ⵉⵎⴹⴰⴽⴰⵕ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵏⵙⵙⵉⵅⴼⵏ ⴷ ⵉⵎⵓⵔⴰ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ ⴳ ⵓⵙⴰⵜⵉ ⵏ ⵓⵏⵎⵓⵇⵇⴰⵔ ⴰⵏⵎⵏⴰⴹ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴳ ⵡⴰⵎⵓⵔ ⵏ ⵡⴰⴽⵓⵛ

ⵉⵙⴽⵔ ⵎⴰⵙⵙ ⵎⵓⵃⴰⵎⴰⵎⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ 1 ⵏⵓⵡⴰⵏⴱⵉⵔ ⵉⵎⴹⴰⴽⴰⵕⵏ ⴷ ⵉⵏⵙⵙⵉⵅⴼⵏ ⴷ ⵉⵎⵓⵔⴰ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏ ⵉⴼⵔⵉⵇⵉⵢⵏ ⴳ ⵓⵙⴰⵜⵉ ⵏ ⵓⵏⵎⵓⵇⵇⴰⵔ ⴰⵏⵎⵏⴰⴹ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ ⵍⵍⵉ ⵜⵙⵏⵓⴱⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⵏ ⵜⵏⴱⴰⴹⵜ ⵉⵏⵏⵓⵕⵥⵎⵏ ⵉⵍⵍⴰⵏ ⴳ 1 ⴰⵔ 3 ⵏⵓⵡⴰⵏⴱⵉⵔ 2022 ⵙ ⵜⵉⵍⵉⵜ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ.

ⵙ ⵉⵣⵡⴰⵔ, ⵉⵙⵏⵓⴱⴳ ⵎⴰⵙⵙ ⵚⵚⴱⴱⴰⵕⵉ ⵎⴰⵙⵙ ⴰⵎⴰⴷⵓ ⵎⴰⵎ ⴷⵢⵓⴱ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵙⴰⵏⵉⴳⴰⵍ, ⵙⴰⵡⵍⵏ ⴼ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵙⵏⴰⵜ ⵜⵎⵉⵣⴰⵔ ⴷ ⵓⵙⴷⴷⴻⴷ ⴼ ⵓⵙⵏⴼⵍⵏ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ.

ⵜⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵜⵎⵙⵇⵇⴰⴷⵜ ⵏ ⵙⴰⵏⵉⴳⴰⵍ ⴳ ⵕⵕⴱⴰⵟ ⵎⴰⵙⵙⴰ ⵜⴰⵟⵓⵎⴰⵜⴰ ⴷⵢⴰⵍ, ⵢⵉⵍⵉ ⵓⵎⴹⴰⴽⴰⵕ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴳ ⵜⵍⵍⴰ ⵜⵎⵙⴰⵔⵜ ⵏ ⵜⵎⵖⴰⵔⵜ ⴷ ⵡⴰⵎⵓⵏ ⴰⵖⵔⵎⴰⵏ ⴷ ⵉⵄⵔⵉⵎⵏ ⴷ ⵜⴳⵎⵉ.

ⵙⵓⵜⴳⵏ ⵙⵉⵏ ⵉⵎⵙⵜⴰⵢⵏ ⵜⵉⵣⴷⴰⵢⵉⵏ ⵥⵉⵍⵏⵉⵏ ⵉⵙⵎⵓⵏⵏ ⵙⵏⴰⵜ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ ⴷ ⵉⵎⴰⴷⴰⵏⵏ ⴰⵢⵜⵎⴰⵜⵏ, ⵉⵏⵉⵏ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ, ⵖⵎⴽ ⴰⵏⵏ ⴷ ⵓⵎⵙⴰⵙⴰ ⵏ ⵜⴰⵏⵏⴰⵢⵉⵏ ⵏ ⵍⵎⵖⵔⵉⴱ ⴷ ⵙⴰⵏⵉⴳⴰⵍ ⵅⴼ ⵜⵎⵙⴰⵔⵉⵏ ⵜⵉⵎⵏⵥⴰⵡⵉⵏ ⴷ ⵜⴳⵔⴰⵖⵍⴰⵏⵉⵏ ⴷ ⵓⵙⵎⵀⵍ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵊⴰⵔ ⵙⵏⴰⵜ ⵜⵎⵉⵣⴰⵔ.

ⵉⵙⵏⵓⴱⴳ ⵎⴰⵙⵙ ⵚⵚⴱⴱⴰⵕⵉ ⵓⵍⴰ ⵎⴰⵙⵙ ⴰⴱⴰⵙⵙ ⵛⵉⵔⵏⵓⵔ ⴱⵓⵏⴷⵓ ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵙⵙⵉⵕⴰⵍⵢⵓⵏ, ⵉⵙⵉⵙⴼⵉⵡ ⵎⴰⵙ ⵉⵙⵔⵙ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⴰⵥⵍⴰⵢ ⵏ ⵜⵏⴱⴰⴹⵉⵏ ⵙⴳ ⵜⴰⵙⵉⵎⴰⵏⵜ, ⵢⵉⵏⵉ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⴰⵜⴰⵔⵜ ⵏ ⵓⵏⵏⵓⵕⵥⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵡⴰⵎⵓⵏ ⴰⵖⵔⵎⴰⵏ, ⵢⵉⵏⵉ ⵎⴰⵙ ⵃⴰⴹⵕⵏⵜ ⵜⵎⵖⴰⵔⵉⵏ ⴳ ⵓⵚⴽⵓ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵍⵍⵉⵖ ⴳⴰⵏⵜ 25% ⵏ ⵉⴳⵎⴰⵎⵏ, ⴷ ⵎⴰⵙ ⵉⵎⵎⴰⵖ ⵓⴷⵓⵙⵜⵓⵔ ⴰⵎⵖⵔⵉⴱⵉ ⴼ ⵓⵡⵇⵇⵔ ⵏ ⵜⵉⵍⵉⵜ ⵏ ⵜⵎⵖⴰⵔⵉⵏ ⴳ ⵎⴰⵕⵕⴰ ⵏ ⵉⵙⵇⵇⵉⵎⵏ ⴷ ⵜⴳⵔⴰⵡⵉⵏ.

ⵢⵉⵏⵉ ⵎⴰⵙⵙ ⵚⵚⴱⴱⴰⵕⵉ ⵎⴰⵙ ⵢⵓⵊⴰⴷ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴽⴷ ⴰⴱⵕⵍⴰⵎⴰⵏ ⵏ ⵙⵙⵉⵕⴰⵍⵢⵓⵏ ⵙ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⴷ ⵓⵙⵏⴼⵍ ⵏ ⵉⵔⵣⴰⴼⵏ ⵊⴰⵔ ⵉⴽⴰⴱⴰⵕⵏ ⵉⴱⵕⵍⴰⵎⴰⵏⵉⵢⵏ.

ⴳ ⵜⴳⵉⵔⴰ, ⵉⵖⵔⴰ ⵎⴰⵙⵙ ⵚⵚⴱⴱⴰⵕⵉ ⵉ ⵎⴰⵙⵙ ⴰⴱⴰⵙⵙ ⵛⵉⵔⵏⵓⵔ ⴱⵓⵏⴷⵓ ⵉ ⵓⵔⵣⴰⴼ ⵏ ⵍⵎⵖⵔⵉⴱ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ.

ⵉⵙⵎⵏⵉⴷ ⵎⴰⵙⵙⴰ ⴰⴱⴰⵙⵙ ⵛⵉⵔⵏⵓⵔ ⴱⵓⵏⴷⵓ ⴳ ⵓⵏⵎⵓⵇⵇⴰⵔⴰⴷ ⴰⴱⵕⵍⴰⵎⴰⵏ ⵏ ⵙⵙⵉⵕⴰⵍⵢⵓⵏ ⴳ ⵜⵉⵢⵢⴰⴼⵓⵜ ⵉⵥⵍⵉⵏ ⵙ ⵜⵉⵍⵉⵜ ⵏ ⵜⵎⵖⴰⵔⵉⵏ ⴳ ⵜⵎⴰⵣⵉⵔⵜ ⵏⵏⵙ.

ⵉⵙⴷⴷⵉⴷ ⵓⵍⴰ ⴼ ⵓⵕⵥⵥⵓⵎ ⵏ ⵜⵎⵙⵇⵇⴰⴷⵜ ⵏ ⵍⵎⵖⵔⵉⴱ ⴳ ⴼⵔⵉⵟⴰⵡⵏ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵜⵣⵣⵉⴳⵣⵜ ⵏ ⵍⵎⵖⵔⵉⴱ ⴳ ⵛⵉⴳⴰⵏ ⵏ ⵉⴳⵔⴰⵏ.

ⵉⵎⵏⴰⵇⵇⴰⵔ ⵎⴰⵙⵙ ⵚⵚⴱⴱⴰⵕⵉ ⵓⵍⴰ ⴷ ⵎⴰⵙⵙⴰ ⵄⵉⵛⴰ ⴰⴷⴰⵎⵣ ⴰⵏⵏⵉ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⴰⵍⴰⵡⵉ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴳ ⵜⵍⵍⴰ ⵜⵉⵍⵉⵜ ⵏ ⵜⵎⵖⴰⵔⵉⵏ ⴳ ⵜⵎⵔⵙⴰⵍ ⵏ ⵓⵙⵜⴰⵢ.

ⴳ ⵓⵙⴰⵜⵉⵏ ⵉⵙⵎⵏⵉⴷ ⵜⵉⵔⵎⵉⵜ ⵏ ⵜⴳⵍⴷⵉⵜ ⴳ ⵢⵉⴳⵔ ⴰⴷ ⴷ ⵜⵣⵣⵉⴳⵣⵜ ⵏ ⵜⵉⵍⵉⵜ ⵏ ⵜⵎⵖⴰⵔⵉⵏ ⴳ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ.

ⵉⵙⴷⴷⵉⴷ ⵎⴰⵙⵙ ⵚⵚⴱⴱⴰⵕⵉ ⴼ ⵓⵙⵏⴼⵍ ⵏ ⵜⵉⵔⵎⵉⵜⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ.

ⴳ ⵓⵎⵏⵉⴷ ⵏⵏⵙ, ⵜⵙⴷⴷⵉⴷ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵜⵎⵙⵎⵏⵓⵜ ⵜⴰⵏⴰⵎⵓⵔⵜ ⵏ ⵎⴰⵍⴰⵡⵉ ⴼ ⵓⵙⵏⵎⴰⵍⴰ ⵏ ⵉⵏⵎⵓⵇⵇⴰⵔⵏ ⵛⵛⴰⵔⵏⵉⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵉⴱⵕⵍⴰⵎⴰⵏⵉⵢⵏ ⵏ ⵙⵏⴰⵜ ⵜⵎⵉⵣⴰⵔ.

ⴰⵏⵎⵓⵇⵇⴰⵔ ⵡⵉⵙ ⴽⴽⵓⵥ ⵉⵙⴽⵔ ⵜ ⵎⴰⵙⵙ ⵚⵚⴱⴱⴰⵕⵉ ⴰⴽⴷ ⵎⴰⵙⵙ ⴰⵎⵉⵔⵉⴽⵓ ⴰⵏⵟⵓⵏⵢⵓ ⴽⵓⵏⵓⵏⵓⴽⴰ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴰⵏⴳⵓⵍⴰ, ⵉⵙⴷⴷⵉⴷ ⴳⵉⵙ ⴼ ⵡⴰⵜⵉⴳ ⵍⵍⵉ ⵢⴰⴽⴽⴰ ⵍⵖⵔⵉⴱ ⵉ ⵓⵎⵢⴰⵡⴰⵙ ⴰⴽⴷ ⵉⴱⵕⵍⴰⵎⴰⵏⵏ ⵏ ⵉⴼⵔⵉⵇⵢⴰ ⴼ ⵓⴱⵕⵍⴰⵎⴰⵏ ⵏ ⴰⵏⴳⵓⵍⴰ.

ⵉⵖⵔ ⵉ ⵓⵙⵏⴼⵍ ⵏ ⵜⵉⵔⵎⵉⵜⵉⵏ  ⴷ ⵜⵎⵓⵣⴰⵢⵉⵏ ⵊⴰⵔ ⵉⴱⵕⵍⴰⵎⴰⵏⵏ, ⵢⵉⵏⵉ ⵎⴰⵙ ⵔⴰⴷ ⵉⴼⴽ ⵍⵎⵖⵔⵉⴱ ⵜⵉⵔⵎⵉⵜ ⵏⵏⵙ ⵜⴰⴱⵕⵍⴰⵎⴰⵏⵉⵜ ⵉ ⵜⴷⴳⴰ ⵜⴰⵏⴳⵓⵍⵉⵜ.       

