ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵓⴽⴰⴱⴰⵕ ⴰⵍⵉⴱⵉⵕⴰⵍⵉ ⴰⴱⵉⵍⵊⵉⴽⵉ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⵡⵙ 28 ⴽⵟⵓⴱⵕ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙ Georges-Louis Bouchez ⴰⵏⵙⵙⵉⵅⴼ ⵏ ⵓⴽⴰⴱⴰⵕ ⴰⵍⵉⴱⵉⵕⴰⵍⵉ ⴰⴱⵉⵍⵊⵉⴽⵉ ⵍⵍⵉ ⵉⵙⴽⵔⵏ ⴰⵔⵣⴰⴼ ⵏ ⵜⵡⵡⵓⵔⵉ ⵉ ⵍⵎⵖⵔⵉⴳ ⴳ 27 ⴰⵔ 30 ⴽⵟⵓⴱⵕ, ⵔⴰⴷ ⴳⵉⵙ ⵉⵎⵏⴰⵇⵇⴰⵔ ⴷ ⵉⵎⵙⵜⴰⵢⵏ ⵉⵎⵖⵔⵉⴱⵉⵢⵏ ⵉⵥⵔ ⵓⴽⴰ ⵉⵙⵏⴼⴰⵔⵏ ⵅⴰⵜⵔⵏⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

ⵉⵍⵍⴰ ⵓⵎⴹⴰⴽⴰⵕ ⴼ ⵜⵣⴷⴰⵢⵉⵏ ⵙⵎⵓⵏⵏⵉⵏ ⵏⴳⵔ ⵉⵙⵇⵇⵉⵎⵏ ⵏ ⵉⵎⵓⵔⴰ ⴳ ⵍⵎⵖⵔⵉⴱ ⴷ ⴱⵉⵍⵊⵉⴽⴰ, ⴷ ⵊⴰⵔ ⵉⴷ ⴱⴰⴱ ⵏ ⵜⵙⵔⵜⵉⵜ ⴷ ⵉⴱⵕⵍⴰⵎⴰⵏⵉⵢⵏ ⴳ ⵙⵏⴰⵜ ⵜⵎⵉⵣⴰⵔ ⴷ ⵓⵙⴷⵓⵙ ⵏ ⵓⵎⵢⴰⵡⴰⴹ ⵉⵙⵓⵍⵏ. ⵉⵙⴰⵡⵍ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴼ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵓⵙⴰⵜⵉ ⵏ ⵓⴷⵓⵙⵜⵓⵔ ⵏ 2011, ⴷ ⵓⵏⴳⵔⴰⵡ ⵏ ⵓⵙⵜⴰⵢ ⴷ ⵓⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴷ ⵜⵎⵥⵍⴰⵢ ⵏ ⵓⵙⵇⵇⵉⵎ ⴳ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵣⴷⴰⵢⵉⵏ ⴰⴽⴷ ⵜⵉⵎⵔⵙⴰⵍ ⵜⵉⴷⵙⵜⴰⵔⵉⵏ, ⴷ ⵜⵉⵍⴰⵍ ⵜⵉⴷⵙⵍⴰⵏⵉⵏ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵎⵖⵔⵉⴱⵉⵜ ⴳ ⵓⵙⴷⵓⵙ ⵏ ⵓⵣⴷⴰⵢ ⴰⴽⴷ ⵉⴱⵕⵍⴰⵎⴰⵏⵏ ⴷ ⵉⵏⵎⵓⵇⵇⴰⵔⵏ ⵉⵎⵏⵥⴰⵡⵏ ⴷ ⵉⴳⵔⴰⵖⴰⵍⴰⵏⵏ.

ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵓⵍⴰ ⵜⴰⵣⵣⵉⴳⵣⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ ⴷ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⵏ ⵜⴳⵍⴷⵉⵜ ⵏ ⵎⵖⵔⵉⴱ, ⵢⵉⵏ ⵎⴰⵙ ⵜⴻⵟⵟⴰⴼ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵍⵎⵖⵔⵉⴱ ⴰⵙⵏⴰⵍ ⴰⵙⴳⴰⵡⴰⵏ ⴷ ⵓⴳⵔⴰⵖⵍⴰⵏ, ⵉⵙⴰⵡⵍ ⴼ ⵜⵖⵜⴰⵙⵜ ⵉⴳⴳⵓⵔⴰⵏ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ  ⴰⴳⵔⴰⵖⵍⴰⵏ ⴳ ⵉⵙⴷⵉⴷ ⴼ ⵜⵙⵏⵜⴰⵢⵜ ⵜⴰⵎⵖⵔⵉⴱⵉⵜ ⵏ ⵓⵏⴱⴰⴹ ⴰⵏⵉⵎⴰⵏ ⵉ ⵓⴼⵓⴽⴽⵓ ⵏ ⵓⵎⵏⵣⴰⵖ ⴰⵙⴳⴰⵡⴰⵏ ⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ.

ⵖⵎⴽ ⵍⵍⵉ ⵉⵙⵎⵏⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵜⴰⵣⵣⵉⴳⵣⵜ ⵉⵙⵜⴰⵡⵀⵎⵎⴰⵏ ⵏ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ, ⵉⵙⴰⵡⵍ ⴼ ⵜⵎⴷⵔⴰⵡⵜ ⵏⵏⵙⵏⵜ ⵜⴰⵅⴰⵜⴰⵔⵜ ⴳ ⵉⵙⵜⴰⵢⵏ ⵏ ⵛⵓⵜⴰⵏⴱⵉⵔ 2011, ⵉⵙⵎⵏⵉⴷ ⵓⵍⴰ ⵜⵉⵎⵥⵍⴰⵢ ⵏ ⵡⴰⵏⴰⵡ ⴰⵎⵖⵔⵉⴱⵉ ⴷ ⵎⴰⴷ ⵉⵍⵍⴰⵏ ⴳ ⵜⴳⵍⴷⵉⵜ ⴳ ⵜⵏⴼⵔⵓⵜ ⴷ ⵓⵔⴳⴳⵉⴳ ⴷ ⵓⵅⵎⵎⴻⵎ ⴳ ⵓⴼⴳⴰⵏ ⴷ ⵓⵣⵡⴰⴳ ⴷ ⵉⵎⵣⵡⴰⴳ ⴷ ⵓⵍⵜⴰⵖ ⵏ ⵍⵎⵖⵔⵉⴱ ⴳ ⵉⵙⴰⵡⵓⵔⵏ ⵏ ⵓⵙⵙⵍⵎⴷ ⴷ ⵓⵙⴳⵎⵉ ⴷ ⵓⵙⴼⵍⵙ ⴰⴷⵓⵙⴰⵏ ⴷ ⵓⴼⵔⴰⴳ ⴰⵏⴰⵎⵓⵏ ⴷ ⵓⵙⵡⵓⵔⵉ ⴷ ⵜⵥⴹⵕⵜ ⵜⴰⵎⴰⵢⵏⵓⵜ ⴷ ⵜⵏⴼⵔⵓⵜ ⵏ ⵓⵜⵛⵓ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ, ⴰⵢⵍⵍⵉ ⵉⵙⴽⵔ ⴳ ⵜⴳⵍⴷⵉⵜ ⵢⴰⵏ ⵡⴰⵏⴰⵡ ⵉⵥⵉⵍⵏ ⴳ ⵉⵙⵡⵉⵔⵏ ⴰⵎⵏⵥⴰⵡ ⴷ ⵓⴳⵔⴰⵖⵍⴰⵏ.

ⴳ ⵓⵎⵏⵉⴷ ⵏⵏⵙ, ⵉⵙⴰⵡⴰⵍ ⵎⴰⵙⵙ Georges-Louis Bouchez ⴼ ⵓⵙⵓⵜⴳ ⵏ ⵓⵏⵎⵓⵇⵇⴰⵔ ⴰⴽⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙⴷⴷⵉⴷ ⴼ ⵓⵙⴷⵓⵙ ⵏ ⵓⵎⵙⵡⴰⵍ ⴰⴽⴷ ⵉⴷ ⴱⴰⴱ ⵏ ⵜⵙⵔⵜⵉⵜ ⴷ ⵉⴱⵕⵍⴰⵎⴰⵏⵉⵢⵏ ⴷ ⵓⵎⵢⴰⴷⴰⵙ ⵏ ⵜⴰⵏⵏⴰⵢⵢⵉⵏ ⴷ ⵜⵓⵙⵏⴰ ⵏ ⵡⴰⵏⴰⵡ ⴰⵎⵖⵔⵉⴱⵉ ⴷ ⵜⵎⵥⵍⴰⵢ ⵏ ⵉⵙⴰⵡⵔⵏ ⵖ ⵜⴽⵛⵎ ⵜⴳⵍⴷⵉⵜ ⵏ ⵍⵎⵖⵔⵉⴱ.

ⵉⵙⴰⵡⵍ ⵎⴰⵙⵙ Georges-Louis Bouchez ⵓⵍⴰ ⴼ ⵡⴰⵜⵉⴳ ⵏ ⵉⵔⵣⴰⴼⵏ ⴷ ⵉⵏⵎⵓⵇⵇⴰⵔⵏ ⴰⴷ ⴳⵓⵙⴰⵜⵉ ⵏ ⵜⴷⵉⵏⴰⵎⵉⵜ ⵉⵥⵉⵍⵏ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴱⵉⵍⵊⵉⴽⴰ, ⵜⴳ ⵜⴰⵎⵍⴷⴰ ⵏ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⴽⵉⴳⴰⵏ ⵏ ⵜⵎⵙⴰⵔⵉⵏ ⵛⵛⴰⵔⵏⵉⵏ ⵉ ⵓⵚⴽⵓ ⵏ ⵜⵣⴷⴰⵢⵉⵏ ⵜⵉⵙⵔⵜⴰⵏⵉⵏ ⴷ ⵜⴱⴰⵕⵍⴰⵎⴰⵏⵉⵢⵉⵏ ⴷⵓⵙⵏⵉⵏ.