ⵉⵙⵏⵓⴱⴳ ⵎⴰⵙⵙ ⴱⵏ ⵄⵓⵎⴰⵕ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴽⵓⵔⵢⴰ-ⵍⵎⵖⵔⵉⴱ

ⵉⵙⵏⵓⴱⴳ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 31 ⴽⵟⵓⴱⵕ 2022, ⴳ ⵕⵕⴱⴰⵟ ⵎⴰⵙⵙⴰ IN Jae Keun  ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵍⴰ ⵜⴰⴱⵕⵍⴰⵎⴰⵏⵉⵜ ⴽⵉⵔⵢⴰ ⵍⵎⵖⵔⵉⴱ ⵉⵍⵍⴰⵏ ⴳ ⵓⵔⵣⴰⴼ ⵉ ⵍⵎⵖⵔⵉⴱ ⵙⴳ 29 ⴽⵟⵓⴱⵕ ⴰⵔ 2 ⵏⵓⵡⴰⵏⴱⵉⵔ 2022 ⴷ ⵉⴳⵎⴰⵎⵏ ⵏ ⵜⴰⴱⴱⴱⵓⵜ.

ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⵎⴰⵙⵙ Chung Keeyong  ⴰⵎⵙⵇⵇⴰⴷ ⵏ ⴽⵓⵔⵢⴰ ⵏ ⵉⴼⴼⵓⵙ ⴳ ⵍⵎⵖⵔⵉⴱ, ⵢⵉⵍⵉ ⵓⵎⴹⴰⴽⴰⵕ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴷ ⵜⵎⵙⴰⵔⵉⵏ ⵛⵛⴰⵔⵏⵉⵏ.  

ⴳ ⵜⵣⵡⵉⵔⵉ, ⵉⵙⵎⵏⵉⴷ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ ⵉ ⵓⴽⴰⴱⴰⵕ ⴰⴽⵓⵔⵉ ⴰⴼⵛⴰⴷ ⵙ ⵉⵙⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵎⵙⴰⵔⵉⵏ ⵏ ⵜⵖⵔⵎⵜ ⵏ ⵙⵢⵓⵍ ⴰⵙⵙ ⵏ ⵓⵙⴰⵎⴰⵙ, ⴱⴷⴷⵏ ⵜⵓⵙⴷⴰⴷⵜ ⵏ ⵉⴼⵙⵙⵉ ⴼ ⵉⵎⴰⵏ ⵏ ⵉⵏⴳⴰⵙⵏ.

ⵙ ⵜⵎⵍⴷⴰ, ⵉⵙⵎⴰⵢⵏⵓ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵙⴷⴷⵉⴷ ⵏ ⵜⵉⵕⵡⵉ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴽⵓⵔⵢⴰ ⵏ ⵉⴼⴼⵓⵙ, ⵉⵙⴰⵡⵍ ⴼ ⵜⵎⵙⴽⴰⵔ ⵏ ⵜⴳⵍⴷⵉⵜ ⴳ ⵉⵙⴳⴳⵯⴰⵙ ⴳⴳⵓⵔⴰⵏⵉⵏ ⴳ ⵉⴳⵔⴰⵏ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⴷ ⵜⴰⵙⵙⴰⵙⵜ ⵏ ⵡⴰⵎⴰⵏ.

ⵢⵉⵏⵉ ⵓⵍⴰ ⵎⴰⵙ ⵉⵔⴰ ⵍⵎⵖⵔⵉⴱ ⴰⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵢⵉⴳⵔ ⵏ ⵓⵙⵎⵓⵜⵜⴳ ⴰⵜⵉⵇⵏⵉ ⵙ ⵜⵎⵣⵡⴰⵔⵜ ⵏ ⴽⵓⵔⵢⴰ ⴳ ⵉⴳⵔ ⴰⴷ.

ⵉⵖⵔ ⵓⵍⴰ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵙ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ, ⵉⵙⴰⵡⵍ ⵓⵍⴰ ⴼ ⵓⴷⵖⴰⵔ ⵉⵍⵍⴰⵏ ⴷⴰⵔ ⵜⵎⵖⴰⵔⵜ ⴳ ⵜⵓⴷⵔⵜ ⵜⴰⵙⵔⵜⴰⵏⵜ ⴳ ⵜⵎⴰⵣⵉⵔⵜ ⵏⵏⵖ.

ⴳ ⵓⵎⵏⵉⴷ ⵏⵏⵙ, ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴽⵓⵔⵢⴰ-ⵍⵎⵖⵔⵉⴱ ⵎⴰⵙ ⵉⴽⵛⵎ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ 61 ⵏ ⵓⵙⴳⴳⵯⴰⵙ ⴼ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, , ⵎⴰⵙ ⵣⵣⵉⴳⵣⵏⵜ ⵜⵣⴷⴰⵢⵉⵏ ⴰⴷ.

ⵙⵓⵜⴳⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⵉⵎⵙⴽⴰⵜ ⵏ ⵜⵎⴰⵣⵉⵔⵜ ⵏⵏⵖ ⵖ ⵎⴰⵕⵕⴰ ⵏ ⵉⴳⵔⴰⵏ, ⵉⵏⵉⵏ ⵎⴰⵙ ⵉⵟⵟⴰⴼ ⵍⵎⵖⵔⵉⴱ ⵜⵉⵥⴹⴰⵕⵉⵏ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ.

ⵖⵔⵉⵏ ⵓⵍⴰ ⵉ ⵓⵙⴷⵓⵙ ⵏ ⵜⵉⵍⵉⵜ ⴷ ⵓⵔⴳⴳⵉⴳ ⵏ ⵜⵎⵙⵙⵓⵔⵉⵏ ⵏ ⴽⵓⵔⵢⴰ ⴳ ⵍⵎⵖⵔⵉⴱ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ.

ⴳ ⵓⵏⵎⵓⵇⵇⴰⵔ ⴰⴷ, ⵙⴰⵡⵍⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⴰⴷ ⴼ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵜⴷⵔⴰⵡⵜ ⵏ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⴳ ⵜⵓⴷⵔⵜ ⵜⴰⵙⵔⵜⴰⵏⵜ.