ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵉⵎⴹⴰⴽⴰⵕ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵓⵎⴰⵔⵉ ⵎⴰⵙⵙ ⵏⴰⵚⵉⵕ ⵅⵓⴹⵕ ⴰⵎⴰⵔⵉ ⵙⴳ ⴷⴷⴰⵏⵉⵎⴰⵕⴽ
ⵉⵎⴹⴰⴽⴰⵕ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 11 ⴽⵟⵓⴱⵕ 2022 ⴳ ⵕⵕⴱⴰⵟ ⴷ ⵓⵎⴰⵔⵉ ⵙⴳ ⴷⴷⴰⵏⵉⵎⴰⵕⴽ ⵎⴰⵙⵙ ⵏⴰⵚⵉⵕ ⵅⵓⴹⵕ ⵉⵍⵍⴰ ⴳ ⵓⵔⵣⴰⴼ ⵉ ⵜⴳⵍⴷⵉⵜ.
ⴳ ⵜⵣⵡⵉⵔⵉ, ⵉⵙⴰⵡⵍ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ ⴼ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⵏⵉⵜ ⴷ ⵜⵉⵍⴰⵍⵜ ⵏⵏⵙ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵉⵡⴰⵏⴽⵏ, ⵢⵉⵏⵉ ⵎⴰⵙ ⵉⵙⴱⵔⵔⴰⴽ ⵓⵙⵇⵇⵉⵎ ⵏ ⵉⵎⵓⵔⴰ ⵉⴽⴰⴱⴰⵕⵏ ⵉⴱⵕⵍⴰⵎⴰⵏⵉⵢⵏ ⵙⴳ ⵓⵎⴰⴹⴰⵍ ⴰⴽⴽⵯ.
ⵢⵉⵏⵉ ⵎⴰⵙⵙ ⴱⵏ ⵄⵓⵎⴰⵕ ⵎⴰⵙ ⵜⴳⴰ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ ⵜⴰⵎⵣⵡⴰⵔⵓⵜ ⴼ ⵉⵜⵜⵉⵍⵉ ⵓⵎⴹⴰⴽⴰⵕ ⴰⴽⴷ ⵉⴽⴰⴱⴰⵕⵏ ⵉⴱⵕⵍⴰⵎⴰⵏⵉⵢⵏ ⵏ ⴱⵕⵕⴰ, ⴰⵔ ⵉⵜⵜⵉⵍⵉ ⵓⵙⴼⵔⵓ ⵏ ⵡⴰⴷⴷⴰⴷ ⴰⵎⵖⵔⵉⴱⵉ ⴷ ⵓⵙⴼⵔⴽ ⵙ ⵜⵎⵏⵜⵍⵉⵏ ⴷⴰⵜ ⵏ ⵓⵎⵏⵣⴰⵖ ⴰⴷ ⵉⵜⵜⵓⵙⴽⴰⵔⵏ.
ⵉⵙⴰⵡⵍ ⵎⴰⵙⵙ ⴱⵏ ⵄⵓⵎⴰⵕ ⴼ ⵜⵓⵎⵔⵜ ⵏⵏⵙ ⵍⵍⵉⵖ ⵉⵙⴱⵔⵔⴽ ⵎⴰⵙ ⵏⴰⵙⵉⵕ ⵅⵓⴹⵔ ⵉⴳⴰⵏ ⵙⴳ ⵉⴱⵕⵍⴰⵎⴰⵏⵉⵢⵏ ⵉⴷⴰⵏⵉⵎⴰⵔⴽⵉⵢⵏ ⵜⵜⵏⵄⴰⵕⵏⵉⵏ ⵅⴼ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ.
ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵓⵎⴰⵔⵉ ⴰⴷⴰⵏⵉⵎⴰⵕⴽⵉ ⵎⴰⵙ ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵉⵙⵜⴰⵡⵀⵎⵎⴰⵏ, ⵉⵙⵓⵜⴳ ⵉⵎⵙⴰⵙⴰⵜⵏ ⵏ ⴰⴱⵕⴰⵀⴰⵎ ⵏ ⵓⴼⵔⴰ ⵍⵍⵉ ⵉⵣⵎⵎⵉⵎ ⵍⵎⵖⵔⵉⴱ.
ⵉⵙⴷⴷⵉⴷ ⵓⵎⴰⵔⵉ ⴰⴷⴰⵏⵉⵎⴰⵕⴽⵉ ⴼ ⵜⵅⵅⵓⵜⵔ ⵏ ⵍⵎⵖⵔⵉⴱ ⴼ ⵚⵚⵃⵕ, ⵢⵉⵏⵉ ⵎⴰⵙ ⵉⵜⵜⵏⵄⴰⵕ ⵅⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ ⴷ ⵓⵙⴼⵔⵓ ⵏ ⵡⴰⴷⴷⴰⴷ ⴰⵎⵖⵔⵉⴱⵉ ⴳ ⵓⴱⵕⵍⴰⵎⴰⵏ ⵏ ⴷⴷⴰⵏⵉⵎⴰⵕⴽ ⴷ ⵜⵎⵉⵣⴰⵔ ⵍⵍⴰⵏⵉⵏ ⴳ ⵉⵥⵥⵍⵎⴹ ⵏ ⵓⵕⵓⴱⴱⴰ.
ⵉⵖⵔ ⵓⵎⴰⵔⵉ ⴰⴷⴰⵏⵉⵎⴰⵕⴽⵉ ⵉ ⵜⵡⵡⵓⵔⵉ ⵃⵎⴰ ⴰⴷ ⵢⵉⵍⵉ ⵓⴼⵙⵙⴰⵢ ⵏ ⵓⴼⵔⴰ ⵉ ⵓⵎⵏⵣⴰⵖ ⴰⴷ ⴷⴷⵓ ⵏ ⵓⵙⵡⵓⴷⴷⵓ ⵏ ⵜⵎⵜⵜⴰ ⵎⵓⵏⵏⵉⵏ.
ⴳ ⵓⵏⵎⵓⵇⵇⴰⵔ ⴰⴷ, ⵙⴷⴷⵉⴷⵏ ⵙⵉⵏ ⵉⵎⵙⵜⴰⵢⵏ ⴼ ⵡⴰⵜⵉⴳ ⵏ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⴳ ⵢⵉⴳⵔ ⴰⴱⵕⵍⴰⵎⴰⵏⵉ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵍⵎⵖⵔⵉⴱ ⴷ ⴷⴷⴰⵏⵉⵎⴰⵕⴽ.