ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵜⵖⵔⵉ ⵙ ⵜⴷⵔⴰⵡⵜ ⴰⴽⴷ ⵜⵉⵎⵔⵙⵍⵜ ⵏ ⵡⵉⵙⵜⵎⵏⵉⵙⵜⵔ ⵉ ⵜⴷⵉⵎⵓⵇⵔⴰⵟⵉⵜ

ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵎⴷⵔⴰⵡⵜ ⴷ ⵜⵎⵔⵙⵍⵜ ⵏ ⵡⵉⵙⵜⵎⵉⵏⵙⵜⵔ ⵉ ⵜⴷⵉⵎⵓⵇⵔⴰⵜⵉⵜ, ⴰⴽⵕⴰⵙ 26 ⴽⵟⵓⴱⵕ 2022, ⴰⵙⵙ ⵏ ⵜⵖⵔⵉ ⴼ ⵜⵉⵍⴰⵍⵜ ⵏ ⵜⵙⵇⵇⵉⵎⵜ ⴳ ⵉⵎⵏⵉⴷⵏ ⵏ ⵓⵙⵇⵙⵉ ⴷ ⵜⵎⴰⴼⴰⵡⵜ, ⵙ ⵜⵉⵍⵉⵜ ⵏ ⵜⵏⴱⴳⵉⵜ ⵏ ⵡⴰⴷⴷⵉⵔ ⵎⴰⵙⵙⴰ ⵜⵔⵉⵙⵉ ⵜⵉⵜ ⵜⴰⵎⴰⵔⵉⵜ ⵏ ⵓⵎⵙⵇⵇⴰⴷ ⵏ ⴱⵕⵉⵟⴰⵏⵢⴰ ⴳ ⵕⵕⴱⴰⵟ, ⴷ ⵜⴷⵔⴰⵡⵜ ⵏ ⵉⵎⵓⵣⴰⵢⵉⵏ ⵉⴽⴰⴷⵉⵎⵉⵢⵏ ⵙⴳ ⵍⵎⴱⴷⵉⴱ ⴷ ⴱⵕⵕⴰ ⵏⵏⵙ ⴷ ⵉⴳⵏⵙⴰⵙⵏ ⵏ ⵡⴰⵎⵓⵏ ⴰⵖⵔⵎⴰⵏ ⴷ ⵉⵎⵣⵔⴰⵡⵏ ⵏ ⵓⵎⴰⵙⵟⵕ ⵏ ⵜⴷⵔⵉⵎⵜ ⵜⴰⴳⴷⵓⴷⴰⵏⵜ.

ⴳ ⵜⵣⵡⵉⵔⵉ, ⵜⴼⴽⴰ ⵎⴰⵙⵙⴰ ⵍⴰⵟⵉⴼⴰ ⵍⴱⵍⵉⵃ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ, ⴰⵙⵎⴰⵇⵇⵍ ⴼ ⵜⵡⵡⵓⵔⵉ ⵏ ⵜⵙⵇⵇⵉⵎⵜ ⵙⴳ 2014 ⴷ ⵓⵎⵏⴰⴹ ⵏ ⵓⵙⴽⵔ ⵏⵏⵙ ⵉⵣⴷⵉⵏ ⴷ ⵓⴷⵓⵙⵜⵓⵔ ⵏ 2011 ⵉⵣⴷⵉⵏ ⴷ ⵜⵎⴰⴼⴰⵡⵜ ⴷ ⵜⵎⴰⵙⴰⵢⵜ ⴷ ⵓⵚⵉⵟⵏ. 

ⵜⵉⵏⵉ ⵎⴰⵙⵙⴰ ⵍⴱⵍⵉⵃ ⵎⴰⵙ ⴰ ⵙⵡⵓⵔⵉⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵉ ⵓⵙⴱⴷⴷⵉ ⵏ ⵎⴰ ⵎⴰⴷ ⵉⴳⴰⵏ ⵎⴳⴰⵍ ⵏ ⵡⴰⵡⵜⵜⴰⵙ ⵏ ⵜⵙⵇⵇⵉⵎⵜ, ⵍⵍⵉ ⵓⵔ ⵉⴳⵉⵏ ⴰⴼⵓⴽⴽⵓ ⵏ ⵜⵎⵓⴽⵔⵉⵙⵉⵏ ⵜⵉⵙⵔⵜⴰⵏⵉⵏ ⴰⴳ ⵜⵉⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵜⵓⵏⴱⵉⴷⵉⵏ, ⵉⵍⵍⴰ ⵓⵎⵏⴰⴷ ⴰⵏⴰⵎⵓⵔ ⴳ ⵜⵡⵡⵓⵔⵉ ⵏⵏⵙ.

ⵜⵉⵏⵉ ⵓⵍⴰ ⵎⴰⵙ ⵜⴻⵟⵟⴰⴼ ⵜⵙⵇⵇⵉⵎⵜ ⴰⵎⵏⴰⴹ ⴰⴳⵔⴰⵖⵍⴰⵏ ⵍⵍⵉⵖ ⵙⵉⴳⴳⵉⵍⵏ ⵉⵡⴰⵏⴽⵏ ⵉⴼⵔⵉⵇⵉⵢⵏ ⴰⴷⵔⴰⵡ ⵏ ⵜⵉⵔⵎⵉⵜ ⵏⵏⵙ ⴳ ⵜⵉⴹⴰⴼ ⴷ ⵓⴹⴼⵕ ⵏ ⵜⴷⵔⵉⵎⵜ ⵜⴰⴳⴷⵓⴰⴷⴰⵏⵜ.

ⵖⵎⴽⵍⵍⵉ ⵜⵙⴰⵡⵍ ⴼ ⵜⵉⵍⴰⵍⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵎⵏⵉⴷ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ, ⴰⵔ ⵜⵜⴻⴱⴷⴰⴷ ⵜⵙⵇⵇⵉⵎⵜ ⴼ ⵓⵚⵕⵓⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ ⴷ ⵉⴷⵔⵉⵣⵏ ⵏⵏⵙ ⴼ ⵉⵏⵎⵓⵔⴰⵏ ⵙ ⵜⵣⴷⴰⵢⵜ ⴷ ⵉⵡⵜⵜⴰⵙⵏ ⵜⵜⴰⵡⵙⵔⴰⵙⵏⵉⵏ.

ⵜⵙⴰⵡⵍ ⵎⴰⵙⵙⴰ ⴼⴰⵜⵉⵃⴰ ⴰⵢⵜⵓⵍⵄⵉⴷ, ⵜⴰⵎⵏⵀⴰⵍⵜ ⵏ ⵓⵙⵉⵔⴰ ⵏ ⵜⵎⵔⵙⵍⵜ ⵏ ⵡⵉⵙⵜⵎⵉⵏⵙⵜⵔ ⴳ ⵕⵕⴱⴰⵟ, ⴼ ⵓⵎⵏⴰⴹ ⵏ ⵓⵏⵎⵓⵇⵇⴰⵔ ⵉⴽⵛⵎ ⴳ ⵉⵣⵣⴳⵉⵔ ⵏ ⵜⵎⵢⴰⵇⵇⴰⵏⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵔⵙⵍⵜ ⵏ ⵡⵉⵙⵜⵎⵏⵉⵙⵜⵔ, ⴷ ⵜⵓⵙⵙⵏⴰ ⵏ ⵜⵉⵍⴰⵍⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵙⴽⵔ ⵏ ⵜⵎⴰⴼⴰⵡⵜ ⴷ ⵜⵏⵏⵓⴱⴹⴰ ⵉⵥⵉⵍⵏ ⵍⵍⴰⵏⵉⵏ ⴳ ⵓⴷⵓⵙⵜⵓⵔ ⵏ 2011, ⴷ ⵓⵖⴰⵡⴰⵙ ⵏ ⵜⵎⴰⴼⴰⵡⵜ ⴷ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴷ ⵡⴰⵎⵓⵏ ⴰⵖⵔⴰⵏ ⴳ ⵓⵙⴷⵓⵙ ⵏ ⵜⵎⴰⴼⴰⵡⵜ ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵕⵓⴱⴱⴰ.

ⵜⵙⵎⵏⵉⴷ ⵎⴰⵙⵙⴰ ⵓⵍⵉⴼⵢⴰ ⴱⵍⵉⴽⵙ, ⵜⴰⵎⴰⵔⵉⵜ ⵜⴰⴱⵕⵍⴰⵎⴰⵏⵉⵜ ⵙⴳ ⵓⴽⴰⴱⴰⵕ ⵏ ⵉⵍⵙⵡⵓⵔⵉⵢⵏ ⴰⴱⵕⵉⵟⴰⵏⵉ, ⵜⴰⴳⵎⴰⵎⵜ ⵏ ⵜⵙⵇⵇⵉⵎⵜ ⵏ ⵓⵚⵉⵟⵏ ⴳ ⵓⵙⵇⵇⵉⵎ ⵏ ⵉⵎⵓⵔ ⴰⴱⵕⵉⵟⴰⵏⵉ ⵍⵍⵉ ⵉⵙⴰⵡⵍⵏ ⴼ ⵜⵉⵍⴰⵍⵜ ⵏ ⵜⵙⵇⵇⵉⵎⵜ ⴰⴷ ⵎⵏⵉⴷ ⵏ ⵜⵉⵕⵡⵉ ⵜⴰⵥⵕⴼⴰⵏⵜ ⵜⴰⴳⴷⵓⴷⴰⵏⵜ.

ⵜⵙⴰⵡⵍ ⵓⵍⴰ ⵎⴰⵙⵙ ⵍⵉⵏⴷⴰ ⵎⵉⵍⵣ ⵜⴰⵎⵏⵀⴰⵍⵜ ⵏ ⵜⵣⴷⴰⵢⵉⵏ ⴰⴽⴷ ⵓⴱⵕⵍⴰⵎⴰⵏ ⴳ ⵓⵙⵉⵔⴰ ⴰⵏⵎⵓⵔ ⵏ ⵓⵙⵇⵇⵉⵇ ⴼ ⵜⵡⵡⵓⵔⵉ ⵏ ⵓⵙⵉⵔⴰ ⵍⵍⵉ ⵉⵙⵏⴰⵍⵏ ⴰⴱⵕⵍⴰⵎⴰⵏ ⴳ ⵜⵉⴽⴽⵉ ⵏ ⵉⵙⵇⵙⵉⵜⵏ ⵉ ⵜⵏⴱⴰⴹⵜ ⵙ ⵓⵙⴽⵔ ⵏ ⵜⵡⵡⵓⵔⵉ  ⵏ ⵓⵙⵇⵇⵉⵇ ⴰⵥⵕⴼⴰⵏ ⵢⵓⵎⴰⵏ  ⵉ ⵜⵎⵔⵙⴰⵍ , ⵢⵉⴳⵔ ⴰⵎⴰⵜⴰⵢ ⵉ ⵚⴰⵃⴰ ⵏ ⵓⴱⵕⵍⴰⵎⴰⵏ ⴷ ⵜⵎⵙⵙⵓⴳⵓⵔⵉⵏ ⵢⴰⴹⵏⵉⵏ.

ⴳ ⵜⴳⵉⵔⴰ, ⵉⵍⵍⴰ ⵓⵎⴹⴰⴽⴰⵕ ⴷ ⵉⵙⵖⵍⴰⴼ ⴼ ⵜⵉⵔⵡⵉ ⵏ ⵜⵎⵙⴽⵔⵜ ⵏ ⵓⵙⵡⵓⴷⴷⵓ ⴰⴳⴷⵓⴷⴰⵏ ⴷ ⵓⵣⴷⴰⵢ ⵏ ⵜⵎⴽⵕⴰⴹ ⵜⴰⴳⴷⵓⴷⴰⵏⵜ ⵙ ⵓⵙⴽⵔ ⵏ ⵜⵉⵢⵢⴰⴼⵓⵜⵉⵏ ⴷ ⵓⵣⴷⴰⵢ ⵏ ⵜⵎⴰⵙⴰⵢⵜ ⴷ ⵓⵙⵉⵟⵏ ⴷ ⵓⵙⴽⵔ ⵙ ⵓⵣⵣⵔⴰⵢ.

ⵎⵍⵍⵉⵖ ⵜⵜⵓⵙⴽⴰⵔ ⵜⵙⵇⵇⵉⵎⵜ ⵏ ⵜⵉⴹⴰⴼ ⵏ ⵜⴷⵔⵉⵎⵜ ⵜⴰⵎⴰⵜⴰⵢⵜ, ⴰⵔ ⵜⴰⵇⵔⴰ ⵉⵏⵇⵇⵉⵙⵏ ⵏ ⵜⵙⵏⴱⴹⴰⵢⵜ ⵏ ⵓⵙⵉⵟⵏ  ⴷ ⵉⵖⴰⵡⴰⵙⵏ ⵉⵙⴳⴳⵯⵙⴰⵏⵏ ⵏ ⵜⵉⴹⴰⴼ, ⵙⴳ ⵎⴰⴼ ⵜⵙⵡⵓⵔⵉ: ⴰⴼⵏⵉⵇ ⴰⵏⴰⵎⵓⵔ ⵏ ⵜⵏⴰⴼⵜ, ⴰⴼⵏⵉⵇ ⵏ ⵡⴰⵔⵔⴰⵣ, ⴰⵙⵏⴰⵍ ⴰⴳⵯⵏⵙⴰⵏ ⴷ ⵡⵉⵏ ⴱⵕⵕⴰ ⵏ ⵜⵎⵙⵎⵓⵏⵉⵏ, ⵜⵉⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ.