⵍⴰⵏⵜ ⵜⵉⵙ ⵙⵏⴰⵜ. ⴷ ⵜⵣⴷⴰⵢⵉⵏ ⴳⴳⵓⵜⵏⵉⵏ ⵍⵍⴰⵏⵉⵏ ⴳⵔ ⵙⵏⴰⵜ ⵜⵎⵉⵣⴰⵔ ⵙ ⵉⵎⵏⴰⴷⵏ ⵉⵏⴼⴳⴰⵏⵏ ⴷ ⵉⵖⵔⵎⴰⵏⵏ ⴷ ⵉⴷⵎⵙⴰⵏⵏ ⴷ ⵉⵙⵔⵜⴰⵏⵏ ⴷ ⵡⵉⵢⵢⴰⴹ.
ⵉⵙⵎⵏⵉⴷ ⵓⵍⴰ ⵉⵎⵓⴽⵏⵏ ⵏ ⵜⴳⵎⴷⵉⵜ ⵙ ⵜⵏⴰⵔⴰ ⵜⵓⵏⵥⵉⵣⵟ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵜⴳⵎⵉ ⵜⴰⵎⴰⵜⴰⵢⵜ ⵉⵍⵍⴰⵏ ⴳ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⴷ ⵜⵙⴳⴳⵉⵡⵉⵏ ⵏ ⵉⴼⴼⵓⵙ, ⴷ ⵜⵣⵣⵉⴳⵣⵜ ⵏ ⵜⴳⵍⴷⵉⵜ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⴰⴽⴷ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵜⵡⵉⵙⵉ ⵏ ⵍⵎⵖⵔⵉⴱ ⴷ ⵓⵙⵕⵚⵓ ⵏ ⵓⴼⵔⴰ ⴷ ⵓⵔⴳⴳⵉⴳ ⴳ ⵜⵙⴳⴰ ⵏ ⵓⵏⴰⵎⵎⴰⵙ ⴷ ⵉⴼⵔⵉⵇⵢⴰ.
ⵉⵙⴷⴷⵉⴷ ⵎⴰⵙⵙ ⴼⵉⵏⵙⵓⵏ ⴷⵓⵍⴰⵀⴰⵢ ⵎⴰⵙ ⵉⴳⴰ ⵍⵎⵖⵔⵉⴱ ⴰⵎⴷⵔⴰⵡ ⵉⵙⵜⴰⵡⵀⵎⵎⴰⵏ ⵏ ⴼⵕⴰⵏⵚⴰ ⴳ ⵉⴼⵔⵉⵇⵢⴰ ⴷ ⵜⵙⴳⴰ ⵜⴰⵎⵖⴰⵔⵉⴱⵉⵜ, ⵉⵙⵓⵜⴳ ⵜⴰⵣⵣⵉⴳⵣⵜ ⵏ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ ⵙⵍⴰⵡⴰⵏ ⴰⴽⴽⵯ ⵜⵉⵖⵔⵎⵜ ⵏ ⴷⴷⴰⵅⵍⴰ, ⵉⵖⵔ ⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵉ ⵚⴰⵃⴰ ⵏⵏⵙⵏⵜ.
ⵉⵙⴷⴷⵉⴷ ⵓⴽⴰⴱⴰⵕ ⵏ ⴼⵕⴰⵏⵚ ⴼ ⵜⴷⵓⵙⵉ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴼⵕⴰⵏⵚⴰ, ⵍⵍⵉⵖ ⵉⴳⴰ ⵍⵎⵖⵔⵉⴱ ⴰⵎⴷⵔⴰⵡ ⴰⴷⵎⵙⴰⵏ ⵏ ⴼⵕⴰⵏⵚⴰ ⴳ ⵉⴼⵔⵉⵇⵢⴰ, ⴳⵏ ⵉⵎⵖⵔⵉⴱⵉⵢⵏ ⴳ ⴼⵕⴰⵏⵚⴰ ⵎⴰⴷ ⵉⴳⴰⵏ 100 ⵏ ⵜⵎⵉⴹⵉ, ⵙⵓⵜⴳⵏ ⵜⵉⵣⵡⵉⵔⵉ ⵏ ⵜⴳⵍⴷⵉⵜ ⴳ ⵉⴳⵔⴰⵏ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⴼⵔⴰ ⴷ ⵓⵔⴳⴳⵉⴳ ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ.