ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴰⴷⵉⵙ ⴰⴱⴰⴱ ⴷ ⵓⵏⴳⴳⵯⵓ ⵏⵏⵙ ⴰⵜⵢⵓⴱⵉ
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ ⴳ ⴰⴷⵉⵙ ⴰⴱⴰⴱⴰ, ⴷ ⵎⴰⵙⵙ ⵜⴰⵊⵉⵙⵉ ⵛⴰⴼⵓ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵉⵜⵢⵓⴱⵢⴰ ⴼ ⵓⵎⵢⴰⵡⴰ ⵊⴰⵔ ⵙⵏⴰⵜ ⵜⵎⵉⵣⴰⵔ.
ⵜⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙⴰ ⵏⵣⵀⴰ ⵄⴰⵍⴰⵡⵉ ⵎⵃⴰⵎⴷⵉ ⵜⴰⵎⵙⵇⵇⴰⴷⵜ ⵏ ⵍⵎⵖⵔⵉⴱ ⴳ ⵉⵜⵢⵓⴱⵢⴰ, ⵉⴳⴰ ⵜⴰⵎⵍⴷⴰ ⵏ ⵓⵔⵣⵣⵓ ⵏ ⵜⵎⴰⵎⴽⵉⵏ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵜⵣⴷⴰⵢⵉⵏ ⵜⵉⵙⵔⵜⴰⵏⵉⵏ ⴷ ⵜⴷⵎⵙⴰⵏⵉⵏ.
ⵉⵏⵏⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵉ ⵉⵏⵖⵎⴰⵙⵏ ⵎⴰⵙ ⵉⵍⵍⴰ ⵓⵎⴹⴰⴽⴰⵕ ⴼ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵜⵉⵣⴷⴰⵏⵉⵏ ⵥⵉⵍⵏⵉⵏ ⵣⵣⵉⴳⵣⵏⵉⵏ.
ⵢⵉⵏⵉ ⵎⴰⵙ ⵉⵍⵍⴰ ⵓⵎⴹⴰⴽⴰⵕ ⵓⵍⴰ ⴼ ⵜⵣⴷⴰⵢⵉⵏ ⵜⵉⴷⵎⵙⴰⵏⵉⵏ, ⵙⵍⴰⵡⴰⵏ ⴰⴽⴽⵯ ⵍⵍⵉ ⵜⴻⵟⵟⴰⴼ ⵉⵜⵢⵓⴱⵢⴰ ⴰⵙⴰⴽⵯⵏ ⴰⵎⵇⵔⴰⵏ ⵏ ⵍⴰⵏⴳⵔⵉ, ⵍⵍⵉ ⴼ ⵜⵜⵓⵣⵎⵎⴰⵎ ⵜⵎⵢⴰⵇⵇⴰⵏⵜ ⴳ ⵓⵔⵣⴰⴼ ⴰⵎⵣⵔⴰⵢ ⵍⵍⵉ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⵉ ⵜⵎⴰⵣⵉⵔⵜ ⴰⴷ ⴳ 2016.
ⵢⵉⵏⵉ ⵓⵍⴰ ⵎⴰⵙ ⵉⵍⵍⴰ ⵓⵎⴹⴰⴽⴰⵕ ⵅⴼ ⵓⵣⴷⴰⵢ ⴰⵢⵍⴰⵏ ⵊⴰⵔ ⵜⵉⵎⵉⵣⴰⵔ, ⴷ ⵜⵉⵍⵉⵜ ⵏ ⵜⵎⵙⵙⵓⵔⵉⵏ ⵥⵍⵉⵏⵉⵏ ⵃⵎⴰ ⴰⴷ ⵢⵉⵍⵉ ⵓⵣⴷⴰⵢ ⵓⵙⵔⵉⴷ ⵊⴰⵔ ⵍⵎⵖⵔⵉⴱ ⴷ ⵉⵜⵢⵓⴱⵢⴰ ⵉ ⵚⴰⵃⴰ ⵏ ⵙⵏⴰⵜ ⵜⵎⵉⵣⴰⵔ.
ⵢⵉⵏⵉ ⵓⵍⴰ ⵎⴰⵙ ⵉⵍⵍⴰ ⵓⵎⴹⴰⴽⴰⵕ ⴼ ⴰⴷ ⵉⵍⵉⵏⵜ ⵜⵙⵏⵜⴰⵢⵉⵏ ⵊⴰⵔ ⵉⴱⵕⵍⴰⵎⴰⵏⵏ ⵏ ⵜⵎⵉⵣⴰⵔ ⵉ ⵓⵙⵎⵖⵔ ⵏ ⵓⵎⵙⴰⵡⴰⵍ ⴰⵙⵔⵜⴰⵏ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴳ ⵢⵉⴳⵔ ⵏ ⵜⴰⵔⵏⴰⵎⴰⵎⵙⵜ ⴷ ⵓⵎⵢⴰⵡⴰⵙ ⴳ ⵜⴳⵔⴰⵡⵉⵏ ⵜⵉⴳⵔⴰⵖⵍⴰⵏⵉⵏ.
ⵉⵔⵣⴼ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷⵉⵙ ⴰⴱⴰⴱ ⵃⵎⴰ ⴰⴷ ⵢⴰⵎⵥ ⵜⴰⵙⵎⵖⵓⵔⵜ ⵜⴰⴼⵔⵉⵇⵉⵜ ⵉⵜⵜⵓⴼⴽⴰⵏ ⵉ ⵉⴳⵍⵍⵉⵏ ⵏ ⵓⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ, ⵜⴰⵎⵍⵍⴰ ⵏ ⵕⴱⴱⵉ ⴼⵍⵍⴰ, ⴼ ⵜⵓⴳⴳⴰⵙ ⵏⵏⵙ ⵉ ⵓⵙⵎⵓⵏ ⵏ ⵉⴼⵔⵉⵇⵢⴰ ⴷ ⵓⵙⵍⴻⵍⵍⵉ ⵏⵏⵙ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵢⵉⵡⵙ ⴳ ⵓⵙⴽⵔ ⵏ ⵜⵎⴰⴷⴷⴰⵙⵜ ⵏ ⵜⵢⴰⵏⵜ ⵜⴰⴼⵔⵉⵇⵉⵜ.