ⵜⵙⵏⵓⴱⴳ ⵎⴰⵙⵙⴰ ⵏⴰⴷⵢⴰ ⴱⵓⵃⵉⴷⴰ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⵎⴰⵙⵙ ⵏⴰⵚⵉⵔ ⵅⵓⴹⵕ ⴰⴳⵎⴰⵎ ⵏ ⵜⵙⵇⵇⵉⵎⵜ ⵏ ⴱⵕⵕⴰ ⴳ ⵓⴱⵕⵍⴰⵎⴰⵏ ⵏ ⴷⴷⴰⵏⵉⵎⴰⵕⴽ
ⵜⵙⵏⵓⴱⴳ ⵎⴰⵙⵙⴰ ⵏⴰⴷⵢⴰ ⴱⵓⵃⵉⴷⴰ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏⵍⵉⵙⵍⴰⵎ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙⵙ ⵏⴰⵚⵉⵕ ⵅⵓⴹⵕ ⴰⴳⵎⴰⵎ ⵏ ⵜⵙⵇⵇⵉⵎⵜ ⵏ ⵜⵣⴷⴰⵢⵉⵏ ⵏ ⴱⵕⵕ ⴳ ⵓⴱⵍⴰⵎⴰⵏ ⵏ ⴷⴷⴰⵏⵉⵎⴰⵕⴽ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⴷⴷⵓⴽⴽⵯⵍⴰ ⴷ ⵜⵡⵡⵓⵔⵉ ⵉ ⵜⴳⵍⴷⵉⵜ.
ⵙⴰⵡⵍⵏ ⵙⵉⵏ ⵉⵎⵙⵜⴰⵢⵏ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵓⵢⵡⴰⵙ ⵊⴰⵔ ⵙⵏⴰⵜ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵍⵎⵖⵔⵉⴱ ⴷ ⴷⴷⴰⵏⵉⵎⴰⵕⴽ, ⵜⵙⴷⴷⵉⴷ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ ⴼ ⵡⴰⵜⵉⴳ ⵏ ⵓⵎⵙⴰⵡⴰⵍ ⴷ ⵜⵡⵡⵓⵔⵉ ⵉⵛⵛⴰⵔⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵙ ⵓⵙⵉⴳⵓⵜ ⵏ ⵉⵔⵣⴰⴼⵏ ⴷ ⵓⵕⵥⵥⵓⵎ ⵏ ⵓⵎⵚⴰⵡⴹ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵓⵣⴷⴰⵢ ⴷ ⵓⵎⵛⴰⵡⴰⵕ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⵉⴳⵔⴰⵖⵍⴰⵏⵏ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ.
ⵅⴼ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ, ⵉⵙⴷⴷⵉⴷ ⵎⴰⵙⵙ ⵏⵙⵉⵕ ⵅⵓⴹⵕ ⵎⴰⵙ ⵜⵓⵇⵇⵔ ⵜⴳⵍⴷⵉⵜ ⵏ ⴷⴷⴰⵏⵉⵎⴰⵕⴽ ⴷ ⵜⵉⵏ ⵍⵎⵖⵔⵉⴱ ⵜⵉⵔⵙⴰⵍ ⵏ ⵓⵡⵇⵇⵔ ⵏ ⵜⵅⵅⵓⵜⵔⴰ ⵏ ⵉⵡⴰⵏⴽⵏ ⴷ ⵜⵢⴰⵏⵜ ⵏⵏⵙⵏⵜ ⵜⴰⵏⴰⴽⴰⵍⵜ ⴷ ⵜⵍⵍⵓⴳⵏⴰ ⵜⴰⴳⵔⴰⵖⵍⴰⵏⵜⴷ ⵓⴼⵓⴽⴽⵓ ⵏ ⵜⵎⵓⴽⵔⵉⵙⵉⵏ ⵙ ⵓⵎⵙⴰⵡⴰⵍ, ⵉⵙⴷⴷⵉⴷ ⵎⴰⵙ ⴷ ⴰⴼⵙⵙⴰⵢ ⴷ ⵢⵓⵙⴰⵏ ⴷ ⵜⵎⴰⵖⵜ ⵉⵜⵜⵓⵙⴽⴰⵔⵏ ⵅⴼ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵉⴳⴰ ⵜ ⵜⴰⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⴳ ⵓⵙⴰⵜⵉ ⵏ ⵜⵍⵍⵓⴳⵏⴰ ⵜⴰⴳⵔⴰⵖⵍⴰⵏⵜ.
ⵙⴰⵡⵍⵏ ⵙⵉⵏ ⵉⵎⴰⵙⴰⵢⵏ ⵓⵍⴰ ⴼ ⵜⵎⵙⴰⵔⵉⵏ ⵏ ⵓⵣⵡⴰⴳ ⴷ ⵓⵛⴰⵢⴼ ⴰⴳⴷⴰⴰⵏ ⵏ ⵉⵎⵖⵔⵉⴱⵉⵏ ⵖ ⴱⵕⵕⴰ ⵏ ⵍⵎⵖⵔⵉⴱ, ⵜⵙⴷⴷⵉⴷ ⵎⴰⵙⵙⴰ ⴱⵓⵄⵉⴷⴰ ⵎⴰⵙⴰ ⵜⵙⴽⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⵓⴳⴳⵯⴰⵙ ⵙⵜⴰⵡⵀⵎⵎⴰⵏⵉⵏ ⴳ ⵓⵎⵏⵉⴷ ⴰⴷ, ⵙ ⵓⵙⴽⵔ ⵏ ⵓⴼⵔⴰⴳ ⵉⵙⵓⵍⵏ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵉⵎⵖⵔⵉⴱⵉⵏ ⵏ ⴱⵕⵕⴰ ⵉ ⵓⴼⵔⴰⴳ ⴷ ⵓⵙⵕⵚⵓ ⵏ ⵜⵔⵙⴰⵍ ⵏⵏⵙⵏⵜ ⵜⵉⵙⴳⴷⴰⵏⵉⵏ.