ⵢⵉⵏⵉ ⵓⵎⴰⵔⵉ ⵏ ⵓⵏⵙⵙⵉⵅⴼⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴰⵏⴳⵓⵍⴰ ⵎⴰⵙ ⵜⴳⴰ ⵜⵎⴷⵔⴰⵡⵜ ⴳ ⵓⵏⵎⵓⵇⵇⴰⵔ ⴰⵏⵎⵏⴰⴹ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴳ ⵡⴰⵎⵓⵔ ⵏ ⵡⴰⴽⵓⵛ ⴰⵙⵓⵖⵍ ⵏ ⵓⵙⵡⵓⵔ ⵏ ⵓⵎⵢⴰⵡⴰⵙ ⵉⵍⵍⴰⵏ ⵊⴰⵔ ⴰⵏⴳⵓⵍⴰ ⴷ ⵍⵎⵖⵔⵉⴱ, ⵉⵖⵔ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵊⴰⵔ ⵜⵉⵎⵉⵣⴰⵔ ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔ ⵏ ⵜⴻⵜⵉⴽⵏⵓⵍⵓⵊⵉⵜ.

ⵉⵙⵎⵏⵉⴷ ⵎⴰⵙⵙ ⴰⵎⵉⵔⵉⴽⵓ ⴰⵏⵟⵓⵏⵢⵓ ⴰⵙⵎⴰⵇⵇⵍ ⴼ ⵉⵏⴳⵎⴰⵎⴰⵏ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴷ ⵜⵉⵍⵉⵜ ⵏ ⵜⵎⵖⴰⵔⵉⵏ ⴳⴰⵏⵉⵏ 37.7 % ⵏ ⵉⴳⵎⴰⵎⴰⵏ ⵏ ⵜⵎⵙⵎⵓⵏⵜ (83 ⵏ ⵜⵎⴰⵔⵉⵜ) ⴳ ⵍⵍⴰⵏ 222 ⵏ ⵓⴳⵎⴰⵎ.

ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵓⵎⵙⵇⵇⴰⴷ ⵏ ⴰⵏⴳⵓⵍⴰ ⴳⵕⵕⴱⴰⵟ ⵎⴰⵙⵙ ⴱⴰⵍⵜⴰⵣⴰⵔ ⴷⵢⵓⴱⵓ ⵍⵓⵙⵜⴰⴼⴰⵡ.

ⵖⵎⴽ ⵍⵍⵉ ⵉⵎⴹⴰⴽⴰⵕ ⵎⴰⵙⵙ ⵚⵚⴱⴱⴰⵕⵉ ⴰⴽⴷ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏⴱⵕⵕⴰ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵙⴰⵃⵉⵍ ⵍⵄⴰⵊ ⵎⴰⵙⵙ ⵟⵓⵎⴰⵙ ⴽⴰⵎⴰⵔⴰ, ⵉⵙⵙⵉⵙⴼⵉⵡ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⵎⵖⵔ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ, ⵉⵙⴷⴷⵉⴷ ⵓⵍⴰ ⴼ ⵓⵙⵎⵀⵍ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⵏⵉⵜ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ.

ⵢⵉⵏⵉ ⵓⵍⴰ ⵎⴰⵙ ⵢⵓⵊⴰⴷ ⵓⵙⵇⵇⵉⵎ ⵏ ⵉⵎⵓⵔⴰ ⵃⵎⴰ ⴰⴷ ⵢⵉⵎⵢⵉⵡⵉⵙ ⵉ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵓⵔⵣⵣⵓ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ.

ⵙ ⵜⵎⵍⴷⴰ, ⵉⵙⵎⴰⵢⵏⵓ ⵎⴰⵙⵙ ⵚⵚⴱⴱⴰⵕⵉ ⴰⵡⵇⵇⵔ ⵏ ⵍⵎⵖⵔⵉⴱ ⵏ ⵜⵏⵏⵓⴱⴹⴰ ⵏ ⵉⵡⴰⵏⴽⵏ ⴷ ⵜⵢⴰⵏⵜ ⵏⵏⵙ ⵜⴰⵏⴰⴽⴰⵍⵜ ⴷ ⵓⵡⵇⵇⵔ ⵏ ⵜⵎⵙⴰⵔⵉⵏ ⵜⵉⴳⵏⵙⴰⵏⵉⵏ ⵏⵏⵙⵏ.

ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵎⴰⵙⵙ ⵟⵓⵎⴰⵙ ⴽⴰⵎⴰⵕⴰ ⴼ ⵜⵣⴷⴰⵢⵉⵏ ⵏ ⵜⴳⵯⵎⴰⵜ ⵉⵙⵎⵓⵏⵏ ⵜⵉⵎⵉⵣⴰⵔ ⵙⴳ 1962 ⴷ ⵎⴰⵙ ⵜⵍⵍⴰ ⵜⵉⵔⴰⵜ ⵜⴰⵅⴰⵜⴰⵔⵜ ⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⴷ ⵓⵙⵎⵀⵍ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ.