ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵓⵕⵓⴱⴱⴰ ⵜⴰⵎⴰⵢⵏⵓⵜ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 24 ⴽⵟⵓⴱⵕ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙ ⵎⴰⵍⴽ ⴰⵣⵎⵏⵉ, ⴰⴱⵕⵍⴰⵎⴰⵏⵉ ⵙⴳ ⵓⵕⵓⴱⴱⴰ ⴷ ⵓⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵓⵕⵓⴱⴱⴰ ⵜⴰⵎⴰⵢⵏⵓⵜ, ⵉⵍⵍⴰⵏ ⴳ ⵓⵔⵣⴰⴼ ⵉ ⵍⵎⵖⵔⵉⴱ ⵖ ⵔⴰⴷ ⵉⵙⴽⵔ ⵉⵏⵎⵓⵇⵇⴰⵔⵏ ⴷ ⵉⵎⴰⵙⵜⴰⵢⵏ ⵉⵥⵕ ⵓⵍⴰ ⵉⵙⵏⴼⴰⵔⵏ ⵅⴰⵜⵔⵏⵉⵏ ⵏ ⵜⴳⵍⴷⵉⵜ  ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵙⴳ 23 ⴰⵔ 27 ⴽⵟⵓⴱⵕ.

ⵃⴰⴹⵕⵏ ⴳ ⵓⵏⵎⵓⵇⵇⴰⵔ ⴰⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ: ⵎⴰⵙⵙ ⵀⵉⵛⴰⵎ ⴰⵢⵜ ⵎⵏⵏⴰ ⴷ ⵎⴰⵙⵙⴰ ⵣⵉⵏⴰ ⵛⴰⵀⵉⵎ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⵄⴰⴱⴷⵍⵎⴰⵊⵉⴷ ⵍⴼⴰⵙⵉ ⵍⴼⵉⵀⵔ ⵙⴳ ⵜⵔⴰⴱⴱⵓⵜ ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ.

ⵉⵍⵍⴰ ⵓⵎⴹⴰⴽⴰⵕ ⴼ ⵜⵣⴷⴰⵢⵉⵏ ⵙⵎⵓⵏⵏⵉⵏ ⴰⵙⵇⵇⵉⵎ ⵏ ⵉⵎⵓⵔⴰ ⴰⴽⴷ ⵉⴱⵕⵍⴰⵎⴰⵏⵉⵢⵏ ⵏ ⵓⵕⵓⴱⴱⴰ, ⵉⵙⴰⵡⴰⵍ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴼ ⵜⵉⵔⵎⵉⵜ ⵜⴰⵖⵔⵉⴱⵉⵜ ⴳ ⵓⵎⴰⵍⴰⵓ ⵏ ⵓⴷⵓⵙⵜⵓⵔ ⵏ 2011 ⴷ ⵜⵎⵥⵍⴰⵢ ⵏ ⵓⵙⵇⵇⵉⵎ ⵏⵉⵎⵓⵔⴰ ⴳ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵣⴷⴰⵢⵉⵏ ⴰⴽⴷ ⵜⵉⵎⵔⵙⴰⵍ ⵜⵉⴷⵙⵜⴰⵔⵉⵏ.

ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵣⵣⵉⴳⵣⵜ ⵏ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ  ⴷ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⵏ ⵍⵎⵖⵔⵉⴱ , ⵢⵉⵏⵉ ⵎⴰⵙ ⵜⵉⵡⵉ ⵜⴰⵢⴰⵏⵜ ⵜⴰⴽⴰⵍⵏⵜ ⵏ ⵍⵎⵖⵔⵉⴱ ⴰⵙⵏⴰⵍ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ, ⵉⴳⴽ ⵓⵍⴰ ⵉⵙⵉⵙⴼⵉⵡⵏ ⴼ ⵜⵣⵣⵉⴳⵣⵜ ⵉⵍⵍⴰⵏ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⴳⵍⴷⵉⵜ, ⵉⵙⴰⵡⵍ ⴼ ⵜⴷⵔⴰⵡⵜ ⵢⴰⵜⵜⴰⵓⵢⵏ ⵏ ⵉⵎⵣⴷⴰⵖⵏ ⵏⵏⵙ ⴳ ⵉⵙⵜⴰⵢⵏ ⵏ ⵛⵓⵜⴰⵏⴱⵉⵔ 2021.

ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵓⵍⴰ ⴼ ⵡⴰⵏⴰⵡ ⴰⵎⵖⵔⵉⴱⵉ ⴷ ⵜⵏⴼⵔⵓⵜ ⴷ ⵓⵔⴳⴳⵉⴳ ⵉⵍⵍⴰⵏ ⴳ ⵜⴳⵍⴷⵉⵜ ⴷ ⵓⵅⵎⵎⴻⵎⵏ ⴳ ⵜⵎⵙⴰⵔⵉⵏ ⵏ ⵓⵣⵡⴰⴳ ⴷ ⵉⵎⵣⵡⴰⴳ, ⴷ ⵓⵍⵜⴰⵖ ⵏ ⵍⵎⵖⵔⵉⴱ ⴳ ⴽⵉⴳⴰⵏ ⵏ ⵉⵙⴰⵡⵓⵔⵏ ⴰⵎ ⴰⵙⴼⵍⵙ ⴰⴷⵓⵙⴰⵏ ⴷ ⵓⴼⵔⴰⴳ ⴰⵏⴰⵎⵓⵏ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵜⵏⴼⵔⵓⵜ ⵏ ⵓⵜⵛⵓ ⴷ ⵓⵙⵎⴰⵜⵜⵉ ⴰⵎⴰⵓⵟⵟⵓⵏ, ⴰⵢⵍⵍⵉ ⴳⵉⵙ ⵉⵙⴽⵔⵏ ⴰⵏⴰⵡ ⵉⵥⵉⵍⵏ ⴼ ⵉⵙⵡⵉⵔⵏ ⴰⵎⵏⵥⴰⵡ ⴷ ⵓⴳⵔⴰⵖⵍⴰⵏ.

ⴳ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵓⵎⴰⵔⵉ ⵎⴰⵙⵙ ⵎⴰⵍⴽ ⴰⵣⵎⵏⵉ ⴰⵏⵎⵓⵇⵇⴰⵔ ⵏⵏⵙ ⴰⴽⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙⴷⴷⵉⴷ ⴼ ⵡⴰⵜⵉⴳ  ⵏⵏⵙ ⵉ ⵓⵙⴷⵓⵙ ⵏ ⵓⵎⵙⴰⵡⴰⵍ ⴷ ⵓⵎⵢⴰⵡⴰⴹ  ⵉⵙⵓⵍⵏ ⵊⴰⵔ ⵉⴱⵕⵍⴰⵎⴰⵏⵉⵢⵏ ⴷ ⵓⵎⵢⴰⴷⴰⵙ ⵏ ⵜⴰⵏⵏⴰⵢⵢⵉⵏ ⴷ ⵜⵓⵙⵙⵏⴰ ⵏ ⵡⴰⵏⴰⵡ ⴰⵎⵖⵔⵉⴱⵉ ⴷ ⵜⵎⵥⵍⴰⵢ ⵏ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵍⵍⴰⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ.

ⵖⵎⴽ ⵍⵍⵉ ⵉⵙⴷⴷⵉⴷ ⴼ ⵡⴰⵜⵉⴳ ⵏ ⵓⵔⵣⴰⴼ ⴰⴷ ⵍⵍⵉ ⵉⴳⴰⵏ ⵜⴰⵎⵍⴷⴰ ⵏ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵜⵎⵙⴰⵔⵉⵏ ⵜⵉⵏⵎⵏⴰⴹⵉⵏ ⴷ ⵜⵙⴳⴰⵡⴰⵏⵉⵏ ⴷ ⵜⴳⵔⴰⵖⵍⴰⵏⵉⵏ ⵛⵛⴰⵔⵏⵉⵏ ⵉ ⵓⵚⴽⵓ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷⵓⵙⵏⵉⵏ ⴱⴷⴷⵏⵉⵏ ⴼ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⴷ ⵜⵉⵔⵡⵉ ⵜⴰⴱⵕⵍⴰⵎⴰⵏⵉⵜ ⵜⴰⵙⵉⵏⵔⴰⵏⵜ ⴷ ⵜⴳⵜⵉⵔⴰⵏⵜ.