ⴰⵔ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⴰⴱⵕⵍⴰⵎⴰⵏⵉ ⴳ ⵓⵙⴰⵜⵉ ⵏ ⵓⵏⵎⵓⵇⵇⴰⵔ ⴰⵙⴳⴰⵡⴰⵏ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ ⵏ ⵜⵎⴷⵔⴰⵡⵏ ⵏ ⵜⵏⴱⴰⴹⵜ ⵉⵏⵏⵓⵕⵥⵎⵏ

ⵔⴰⴷ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⴰⴱⵕⵍⴰⵎⴰⵏⵉ ⴼ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⴰⵏⵏⴰⵢⵢⵉⵏ ⵅⴼ ⵜⵉⵡⵉⵣⵉ ⵏ ⵉⴱⵔⵍⴰⵎⴰⵏⵏ ⵉⴼⵔⵉⵇⵉⵢⵏ ⴳ ⵜⵏⴱⴰⴹⵜ ⵉⵏⵏⵓⵕⵥⵎⵏ, ⴳ ⵜⵖⵔⵎⵜ ⵏ ⵡⴰⵎⵓⵔ ⵏ ⵡⴰⴽⵓⵛ ⵙⴳ 1 ⴰⵔ 3 ⵏⵓⵡⴰⵏⴱⵉⵔ 2022, ⴳ ⵓⵙⴰⵜⵉ ⵏ ⵓⵏⵎⵓⵇⵇⴰⵔ ⴰⵙⴳⴰⵡⴰⵏ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜⵏ ⵜⵎⴷⵔⴰⵡⵜ ⵏ ⵜⵏⴱⴰⴹⵜ ⵉⵏⵏⵓⵕⵥⵎⵏ 2022, ⵍⵍⵉ ⵜⵙⵏⵓⴱⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵓⵎⵢⴰⵡⴰⵙ ⴰⴽⴷ ⵜⴰⵎⴷⵔⴰⵡⵜ ⵜⴰⵏⴱⴰⴷⵜ ⵏ ⵉⵏⵏⵓⵕⵎⵣⵏ, ⴰⵙⵙ ⵏ ⵓⴽⵕⴰⵙ 02 ⵏⵓⵡⴰⵏⴱⵉⵔ.

ⵔⴰⴷ ⵉⴷⵔⵓ ⴳ ⵓⵏⵎⵓⵇⵇⴰⵔ ⴰⴷ ⵓⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵙⴳ ⵉⴼⵔⵉⵇⵢⴰ, ⴷ ⵉⴳⵏⵙⴰⵙⵏ ⵏ ⵜⵏⴱⴰⴹⵉⵏ ⴷ ⵡⴰⵎⵓⵏ ⴰⵖⵔⵎⴰⵏ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ (ⵜⵉⵏⴱⴰⴹⵉⵏ ⵜⵉⴳⵔⴰⵖⵍⴰⵏⵉⵏ) ⴷ ⵜⵎⵔⵙⴰⵍ ⵜⵉⴳⵔⴰⵖⵍⴰⵏⵉⵏ, ⴷ ⵉⵎⵓⵣⴰⵢⵏ. ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⴼ ⵓⵙⵡⵓⴷⴷⵓ ⵏ ⵉⵕⵟⵟⴰⵍⵏ ⴳ ⵉⴼⵔⵉⵇⵢⴰ, ⵜⴰⴷⵉⵎⵓⵇⵔⴰⵜⵉⵜ ⵜⴰⵎⴷⵔⴰⵡⵜ, ⵜⴰⵣⴷⴰⵢⵜ ⵊⴰⵔ ⵓⴱⵕⵍⴰⵎⴰⵏ ⴷ ⵡⴰⵍⵓⵏ ⴰⵖⵔⵎⴰⵏ, ⵜⵉⵏⴰⵥⵕⵉⵏ ⵏ ⵜⵎⵓⵟⵟⵓⵏⵜ, ⴰⵏⵏⵓⵕⵥⵎ ⴼ ⵡⴰⵎⵓⵏ ⴷ ⵜⵉⵍⴰⵍⵜ ⵏ ⵜⵎⵙⵙⵓⴳⵓⵔⵜ ⵜⴰⴱⵕⵍⴰⵎⴰⵏⵉⵜ.

ⵉⴳⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⴳⵎⴰⵎ ⴳ ⵜⵙⵏⵜⴰⵢⵜ ⵏ ⵜⵎⴷⵔⴰⵡⵜ ⵉ ⵜⵏⴱⴰⴹⵜ ⵉⵏⵏⵓⵕⵥⵎ ⵙⴳ 2019, ⵉⵙⴽⵔ ⵜⴰⵢⵢⴰⴼⵓⵜ ⵉⵥⵉⵍⵏ ⴳ ⵓⵙⴽⵔ ⵏ ⵓⵖⴰⵡⴰⵙ ⴰⵎⵣⵡⴰⵔⵓ ⵏ 2018-2021, ⵉⵕⵣⵎ ⵓⵍⴰ ⵉⵎⵛⴰⵡⴰⵕⵏ ⴰⴽⴷ ⵉⵎⵙⴽⴰⵔⵏ ⵉⵏⴰⵎⵓⵏⵏ ⴷ ⵡⴰⵎⵓⵏ ⴰⵖⵔⵎⴰⵏ ⴼ ⵓⵙⴽⵔ ⵏ ⵓⵖⴰⵡⴰⵙ ⵏ 2022-2023.

ⵢⵓⵎⴰ ⵓⵖⴰⵡⴰⵙ ⵏ ⵓⵙⵇⵇⵉⵎ ⵉⵍⵍⴰⵏ ⵙⴳ ⵖⵓⵛⵜ 2022 ⴰⵔ ⴷⵓⵊⴰⵏⴱⵉⵔ 2023 ⵙⴰⵜ ⵜⵎⵙⴽⴰⵔ: ⴰⵣⵓⵣⵣⵔ ⴷ ⵓⵙⴷⵓⵙ ⵏ ⵜⴷⵉⵓⵇⵔⴰⵜⵉⵜ ⵜⴰⴱⵕⵍⴰⵎⴰⵏⵉⵜ, ⴰⵙⴽⵔ ⵏ ⵓⴱⵕⵍⴰⵎⴰⵏ ⵏ ⵡⴰⴷⴰⵙ ⴷ ⵓⵏⵏⵓⵕⵥⵎ ⴼ ⵓⵀⴷⵓⴷ, ⴰⵙⴷⵔⵓ ⵏ ⵉⵏⵎⵓⵔⴰⵏ ⴳ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵙⵓⵜⴳ, ⴰⵙⵏⵎⴰⵍⴰ ⵏ ⵉⵎⵓⵙⵙⵓⵜⵏ ⴼ ⵜⴷⵉⵎⵓⵇⵔⴰⵜⵉⵜ ⴷ ⵓⵣⵓⵣⵣⵔ ⵏ ⵜⴷⵍⵙⴰ ⵏ ⵜⵎⴷⵔⴰⵡⵜ ⵊⴰⵔ ⵉⵄⵔⵔⵉⵎⵏ ⴷ ⵜⴰⵣⵣⴰⵏⵉⵏ.